Luka 13:11 - Kifuliiru

¹¹ Na mwomwo, mwâli riiri mukazi muguma, úwâli kola neꞌmyaka ikumi na munaana abambwirwi neꞌkisigo kyoꞌkufumbika. Atanâli ki shobwiri ukuyinamuka, kiri neꞌhiniini.

Luka 13:11 ပူးပေါင်းရင်းမြစ်များ

Hayubu 2:7

Kwokwo, Shetaani anashaaga imbere lya Nahano, anagendi fuka Hayubu kwoꞌlungemba lukayu, ukushaagira ku shando, halinde kwiꞌtwe.

Zaburi 145:14

Ikyanya abandu bali mu gwa, Nahano ali mu bavyula. Neꞌkyanya bali mu vindagazibwa, ali mu bayinamula.

Zaburi 146:8

Na ábahumiri, ali mu bahumuula. Na ábayinamiri, ali mu bayinamula. Ngiisi ábakwaniini imbere lyage, ali mu ba abakuuziri.

Zaburi 38:6

Ikyanya nꞌgagiraga ikyaha, lyo nꞌgahwijikala bweneene. Kyanatuma ibihando byani byâli koli vuuziri, byanakizi baya bweneene.

Zaburi 42:5

Buno, ngola ngadeteerera íbiri mu mutima gwani. Ngi kengiiri ngiisi kwo nâli kizi genda ndongwiri abandu bingi, mu kugendi yingira mu nyumba ya Rurema. Ee! Tweshi twâli kizi kutangira kongwa, iri tunashagalukira kuguma, noꞌkubanda utubuuli.

Zaburi 6:2

E Nahano, ikyanya uganyerekeza, kutabe ku bute. Neꞌkyanya ugambana, kutabe ku buraakari.

Mataayo 4:23

Yesu anakizi genda agalenga mu poroveesi yoshi yeꞌGalilaaya. Anakizi yingira mu nyumba zeꞌmihumaanano zaꞌBayahudi, iri anamenyeesa mwaꞌbandu Imyazi Miija yoꞌbwami bwa mwiꞌgulu. Naꞌbandu ba ngiisi malwazi, naꞌba ngiisi bukaholwe, anakizi bakiza.

Mariko 9:21

Yesu anabuuza yishe woꞌmwana: «Uyu mwana, akaba kwoku ukulyokera lihi?» Naye, ti: «Ukulyokera ubwanuke bwage.

Luka 13:12

Uyo mukazi, iri Yesu akamúbona, anamúhamagala, anamúbwira: «E maawe, ubulwazi bwawe, keera bwakira!»

Luka 13:16

Uyu mukazi, ali wa mwiꞌkondo lya Hiburahimu, keera anamala imyaka ikumi na munaana ashwesirwi na Shetaani. Aahago! Ku lusiku lweꞌSabaato, ka naye atakwiriiri ashwekuulwe?»

Luka 21:28

Yibyo byoshi, mango bikoleka, munayimuke, munalegamire hiꞌgulu! Ku kyekyo kyanya, lyo mugaguluulwa.»

Luka 8:2

Hâli riiri naꞌbakazi baguma, bo Yesu akakiza amalwazi gaabo, anabayimula na mweꞌbisigo. Mu kati kaabo, mwâli riiri Maryamu weꞌMagadala, ye akalyosa mweꞌbisigo birinda.

Luka 8:27

Neꞌri Yesu akashonooka mu bwato, anagwanana noꞌmundu muguma weꞌyo munda úwâli bambwirwi neꞌbisigo. Uyo musire, atâli tuuziri i kaaya. Si âli kola isiku nyingi, ali mu maherero, anali bukondwe.

Luka 8:43

Na mu kati kaabo, mwâli riiri umukazi, úwâli mali hisa imyaka ikumi niꞌbiri, ali noꞌbulwazi bwoꞌmududu. Na kundu âli mali mala ibindu byage byoshi ku bafumu, ndaaye úkashobola ukumúkiza.

Mikolezi 3:2

Banahumaanana umundu úzingamiri ukulyokera ukubutwa kwage. Uyo mundu, âli kizi biikwa ha mulyango gweꞌnyumba ya Rurema úguli mu buuzibwa Gubuyahiri. Neꞌkyanya abandu bâli kizi lenga yaho mu kuhika ha nyumba ya Rurema, anakizi bahuuna-huuna ibindu.