Luka 12:19 - Kifuliiru

¹⁹ Haaho, lyo ngayidesa mu mutima gwani: Aa! Ukoli yisinguliiri akanyamwala keꞌbindu biija! Bigakuhisa ku myaka mingi. Aaho! Uvwagarare! Ukizi lya, noꞌkunywa, iri unashambaala.”

Luka 12:19 ပူးပေါင်းရင်းမြစ်များ

Hayubu 14:1

«Umundu yeshi úli mu butwa noꞌmukazi, ali wa kuramba isiku niini naaho, anali mu zilonga mwaꞌmakuba.

Zaburi 49:18

Si ikyanya agaafwa, ndaahyo agatwala. Yubwo bugale bwage, atagabugendana.

Zaburi 62:10

Si abandi booshi, balyagagi nga muuka naaho! Abatwali naꞌbagunda, booshi bali busha ngana. Nga booshi bangaleziibwi ku lugero, umuuka gwo muzito.

Migani 10:2

Umundu, kundu angagungana, ndaako kamaro ka ali mu longa. Haliko, ikyanya agira íbikwaniini, lyoki ali mu kizibwa mu lufu.

Migani 14:24

Abitegeereza, ikyanya bali mu longa ubugale, luli lushembe lwabo. Si abahwija boohe, ubuhwija bwabo buli mu buta ubundi buhwija.

Migani 18:11

Abagale, ibindu byabo biri mu balanga. Banatoniragi kwo luli luzitiro lukomu.

Migani 23:5

Si ubugale, ikyanya ugabubanda kwiꞌsu, bugayami nyerera. Bugaaba nga bwamera ibyubi, bunayinywerereke nga nyunda úli mu kyanyaanya.

Migani 27:1

Ibya kusheezi, utakizi biyihayira. Mukuba, ngiisi ulusiku, utayiji byo lugaleeta.

Mwigiriza 11:9

E mutabana, ikyanya ukiri musore, ukizi shambaala. Ukizi shagaluka mu mutima gwawe. Ngiisi byo uloziizi ukugira, ubigire. Na ngiisi byaꞌmasu gaawe gayifwijiri, ukizi bikulikira. Kundu kwokwo, ukizi kengeera kwo yibyo byoshi, Rurema agaki kutwira ulubaaja hiꞌgulu lyabyo.

Mwigiriza 2:24

Ndaago gandi miija goꞌmundu angagira, ha nyuma naaho lyoꞌkunywa noꞌkulya, iri anashambaalira umukolwa gwage. Ee! Ukugira kwokwo, nabona kwo kulyosiri imwa Rurema.

Hisaaya 22:13

Haliko, lolagi buno! Si muki gweti mugashambaala, iri munayilala mu bitalaalwe! Munakiri mu baaga ingaavu neꞌbibuzi, munalye inyama, iri munanywa neꞌdivaayi. Munakiri mu deta, ti: «Tukizi lya, iri tunanywa! Si kusheezi tugaafwa!»

Hisaaya 5:11

Yayewe, imwa ábali mu zindukiri vyukira mu bilalusa, banali mu kizi yiza ku divaayi, halinde banalaluke lwoshi-lwoshi!

Hisaaya 5:8

Yayewe imwinyu, mwe mugweti mugagaaza inyumba ku zaabo, munali mu kizi gaaza indalo ku zaabo. Si abiinyu booshi, keera mukabahavya mu kihugo, munakoli kisigiiri mwo mwenyene!

Hisaaya 56:12

Bali mu kizi kemana kwokuno: «Yijagi, tugendi looza idivaayi. Tugendi laluka amaavu geꞌngangu. Kwokwo kwo tugaagira, kiri na kusheezi. Si kusheezi lyo tugashambaala ingingwe.»

Hosheya 12:8

Abahisiraheeri basiimiragi ukukizi tebana. Bagweti bagakizi koleesa ibigero byoꞌkugungana.

Hamoosi 6:13

Ikyanya akaaya keꞌLodebaari kakagwatwa, mwanashambaala, mwanayihaya, ti: «Kalya kaaya keꞌKarinayimu, si tukakagwata ku misi yitu twenyene!»

