Luka 13:34 - Kifuliiru

³⁴ «E Yerusaleemu, e Yerusaleemu, si we gweti ugayita abaleevi! Ee ma! Ngiisi ábali mu tumwa imwawe, uli mu balasha amabuye. Nâli loziizi ukukuumania abandu baawe, nga kweꞌngoko iri mu vumbeera ibyanagoko byayo. Haliko mutanalooza.

Luka 13:34 ပူးပေါင်းရင်းမြစ်များ

Nehemiya 9:26

«Kundu kwokwo, balya bashokuluza biitu batâli kizi kusimbaha. Si bakakizi huna imbere lyawe, batanatwaza imaaja zaawe. Banayita kiri naꞌbaleevi baawe, banali bo bâli kizi bayinginga kwo bakugalukire. Banakizi tuka iziina lyawe bweneene.

Nehemiya 9:30

«Wanahisa imyaka mingi, ugweti ugabayigenderera. Wanakizi batumira abaleevi baawe, gira bakizi bahanuula ku njira yoꞌmutima gwawe. Kundu kwokwo, batanakizi kutwaza, kiri neꞌhiniini. Kyanatuma ugashubi babiika mu maboko geꞌbinyamahanga.

Zaburi 149:2

E Bahisiraheeri, keera akamùbumba. Kwokwo, mukizi múshambaalira. Abandu beꞌSayuni, bakizi shagalukira umwami wabo.

Zaburi 17:8

Kwokwo, ukizi ndanga nga mboni yiꞌsu lyawe. Unakizi mbisha mu kimbehwa kyeꞌbyubi byawe.

Zaburi 36:7

Ubwija bwawe, buyinamusiri bweneene, nga tunywangi-nywangi tweꞌmigazi, neꞌkihano kyawe kiyisiri bweneene nga nyaaja. E Nahano, we yamiri uli mu langa abandu, kiri neꞌbitugwa.

Zaburi 57:1

Imwoꞌmwimangizi waꞌbimbi. Izaburi ya Dahudi, ku kyanya akapuumuka Sahuli halinde mu lwala. Luli mu yimbwa ngoꞌlwimbo «Utakizi shereeza».

Zaburi 81:13

Ku yukwo, nanabaleka bagenderere ukuyumya imitima yabo, bakizi gira nga ngiisi kwo baloziizi.

Zaburi 91:4

Ee ma! Ayamiri ali mwemeera. Kwokwo, aganakuvumbeera mu byubi byage. Mu mashala gaage, mwo ugakizi tibitira, halinde anabe siribo yoꞌkukizi kushuutira.

Hisaaya 30:15

Nahano Rurema, Umutaluule waꞌBahisiraheeri, ashubi detaga kwokuno: «Iri mwangangalukira, munatuuze mu kati kaani, lyoki mwangakizibwa. Ee! Mwangalonga imisi naaho, mu kutuuza, iri munambiika kwoꞌmulangaaliro. Haliko mwehe, yago miija, mukoli galahiiri lwoshi.

Hisaaya 50:2

Ikyanya nꞌgayija, si ndaaye mundu ye nꞌgagwana! Ikyanya nꞌgayiguza, ndaaye úkayitaba. Aaho! Ka mutoniragi kwo ndashobwiri ukumùkiza? Si ndi mu yami kamya inyaaja mu kudeta naaho! Neꞌnyiiji kwakundi, ndi mu zikamya, libe ishamba, halinde ifwi zooshi zinayami fwa, zinabole.

Yeremiya 2:30

«Kundu nꞌgamùhaniiriza, ndaabyo bikamùgirira. Si ikyanya mukahanwa, mutanangalukira. Mwâli kizi minika abaleevi biinyu ku ngooti. Mwehe, mulyagagi nga ndare ndangi íshalisiri, inakola mu janganulana.

Yeremiya 26:23

Ulya Huriya, banagendi múgwata, banamúgalulira imunda Yoyakimu. Uyo mwami anamúyitiisa ku ngooti, banaziika ikirunda kyage buligo, kuguma naꞌbandi bagunda.

Yeremiya 35:14

Yabo Barekabu, si batali mu nywa idivaayi, halinde zeene, bwoꞌyo Yonadaabu akabalahiza yo. «Haliko niehe, kundu nyamiri ndi mu mùganuuza ubwakya-ubwayira, si mutali mu ndwaza.

Yeremiya 35:17

«Ku yukwo, nie Nahano woꞌbushobozi bwoshi, Rurema waꞌBahisiraheeri nadetaga kwokuno: “Mwe tuuziri i Yerusaleemu, kiri naꞌBayuda booshi, ngamùhaniiriza, nga kwo nâli mali gwanwa namùbwira. Mukuba, kundu nꞌgamùkengula, mwanalahira ukunyuvwa. Na namùhamagala, mutananyitaba!”»

Yeremiya 6:16

Nahano adetaga kwokuno: «Muyimange mu mashangaaniza, muloleekeze bwija. Irya njira nyiija ya kare, mubuuze ngiisi ho iri. Ee! Irya njira nyiija, ibe yo mugakizi lenga mwo. Iri mwangagira kwokwo, lyo mugaluhuuka. Haliko, balya bandu banashuvya: “Iyo njira nyiija, twalahira, kwo tutagagikulikira.”

