Luka 24:32 - Kifuliiru

³² Yabo bombi, banabuuzania: «Ikyanya Yesu ashuba mu tuganuulira mu njira, anatusobanulira íbiri mu Mandiko Meeru, ka tutayuvwa nga muliro gukoli yasiri mu mitima yitu?»

Luka 24:32 ပူးပေါင်းရင်းမြစ်များ

Zaburi 104:34

Ee! Ye mu njambaaza. Kwokwo, imitono yani ikwaniini ikizi músimiisa.

Zaburi 39:3

Kundu kwokwo, ikyanya nâli kizi yihulikira, buzira kudeta kiri niꞌgambo liija, lyo nꞌgashenguka bweneene.

Migani 27:17

Ingooyo, iri mu kizi tyazibwa neꞌyabo. Kwo na kwokwo, umundu noꞌwabo, bali mu kizi tabaalanwa.

Migani 27:9

Amavuta naꞌmalaasi, kwo biri noꞌmuhongolo mwija, biri mu shambaaza umutima. Neꞌkyanya umwira ali mu kuhanuula ku mutima úgushenguusiri, nakwo kuli mu kushambaaza.

Hisaaya 50:4

Nahano Rurema akanjoboleesa ukudeta ku njiri íkwaniini. Kwokwo, ikyanya abandu bali mu ba bakoli luhiri, ndi mu bakania indege. Ngiisi shesheezi, Nahano ali mu zindukiri nvyula, ananyereke ngiisi kwo aloziizi.

Yeremiya 15:16

Ikyanya ukambwira amagambo, nanagayuvwiriza bwija. Na buno, gakiri mu njambaaza. E maashi, Nahano Rurema woꞌbushobozi bwoshi! Si ndi mu buuzibwa kwiꞌziina lyawe.

Yeremiya 20:9

Uyo Nahano, hali ikyanya ndi mu deta kwo ngamúyibagira, na mbe ndakiri mu deta kwiꞌziina lyage. Haaho, igambo lyage liri mu yami nyaka mwo nga muliro. Kundu nangayigumiiriza mbu niliyishwekere kwo, si liri mu huluka naaho!

Yeremiya 23:29

Nahano adetaga kwokuno: «Igambo lyani, ka litalyagagi nga muliro? Ka litanali nga nyundo ígweti igajajagula inyaala?

Mariko 4:34

Ndaanalyo igambo lyo akababwira, buzira kukoleesa imigani. Haliko, ikyanya bâli kizi ba bayiheriiri, lyoki lyo âli kizi basobanulira byoshi.

Luka 24:45

Haaho, Yesu anabashoboleesa ukusobanukirwa naꞌMandiko Meeru gooshi.

Yohana 6:63

«Amagala gatahiiti akamaro. Si Umutima gwa Rurema gwohe, gwo gugweti gugabiikana mwoꞌbulamu. Amagambo go njuba mu mùbwira, goohe gali mwoꞌMutima gwa Rurema, ganali mwoꞌbulamu.

Mikolezi 28:23

Yabo bakulu, banalagaana na Pahulu ulusiku lwo bagashubi yiji kuumana kwo, mwiꞌyo nyumba yo ahaaziri mwo. Yulwo lusiku, iri lukahika, Abayahudi banayiji kuumana ku bwingi ukuhima ubwa mbere. Pahulu, anamala umulege-rege gwoshi, agweti agabamenyeesa ku bwitonde hiꞌgulu lyoꞌbwami bwa Rurema. Na mukuba âli loziizi kwo nabo bayemeere Yesu, kyanatuma agabayereka amagambo ágadesiri hiꞌgulu lya Yesu. Maguma, gayandisirwi mu maaja za Musa, naꞌgandi mu bitaabo byaꞌbaleevi.

Baheburaniya 4:12

Igambo lya Rurema liri ligumaana. Linali mu kola. Liyugihiri bweneene, ukuhima ingooti zooshi zaꞌmuugi gabiri. Linali mu beruuza-beruuza, halinde heꞌnzaliro zihumaniini noꞌmutima, na heꞌningo zihumaniini neꞌmisokoororo. Liri mu sobaanura ngiisi byaꞌbandu bagweti bagaatona mu mitima yabo, na ngiisi byo bagweti bagashungika mwo.