Luka 13:17 - Kifuliiru

¹⁷ Yesu, mbu adetage kwokwo, balya bagoma baage booshi, banayami teteerwa. Haliko, abandi booshi banashambaala, mu kubona amiiga gooshi go Yesu âli kizi gira.

Luka 13:17 ပူးပေါင်းရင်းမြစ်များ

Zaburi 109:29

Yabo bagoma baani, ubateezagye ishoni imbere lya booshi. Na yizo shoni, zikizi babwikira nga mulondo.

Zaburi 111:3

Ee! Ngiisi byo ali mu gira, biri mu yerekana ubulangashane bwage, halinde anagingikwe. Ayamiri ali mu twa imaaja ku njira íkwaniini, halinde imyaka neꞌmyakuula.

Zaburi 132:18

Abagoma baage, ngakizi bateeza ishoni. Haliko yehe yenyene, ngamúyambika ulushembe úluli mu keyengana ngana-ngana.

Zaburi 40:14

E Nahano, ungizagye we kongwa! Uyiji ndabaala duba.

Kulyoka 15:11

«E Nahano, mu biri mu yikumbwa, nyandi úli nga wehe? Nyandi úli mwoꞌbweru bwaꞌkahebuuza? Nyandi úli mu yobohwa mu bulangashane? Nyandi úli mu gira ibitangaaza mwene yibi?

Hisaaya 4:2

Ku yikyo kyanya, mu kihugo, Nahano agaameza mweꞌshibwe liija, linabe lyoꞌbulangashane. Ee! Abahisiraheeri ábagaaba basigiiri, bagakizi siima ibitumbwe byalyo, banabiyihayire.

Hisaaya 45:24

Abandu bagaadeta hiꞌgulu lyani kwokuno: “Nahano naaho, ye mu gira íbikwaniini, ye na mwene ubushobozi.”» Haliko, ngiisi ábakamúrakarira, boohe, bagakizi múyijira bali jabati-jabati, banateezibwe ishoni.

Hisaaya 66:5

Mwe musimbahiri amagambo ga Nahano! Yuvwagwi ngiisi kwo akola mu mùbwira: «Ikyanya mwâli kizi ngulikira, beene winyu baguma bâli mùshombiri, banakizi mùyimula, iri banamùhonyoleza, ti: “Uyo Nahano winyu, ayerekanage ubulangashane bwage, gira tubone ngiisi kwo mugaaba mukoli shambiiri!” Yabo beene winyu, si bâye teezibwe ishoni!»

Luka 14:6

Balya bandu, ikyanya bakayuvwa kwokwo, banateteerwa.

Luka 18:43

Lyeryo iyo mbumi, amasu gaayo, ganahumuulwa, hwaa! Anayami bona bwija. Anagenda akulikiiri Yesu, iri anayivuga Rurema. Balya bandu booshi, mbu babonage kwokwo, nabo banatondeera ukuyivuga Rurema.

Luka 19:48

haliko batanabubona. Mukuba, abandu booshi bâli teziri Yesu amatwiri bweneene!

Luka 20:40

Ndaanaye úkagira mbu ashubi múbuuza irindi igambo.

Mikolezi 4:21

Peturu na Yohana, mbu badetage kwokwo, yabo bakulu banabula byo bagabahanira kwo. Abandu booshi bâli gweti bagayivuga Rurema, bwo yabo bombi bagira ikitangaaza kyoꞌkukiza uyo luzingo. Anâli kola neꞌmyaka ingingwe ya makumi gana ukulyokera ukubutwa kwage, azingamiri. Kyanatuma bagashubi biika Peturu na Yohana kweꞌkikando, babuli bahanguula kwo bagende.

2 Timoteyo 3:9

Ubuhwija bwabo, bugaki yerekanwa ku bweranyange. Ee! Abandu booshi bagaki yibonera ibimbalambala byabo, nga kwaꞌbandu ba keera bakayibonera ibya Yane na Yambure.

Tiito 2:8

Amagambo gaawe, gakizi yama gakaniri. Kwokwo, ikyanya abandu bagaagira mbu bakuhangirire, lyo bagwatwa neꞌshoni, banabule igambo lyo bangatushemba kwo.

1 Peturu 3:16

Si yukwo kushuvya kwinyu, kukizi ba mu kati koꞌbutuudu, mu kusimbahana. Munakizi yamaga muli mu yiyeka ku ngiisi mabi. Kwokwo, ikyanya bagamùgamba ku miija go mugweti mugaagira mu kati ka Kirisito, bakagwatwe neꞌshoni hiꞌgulu lyoꞌlugamba lwabo.