Luka 2:40 - Kifuliiru

⁴⁰ Uyo mwana Yesu anakizi kula, iri anasikama, anayijuzibwa mwoꞌbwitegeereze. Na Rurema anakizi múgashaanira.

Luka 2:40 ပူးပေါင်းရင်းမြစ်များ

Zaburi 22:9

iri banadeta: «Si agweti agalangaalira Nahano! Aahago! Leka uyo Nahano wage abe ye gamúkiza. Ee! Iri Nahamwabo angaba amúkuuziri, amúkizagye.»

Zaburi 45:2

Umutima gwani guyijwiri mwaꞌmagambo manunu-manunu. Kwokwo, ngola ngayimbira mwami inyimbo zoꞌmulengo. Yizo nyimbo, ululimi lwani lugazirongorora bwija, ngoꞌmundu úyiji bweneene ukuyandika.

Luka 1:80

Uyo mwana Yohana, anakizi kula, iri anakana mu mutima gwage. Anagendi tuula mwiꞌshamba, halinde ukuhisa ku kyanya kyo akahulukira ku Bahisiraheeri.

Luka 2:47

Balya bandu booshi, ikyanya bakayuvwa ngiisi kwo agweti agaadeta, banasoomerwa ngana. Mukuba, ikyanya akabashuvya, âli kizi koleesa amagambo ku bwitegeereze.

Luka 2:52

Yesu anagenderera ukukizi kula, iri anayushuuka mwoꞌbwitegeereze, anakizi simiisa Rurema naꞌbandu.

Yohana 1:14

Ulya Igambo, akayiji ba mundu, anayiji tuula mu kati kiitu. Twanabona ubulangashane bwage. Mukuba, âli kininga kya Yishe, anâli yijwiri mwoꞌbugashaane, noꞌkuli.

Mikolezi 4:33

Indumwa za Yesu, zanakizi tanga ubumasi ku bukalage, iri banayerekana kwo Nahano Yesu keera akazuuka mu bafwiri. Na booshi, banakizi gashaanirwa bweneene!

Bahefeso 6:10

Mu kuyusa, namùbwira: Mukizi sikamaga mu kati ka Nahano, na mu bushobozi bwage bwaꞌkahebuuza!

2 Timoteyo 2:1

E mwana wani! Leka Yesu Kirisito akizi kusikamya mu lukogo lwage!

Batwi beꞌmaaja 13:24

Iri hakatama, muka Manowa anabuta umwana woꞌbutabana. Manowa anamúyinika iziina Samusooni. Uyo mwana anakula, Nahano anakizi múgashaanira.

1 Samweri 2:18

Ku kyanya Samweri âli kizi kolera Nahano, âli kizi ba ayambiiti ikangaata lyoꞌbugingi lyeꞌkitaani.

1 Samweri 2:21

Nahano anagashaanira Haana, anamúheereza abandi baana bashatu boꞌbutabana, naꞌbanyere babiri. Umwana Samweri, anagenderera ukukula bwija imbere lya Nahano.

1 Samweri 2:26

Umwana Samweri, anagenderera ukukula, anakizi simiisa Nahano, kiri naꞌbandu.

1 Samweri 3:19

Samweri anagenderera ukukula. Nahano, banakizi yamanwa. Ngiisi byo Samweri âli kizi deta, ndaalyo kiri neꞌliguma írikafwa ubusha.