Luka 23:35 - Kifuliiru

³⁵ Abandu, bâli yimaaziri yaho bagweti bagaloleera. Abakulu baꞌBayahudi, banatondeera ukushekeereza Yesu, ti: «Yuhuu! Si ashuba mu kiza abandi! Aahago! Ayikizagye yenyene, iri angaba ye Masiya úkatoolwa na Rurema!»

Luka 23:35 ပူးပေါင်းရင်းမြစ်များ

Zaburi 22:17

Balya banangora-mabi, bakoli nzokaniini nga lukuuli lwoꞌtubwa. Keera bandula amaboko naꞌmagulu.

Zaburi 35:15

Haliko ikyanya nꞌgalonga amakuba, banangumanira mu kumbonyoleza, iri bananyamiriza, yuu! Ehee! Kundu ndâli bayiji, si bakayami yiji ndeera, banakizi ngamba ulundatwika.

Zaburi 4:2

E Rurema wani, ngiisi byo uli mu gira, biyamiri bikwaniini. Kwokwo, ikyanya ndi mu makuba, na mbe ndi mu kutabaaza, ukizi njuvya, unandabaale. Bwo we ndi mu huuna, ukizi nyitaba, iri unanyuvwirwa indengeerwa.

Zaburi 69:26

halinde ishumbi zaabo, zisigale mushaka. Hatanabe umundu woꞌkushubi tuula mu maheema gaabo.

Zaburi 71:11

Bali mu deta: «Si Rurema keera akamújanda, ndaaye úwangaki múkiza! Aaho! Mugirage tumúhoove, halinde tunamúgwate.»

Hisaaya 42:1

Lolagi! Uyu, keera nꞌgamútoola, anali ye mukozi wani. Keera nꞌgamúkania umutima, ananzimisiizi bweneene. Ngamúbiika mwoꞌmutima gwani, gira amenyeese ibinyamahanga ngiisi íbikwaniini imbere lyani.

Hisaaya 49:7

Wehe, abandu bakiri mu kugayiriza, banaki kushombiri. Ulyagagi muja naaho woꞌkukizi kolera abatwali. Kundu kwokwo, Nahano ali Lukiza, Umutaluule waꞌBahisiraheeri, anakola mu deta kwokuno hiꞌgulu lyawe: «Ikyanya abaami bagakizi kubona, bagakugingika. Kiri naꞌbakulu banakufukamire.» Kwokwo, ukizi mbiika kwoꞌmulangaaliro! Mukuba, nie Nahamwinyu, Umutaluule waꞌBahisiraheeri. Keera nanakutoola.

Hisaaya 53:3

Si abandu bâli kizi múshomba, iri banamúnegura. Âli kizi jengeerwa, noꞌkukizi libuuka, anaba kyagaza imbere lyabo, halinde banamúbona kwo atali kindu.

Kimombo 3:14

Abandu baani booshi, bâli kizi njekeereza. Banakizi shiiba bagweti bagambonyoleza, wa honyo!

Zakariya 12:10

Beene Dahudi, ngabatabaala kuguma naꞌbandi booshi ábatuuziri i Yerusaleemu. Bagakizi girirana amiija, iri banakizi huuna Rurema. Na bwo bakandumita, bagandoleera, banakizi nyimbira inyimbo zeꞌkigandaaro. Bagandirira, ngoꞌmundu úgweti úgalirira umwana wage weꞌkininga. Bagabululuka ngana, ngoꞌmundu úli mu kizi bululukira ifula yage.

Mataayo 12:18

«Lolagi! Uyu, keera nꞌgamútoola, anali ye mukozi wani mukundwa! Agweti aganzimiisa bweneene! Ngamúbiika mwoꞌmutima gwani, halinde amenyeese ibinyamahanga ngiisi íbikwaniini imbere lyani.

Mataayo 3:17

Mwomwo mwiꞌgulu, mwanalyoka izu, lyanadeta kwokuno: «Uyu, ye Mwana wani mukundwa! Ye mu nzimiisa.»

Luka 16:14

Abafarisaayo, mbu bayuvwagwe byoshi byo Yesu akadeta, banatondeera ukumúshekeereza, wa yuuhu! Mukuba, boohe, bâli kuuziri ifwaranga bweneene.

Luka 23:13

Ha nyuma, Pilaato anakuumania abakulu baꞌbagingi, naꞌbatwali baꞌBayahudi, kuguma naꞌbandu ba mu kaaya.

Luka 23:39

Mu yabo biitani bombi, muguma anatuka Yesu, ti: «Ka utali we ulya Masiya? Aahago! Uyikizagye! Na nyiitu, utukize!»

1 Peturu 2:4

Muyegeerage Nahano, bwo yiꞌbuye ligumaana. Kundu abandu bakamúlahira, haliko Rurema keera akamútoola kwo ye riiri naꞌkamaro.