Kimombo 1:16

Bwo keera nꞌgalonga yago malibu gooshi, ngweti ngaliruuka. Imigenge ikola mu mbunguluka mwo. Ndaaye úwangamboleeza, ndaanaye úwangambeereza ikise. Bwaꞌbagoma bakoli tuhimiri, abaana baani bataki hiiti umulangaaliro.»

Kimombo 4:13

Na íbitumiri bakalongaga ukuyingira mwo, bwaꞌbaleevi naꞌbagingi baamwo bâli kizi yidulumbika mu byaha, mu kukizi yita abandu bazira buhube. Kyanatuma akaaya kagasigala kayulubiiri.

Hosheya 11:2

«Haliko, ikyanya nâli genderiiri ukumúhamagala, anakizi nyisunga hala. Anakizi hoza imizimu ya Baali, iri anayokera imigisi yayo umubadu.

Hosheya 11:7

Abandu baani keera bakahiga kwo banjande. Kundu bali mu kizi deta kwo nie riiri hiꞌgulu lya byoshi, haliko ndaaye úli mu mbeereza ulushaagwa mu kati koꞌkuli.

Yuheeri 2:23

Na niinyu mwe batuulaga beꞌSayuni, mushambaalire Nahano, Rurema winyu. Mukuba, agamùyerekana ngiisi kwo ali mwemeera. Agakizi mùniekeza amahona-nvula, kiri neꞌnvula yoꞌkuyeza.

Zakariya 1:4

«Mutakizi ba nga balya bashokuluza biinyu. Si yaho kare, abaleevi bâli kizi babwira, ti: “Nahano woꞌbushobozi bwoshi, amùbwira kwokuno: Mutwikirage ku mabi giinyu! Mutanakizi ki gagira”. Kundu kwokwo, batanalooza ukunyuvwa, batanandwaza.

Mataayo 22:3

Uyo mwami anatuma abakozi baage imwa ábakalaalikwa, bagendi babwira kwo bayijage ku buhya. Haliko yabo balaalikwa, ikyanya bakayuvwa, banatenguha.

Mataayo 22:6

Ábâli sigiiri, banagwata yabo bakozi baage, banabafutiiriza, babuli bayita.

Luka 15:28

«Ulya mwana mukulu, anayagalwa bweneene, analahira kwo atagayingira mu nyumba. Kyanatuma yishe agahuluka, anagendi múyinginga kwo ayingire.

Luka 19:44

Balya bagoma bagakuhongolera haashi. Ndaanalyo ibuye írigasigala ku lyabo. Kiri na ábakutuuziri mwo, nabo bagabindikwa! Mukuba, ikyanya Rurema akakuleetera ubukize, utakakimenya!»

Luka 23:28

Yesu, anakebaanuka, anababwira kwokuno: «E banyere beꞌYerusaleemu, mutandirire. Haliko, muyilirire mwenyene, mulirire naꞌbaana biinyu!

Mikolezi 7:52

Ka hali muleevi ye batakalibuza? Si bâli kizi yita abaleevi, kundu yabo baleevi bo bâli kizi tanga ubuleevi hiꞌgulu lyoꞌkuyija kwoꞌlya úkwaniini imbere lya Rurema! «Uyo úkwaniini, ye na yoyo niinyu, keera mukatanga mu bagoma, mwanamúyitiisa.

Mikolezi 7:59

Neꞌkyanya bakaba baki gweti bagavurumika Setefaano amabuye, anadeta: «E Nahamwitu Yesu, uyakiire umutima gwani!»

Mikolezi 8:1

Sahuli naye, âli riiri mu bakayemeera kwo Setefaano ayitwe. Ha nyuma, abandu ábâli simbahiri Rurema, banagendi múziika. Neꞌkyanya bakamúkengeera mu kigandaaro kyage, banajengeerwa bweneene. Ku lwolwo lusiku lwo Setefaano akayitwa kwo, abandu biꞌshengero lyeꞌYerusaleemu, banatondeera ukulibuzibwa bweneene. Kyanatuma yabo booshi banashabukira i Buyahudi, neꞌSamariya. Indumwa za Yesu naaho, zo zikasigala i Yerusaleemu.

Bukengeeze 32:29

Báki be bitegeereza, nga ábali mu sobanukirwa. Bangamenyiri ngiisi kwo bagaahera.

Bukengeeze 5:29

Nyifwijiri ngeꞌmitima yabo yangayama iri mu nzimbaha, inabe ikulikiriziizi imaaja zaani. Kwokwo, lyo bagaaba bahiirwa, kuguma naꞌbaana baabo, halinde imyaka neꞌmyakuula.

Bwigule 11:8

Ibirunda byatwo, bigabeera-beera mu njira ya mu kaaya kahamu ákakola mu buuzibwa Soodoma, kandi iri Miisiri. Kiri na Nahamwabo naye, mwomwo mwo akayitirwa ku kibambo.

Ruuti 2:12

Ku birya byoshi byo ugweti ugaakola, Nahano akuhembe. Ee! Bwo ukatibitira mu byubi bya Nahano Rurema waꞌBahisiraheeri, akuheereze ikihembo íkikwaniini.»