Luka 19:44 - Kifuliiru

⁴⁴ Balya bagoma bagakuhongolera haashi. Ndaanalyo ibuye írigasigala ku lyabo. Kiri na ábakutuuziri mwo, nabo bagabindikwa! Mukuba, ikyanya Rurema akakuleetera ubukize, utakakimenya!»

Luka 19:44 ပူးပေါင်းရင်းမြစ်များ

Zaburi 137:9

Bahiriirwi, ngiisi ábagayiji gwata abaana biinyu, banakizi bashangula ku maala.

Hisaaya 10:3

Aahago! Ulusiku Nahano agaahana abandu, kutagi kwo mwâye ki yibulanire? Ikyanya ibinyamahanga bigayiji mùteera kutagi kwo mwâye ki fuuke? Nyandagi ye mwâye tibitire, mbu amùtabaale? Ibindu biinyu, hayi ho mwâye gendi bibisha?

Hisaaya 29:3

E Yerusaleemu, ngakusokanania ibiso byaꞌbasirikaani, banayubake inzitiro ízishuumiri, gira balonge ubulyo bwoꞌkukuteera.

Yeremiya 11:23

Yako kaaya keꞌHanatooti, ikyanya ngakahana, ngakashereeza lwoshi. Ndaanaye úgafuushuka.»

Kimombo 1:8

Yerusaleemu âli kizi yifunda mu byaha bweneene, na buno, akoli yulubiiri. Kundu âli kizi huuzibwa, halikago leero, akola mu negurwa! Abagoma keera bakabona ngiisi kwo akola bukondwe. Buno, akola mu gongeera, iri anayibisha hiꞌgulu lyeꞌshoni.

Danyeri 9:24

«“E Danyeri! Rurema keera akabiika imyaka magana gana na makumi galimwenda. Iyo myaka igaaba ya kumala amahube. Kwokwo, mutwikirage ku byaha, gira amabi giinyu gakogwe, munakizi gira íbikwaniini. Kwokwo, lyo byoshi íbiri mu galya mabone bikoleka. Kiri neꞌKisiika Kyeru Bweneene, kinalonge ukushiigwa amavuta mu kuyeruusibwa.

Danyeri 9:26

«“Ha nyuma lyeꞌyo myaka magana gana na makumi gashatu niꞌna, ulya úkashiigwa amavuta agayitwa. Binaboneke kwo ndaabyo akagira. Ee! Umukulu agayija, anayiji shereeza akaaya kuguma naꞌHandu Heeru bweneene. Neꞌkyanya kyeꞌmberuuka, kigayija duba-duba nga mwijulire. Hanakizi kungula amazibo noꞌbushereeze, nga kwo Rurema akabishungika.

Mika 3:12

Hiꞌgulu liinyu, kyo kitumiri akaaya keꞌYerusaleemu kagahingwa nga ndalo, kanahinduke biguuka! Na ngiisi ho bayubasiragi inyumba ya Nahano, hooshi, hagaamera ibishungu-shungu.

Mataayo 24:2

Yesu anababwira: «Namùbwira ukuli, kwo yibi byoshi byo mubwini hano, byoshi, bigahongolerwa haashi. Ndaalyo ibuye írigasigala ku lyabo.»

Mariko 13:2

Yesu anamúshuvya: «Ka mubwinagi yulu luubako lwaꞌkahebuuza? Si ndaalyo ibuye írigasigala ku lyabo. Si gooshi gagahongolerwa haashi.»

Luka 1:68

«Nahano Rurema waꞌBahisiraheeri, akizi huuzibwa! Mukuba, keera ayiji tanduula abandu baage, anabaguluula.

Luka 1:78

Rurema witu atuyuvwitiiri indengeerwa bweneene! Ku lukogo lwage luhamu, agatutunduukira ukulyoka mwiꞌgulu.

Luka 19:42

anadeta: «Nga wangamenyiri zeene íbyangakuletiiri umutuula! Haliko buno, amasu gaawe gabibishirwi.

Luka 21:6

«Yibi byo mubwini, mu siku ízigayija, byoshi bigahongolerwa haashi. Ndaalyo ibuye írigasigala ku lyabo.»

1 Peturu 2:12

Mukizi tuula mu bapagaani ku njira íkwaniini. Kundu bagweti bagamùlega kwo muli bakozi baꞌmabi, haliko boonyene bagakizi yibonera imikolezi yinyu miija. Kwokwo, neꞌkyanya Rurema agayija, bagayiji múyivuga.