Luka 18:8 - Kifuliiru

⁸ Namùbwiraga, kwo agabaheereza ukuli kwabo duba. Kundu kwokwo, ikyanya Umwana woꞌMundu agayija mu kihugo, ka agaki gwana abandu ábabiisiri Rurema kwoꞌbwemeere?»

Luka 18:8 ပူးပေါင်းရင်းမြစ်များ

Zaburi 46:5

Mu kaaya ka Rurema, muli ulwiji. Amiiji gaalwo, gali mu shagalusania. Yako kaaya, kali keeru bweneene, hanali ho Rurema yenyene atuuziri, ulya úli hiꞌgulu lya byoshi.

Migani 20:6

Abandu bingi bali mu yihaya kwo bali noꞌrukundo úlutâye male. Kundu kwokwo, bitavwarusiri ukulonga umundu mwemeera.

Hisaaya 40:27

E Bahisiraheeri, mwe mukabutwa na Yakobo! Kituma kikagi muli mu yidodomba kwokuno: «Ala nie! Amalibu gaani, si Nahano atagabwini. Rurema wani atagweti agandwaza!»

Mataayo 24:24

Hagahulukira abandu baguma, banayidete kwo boohe, bo Bamasiya. «Hagahulukira naꞌbaleevi beꞌbibeesha. Yabo banabibeesha, bagakizi yerekana ibyereso bihamu byeꞌbitangaaza, mbu lyo bateba kiri na ábâli mali gwanwa batoolwa na Rurema, nga byangaziziri.

Mataayo 8:20

Yesu anamúshuvya: «Banyambwe, bali neꞌmyobo. Noꞌtunyuni, tuli mu ba neꞌngisha. Halikago, Umwana woꞌMundu yehe, atahiiti kiri ho angalambika itwe lyage!»

2 Peturu 2:3

Na bwo bali bazizi beꞌbindu, bagakizi yibangira ibibeesha, mbu lyo bakizi mùlyalyania mwo. Ukulyokera keera, Rurema âli kizi balindiriza ikihano. Na buno, akolaga ibiringiini ukubaminika.