Luka 20:10 - Kifuliiru

¹⁰ «Isiku zoꞌkuyimbula, iri zikahika, anatuma umukozi imunda abahiizi, gira bamúheereze ugwage mutuli. Haliko uyo mukozi, banamúlimbagula, banamúgalula maboko mamaata.

Luka 20:10 ပူးပေါင်းရင်းမြစ်များ

1 Baami 22:24

Lyeryo, Zedekiya mugala Kinaana anayami yegeera Mikaaya, anamútumuula uluhi kwiꞌtama, kwa! Anamúbuuza: «Ewe! Koꞌmutima gwa Nahano gwanjaaga mwo, mbu gutondeere ukukudeta mwo?»

2 Baami 17:13

Ikyanya balya Bahisiraheeri naꞌBayuda bâli kizi yifunda mu byaha, Nahano anakizi batumira abaleevi, gira abakengule kwokuno: «Mutwikire ku mabi giinyu. Mukizi simbaha imaaja zaani, naꞌmategeko gaani. Si yizo maaja, nꞌgaziheereza bashokuluza biinyu ku njira yaꞌbakozi baani, abaleevi. Aaho! Mukizi zikulikira.»

1 Kutondobola 19:4

Kwokwo yabo bashosi ba Dahudi, ulya Hanuuni anabagwatiisa, anababegeesa inyanwa, anabalandamulira neꞌbyambalwa halinde ku nio, abuli baliika bagende.

2 Kutondobola 16:10

Mwami Hasa, mbu ayuvwe kwokwo, anarakarira umuleevi Hanani bweneene, halinde anamúlasha mu nyumba yeꞌmbohe. Ku kyekyo kyanya, Hasa anatondeera ukushundeeza abandu baage baguma.

Nehemiya 9:26

«Kundu kwokwo, balya bashokuluza biitu batâli kizi kusimbaha. Si bakakizi huna imbere lyawe, batanatwaza imaaja zaawe. Banayita kiri naꞌbaleevi baawe, banali bo bâli kizi bayinginga kwo bakugalukire. Banakizi tuka iziina lyawe bweneene.

Nehemiya 9:30

«Wanahisa imyaka mingi, ugweti ugabayigenderera. Wanakizi batumira abaleevi baawe, gira bakizi bahanuula ku njira yoꞌmutima gwawe. Kundu kwokwo, batanakizi kutwaza, kiri neꞌhiniini. Kyanatuma ugashubi babiika mu maboko geꞌbinyamahanga.

Zaburi 1:3

Uyo mundu ali mu ba nga kiti kibyale ha butambi lyoꞌlwiji, kinali mu kizi tongeka ku kyanya kyakyo. Ibyasi byakyo, bitâye bogame. Na ngiisi byo ali mu gira, biri mu múgenduukira.

Yeremiya 2:30

«Kundu nꞌgamùhaniiriza, ndaabyo bikamùgirira. Si ikyanya mukahanwa, mutanangalukira. Mwâli kizi minika abaleevi biinyu ku ngooti. Mwehe, mulyagagi nga ndare ndangi íshalisiri, inakola mu janganulana.

Yeremiya 20:2

Lyeryo, uyo Pashuuri anayami múgwatiisa, anamúhimbula. Anabuli múkonera ha mulyango gwa Binyamiini, ha nyumba ya Nahano.

Yeremiya 35:15

Ndi mu kizi mùtumira abakozi baani, abaleevi, ti: “Mutwikire ku mabi giinyu, munakizi gira íbikwaniini. Mutwikire noꞌkuyikumba imizimu, halinde mulonge ukutuula mu kihugo kyo nâli mali gwanwa namùheereza, mwe na bashokuluza biinyu.” Kundu kwokwo, mutagweti mugandwaza, mutananzimbahiri.

Yeremiya 5:24

Si mutali mu deta, ti: “Rurema Nahamwitu ye mu tuniekeza invula ku kyanya íkikwaniini, iba ya mbere kandi iri yaꞌmakamuuka. Neꞌkyanya kyoꞌkuyimbula, ye gweti úgakizi tuheereza imimbu. Ku yukwo, bitukwiriiri tukizi múyoboha.”

Luka 13:34

«E Yerusaleemu, e Yerusaleemu, si we gweti ugayita abaleevi! Ee ma! Ngiisi ábali mu tumwa imwawe, uli mu balasha amabuye. Nâli loziizi ukukuumania abandu baawe, nga kweꞌngoko iri mu vumbeera ibyanagoko byayo. Haliko mutanalooza.

Luka 20:11

«Uyo mwene indalo, anashubi tuma ugundi mukozi. Naye, banamúlimbagula, banamúgira buligo bweneene, banamúgalula maboko mamaata.

Luka 20:9

Yesu anatwira abandu umugani kwokuno: «Hâli riiri mundu muguma, úkabyala indalo yage mweꞌmizabibu. Uyo mundu anagitiiza abahiizi, anabalamira i mahanga, anamala yeꞌsiku nyingi.

Yohana 15:16

Mutali mwe mukandoola. Haliko nie nꞌgamùtoola. Nanamùtuma kwo mukizi gendi tongeka kweꞌbitumbwe, binayame ho. Kwokwo, ngiisi byo mugakizi huuna Daata kwiꞌziina lyani, agakizi mùheereza byo.

Barumi 7:4

E beene witu! Na niinyu, keera mukafwagaga ku Maaja ku njira ya Kirisito, gira lyo mulonga ukuba bandu baage. Mukuba, akazuulwa mu bafwiri, halinde imikolezi yitu ikizi ba naꞌkamaro imwa Rurema.