Habakuki 1:16

Yizo njenga zaabo, bagweti bagaziyikumba, iri banazitumuulira umubadu. Banadete: «Ee ma! Yizi njenga, ziri mu tugaza, tunakola mu zilongera mweꞌbyokulya bingi.»

Luka 12:18

«Anayidesa: “Ngoli yiji kwo ngaagira. Namuhongola ibihinda byani, na nyubake ibihamu. Mwomwo, mukabe mwo ngalunda ino mimbu yani yoshi, neꞌbindi bindu byani.

Luka 16:19

«Hâli riiri mugale muguma, úwâli kizi yisimiisa mu bindu byage, anâli kizi yilimbiisa neꞌmirondo miija yeꞌkituku-tuku.

Luka 21:34

«Mukizi ba masu! Mutazidoherwe noꞌbushule, kandi iri indalwe, kandi iri ingerania. Buzira kwokwo, hali ikyanya ibya yulwo lusiku byangayiji mùkanga, nga íbyabashwa noꞌmubashu.

1 Bakorindo 15:32

Kiri neꞌkyanya nꞌgalwa na zirya nyamiishwa ndangi mu kaaya keꞌHefeso, bikagi byo nangaki yungusiri, íngilwe nazo hiꞌgulu lyeꞌbya hano mu kihugo naaho? Nga kwangabiiri kwo abafwiri batagazuuka, «Tukizi lya, iri tunanywa! Si kusheezi tugaafwa!»

Bafiripi 3:19

Emwe! Yabo bagoma, byo bali mu yikumba, galyagagi mabunda gaabo. Ngiisi íbyangabateziizi ishoni, byo banagweti bagayikangaata mwo. Imitono yabo, iyamiri naaho ku byeꞌkihugo. Noꞌkuheza kwabo, bagashereezibwa.

1 Timoteyo 5:6

Si namufwiri, iri angaba ayisimisiizi mu byeꞌkihugo, emwe! Yehe ali mu ba akoli fwiri, kundu angaba akiri ho.

1 Timoteyo 6:17

Iri abandu bangaba bali bagale mu kino kihugo, ubabwire kwo batakizi yikangaata. Ibindu byabo bitabaagage byo bagakizi biika kwoꞌmulangaaliro. Mukuba, ibya mu kino kihugo, biri bya kulenga naaho. Ku yukwo, ubabwire kwo bakizi biika umulangaaliro gwabo imwa Rurema. Mukuba, ye mu tuvwangulira ibindu byoshi, gira tukizi bishambaala mwo.

2 Timoteyo 3:4

banakizi songerana. Bagaaba banamuhagi mu kati koꞌkuyidundulika. Na ho bangakunda Rurema, bagakizi yisimiisa mu byaꞌmagala.

Yakobo 5:5

Mwâli kizi yisimiisa hano mu kihugo mu kanyabungaka keꞌbindu biinyu. Kundu kwokwo, mukoli jeziri nga bitugwa, íbirindiriiri ulusiku lwoꞌkugendi baagwa.

1 Peturu 4:3

Mukuba, keera mukateera ikihe kingi mu byaꞌbapagaani bali mu yisimiisa mwo. Mwâli kizi yifunda mu busambani, mu kati koꞌkulungumirwa. Mwanâli kizi na yifunda mu bulalwe, na mu bindi íbitali nga byo, binateeziri ishoni. Mwanâli kizi yikumba imigisi, kundu biri bya kuneenwa.

Bwigule 18:7

Nga kwo kâli kizi yidundulika bweneene mu kanyabungaka keꞌbindu bingi, kwo na kwokwo kube kwo mugakayogogoza, iri munakajengeeza. Mu mutima gwako, kagweti kaganina kwokuno: “Niehe, nie mwami-kazi. Ngoli gangaziizi! Ndali namufwiri, ndanâye lire ku kimombo.”

1 Samweri 30:16

Kwokwo, yugwo musore gwanatwala Dahudi imunda balya biitani. Iri bakahika, banagwana bakola bushaababa. Yabo booshi, bâli kola mu vwajagira, iri bananywa, noꞌkukina ku njira ítali nga yo. Mukuba, birya bindu byo bakanyaga mu kihugo kyeꞌBufirisiti, na mu kyeꞌBuyuda, byâli riiri katundu.