Luka 11:9 - Kifuliiru

⁹ «Kwokwo, namùbwiraga. Mukizi huuna Rurema, lyo muhaabwa! Munakizi shakula, lyo mulonga. Munakizi yiguza, lyo muyigulirwa.

Luka 11:9 ပူးပေါင်းရင်းမြစ်များ

Zaburi 118:5

Ikyanya nâli kola mu makuba, nꞌgatakira Nahano, ananyuvwa, ananjwekuula.

Zaburi 27:4

Hali igambo liguma naaho lyo ngweti ngahuuna Nahano. Byo ndoziizi, byo byebino: kwo ngizi tuula mu nyumba yage isiku zaani zooshi, na ngizi bona ngiisi kwo abuyahiri. Mwomwo mu nyumba yage, mwo ngakizi fiitirwa ku byeꞌmwage.

Zaburi 27:8

Umutima gwani, gugweti gugambwira kwokuno: «Ugire ugendi múganuuza.» E Nahano, ngweti ngakuyijira.

Zaburi 34:10

Mwe bandu ba Nahano, mukizi músimbaha. Mukuba, ngiisi ábamúsimbahiri, ndaabyo babuziri.

Zaburi 34:4

Mugire tukizi huuza ubulangashane bwa Nahano kuguma, iri tunahuuza iziina lyage.

Zaburi 50:15

Ku kyanya uli mu makuba, undabaaze. Ngakukiza! Naawe unakizi ngingika.»

Lwimbo Lwija 5:6

Ikyanya nꞌgamúyigulira, atâli ki riiri ho! Nanamúshakula-shakula, shoobe! Na kundu nâli kizi múhamagala, haliko, atananyakula. Umutima gwani gutanaki yika mu nda.

Hisaaya 45:19

Ndali mu detera mu kwaha, kandi iri mu kihulu. Ndanabwiziri beene Yakobo kwo bakizi ndooza ku kimaama. Nanga, maashi! Niehe, nie Nahano. Na ngiisi byo ndi mu deta, biri byoꞌkuli, binakwaniini.

Yeremiya 29:12

«“Mu zirya siku, ikyanya mugakizi ndabaaza, ngakizi mùyuvwa.

Yeremiya 33:3

“Mukizi ndabaaza! Naani, ngakizi mùyitaba. Na ngizi mùbwira amagambo gaꞌkahebuuza, kundu gashuba mabishe.”

Danyeri 9:3

Kwokwo, nanakebagana imunda Nahano Rurema, nanakizi múhuuna, mu kati koꞌkuyishalisa. Nâli kizi yambala ubusuuzu, iri ninayibwandalika mu munyota-kiiko.

Mataayo 21:22

Ee ma! Iri mwangabiika Rurema kwoꞌbwemeere, ngiisi byo mugamúhuuna, agamùheereza byo!»

Mataayo 21:31

«Aahago! Mu yaba bombi, nyandi úkagira ngiisi kwo yishe aloziizi?» Nabo, ti: «Irya fula.» Yesu anababwira: «Namùbwira ukuli, kwaꞌbabuguza, naꞌbashule, bo bagweti bagayingira mu bwami bwa Rurema imbere liinyu.

Mataayo 6:29

Kundu kwokwo, namùbwiraga kwo kiri na mwami Sulumaani, kundu âli tuuziri mu bulangashane bwaꞌkahebuuza, haliko, atakayilimbiisa nga kaguma kaatwo!

Mariko 11:24

Namùbwira kwo ngiisi byo mugahuuna imwa Rurema, mukizi yemeera kwo mugabiyakiira, lyo muganabihaabwa.

Mariko 13:37

Yibi namùbwiraga, nabwira naꞌbandi booshi, kwo mukizi ba masu!»

Luka 11:10

Umundu, iri angahuuna, agahaabwa. Neꞌri angashakula, agalonga. Neꞌri angayiguza, agayigulirwa.

Yohana 14:13

Ngiisi byo mugakizi huuna kwiꞌziina lyani, ngakizi bigira. Kwokwo, lyo Daata akizi huuzibwa mu kati kaani, nie Mwana wage.

Yohana 15:16

Mutali mwe mukandoola. Haliko nie nꞌgamùtoola. Nanamùtuma kwo mukizi gendi tongeka kweꞌbitumbwe, binayame ho. Kwokwo, ngiisi byo mugakizi huuna Daata kwiꞌziina lyani, agakizi mùheereza byo.

Yohana 15:7

«Haliko, iri mwanganyama mwo, naꞌmagambo gaani ganamùyame mwo, mugahuuna ngiisi byo muloziizi, munabihaabwe.

Yohana 4:10

Yesu, anamúshuvya: «Nga wangamenyiri ikigabi kyo Rurema agweti agahaana, unamenye kwo ndi nyandi, ushuba ugambuuna amiiji. Naani, na nguheereze amagoloovi ágali mwoꞌbulamu.»

Barumi 2:7

Baguma bali mu fiitirwa mu kukizi gira amiija, bwo baloziizi kwo bâye longe ubulangashane, noꞌlushaagwa, noꞌbulamu úbutâye male. Yabo, bo Rurema aye heereze ubulamu bweꞌmyaka neꞌmyakuula.

2 Bakorindo 6:2

Rurema yenyene akadeta: «Ku kyanya íkyâli kwaniini, nꞌgakuyuvwa. Ku lwolwo lusiku, nꞌgakukiza, nanakutabaala.» Yikyo kyanya íkikwaniini, namùbwira kwo kiryagagi zeene. Ee! Ulusiku lwa zeene, lwo mwangakizibwa kwo!

Baheburaniya 11:6

Ndaaye mundu úwangasimiisa Rurema, átazi múbiikaga kwoꞌbwemeere. Umundu, iri angalooza ukuyegeera Rurema, akwiriiri ayemeere kwo ali ho, na kwo ali mu hemba ngiisi ábali mu múlooza.

Baheburaniya 4:16

Ku yukwo, tukizi yegeera ikitumbi kya Rurema buzira kyoba! Mukuba, haaho ho tuli mu gashaanirwa. Ho tunali mu bonerwa ulukogo. Neꞌkyanya tuli mu ba tugoozirwi, anatutabaale, mu kutugashaanira.

Yakobo 1:5

Muguma winyu, iri angabulirwa noꞌbwitegeereze, akwiriiri abuhuunage imwa Rurema. Na Rurema, agamúheereza bwo. Mukuba, ikyanya Rurema ali mu buhaana, kuli mu ba ku mutima úgushenguusiri, na buzira kukanukirana.

Yakobo 5:15

Neꞌkyanya bagamúhuunira, banabe babiisiri Rurema kwoꞌbwemeere, lyoꞌyo mulwazi agaakira. Ee! Nahano agamúyinamula. Na ngiisi byaha byo akagira, binakogwe.

1 Yohana 3:22

Na ngiisi byo tugakizi múhuuna, tugakizi biyakiira. Tugaaba tusimbahiri imaaja zaage, iri tunakizi gira íbimúsimisiizi.

Bwigule 2:24

«Haliko, yaho mwiꞌshengero lya mu kaaya kiinyu keꞌTyatira, mukiri abandi biinyu ábatahiiti igambo lyo nangabashumuza kwo. Boohe, batakatwaza galya migirizo mabi goꞌyo Yezebeeri. Batakanayiga amagambo ágali mu detwa mbu bumbishwa bwa Shetaani.