Luka 10:31 - Kifuliiru

³¹ «Mu yeyo njira, mwanayiji manuka umugingi muguma. Uyo mugingi, iri akabona uyo mundu, anamúbambala.

Luka 10:31 ပူးပေါင်းရင်းမြစ်များ

2 Samweri 1:6

Naye, ti: «Ku kyanya njuba ku mugazi Giribowa, nayiji gwana Sahuli ashendamiiri itumu lyage. Naꞌbagoma baage ábali mu gendera mu magaare, batámali múdugeereza.

Zaburi 142:4

Ngiisi ho ndi mu lenga, abagoma bali mu gwanwa bambiikira heꞌmitego. Kundu kwokwo, ikyanya ngoli yihebwiri, wenyene uyiji injira yo ngwaniini ukufuuka mwo.

Zaburi 69:20

Abagoma baani, wenyene uyiji ngiisi kwo bali mu ndeta, na ngiisi kwo ndi mu teezibwa ishoni. Bagweti baganyamiriza, iri banandyoza,

Migani 21:13

Ikyanya umundu atali mu tabaala umukeni, naye, ikyanya agagoorwa, atagalonga ubutabaazi.

Mwigiriza 9:11

Keera nabonaga irindi igambo mu kihugo. Kundu umundu angasuula umulindi, atali ye mu kizi hima mu ndangwe. Na kundu angabiiri ye ndwani mwiꞌzibo, atali ye mu kizi hima abagoma. Na kundu angabiiri ali mwitegeereza, atali ye mu kizi longa ibyokulya. Na kundu angabiiri ali munabwenge, atali ye mu kizi gala. Na kundu angabiiri akoli somiri, atali ye mu kizi huuzibwa. Si ukugenduukirwa kwoꞌmundu, kuli mu ba ku maana naaho, ukukulikirana neꞌkyanya kyage.

Hisaaya 58:7

Ukuyishalisa kwoꞌkuli, kuli kushangiira ibyokulya na ábashalisiri. Na ábabuziri inyumba, mubayegereze mu zeꞌmwinyu. Neꞌkyanya mwabonaga kwo batahiiti ibyambalwa, munabaheereze byo. Kiri na beene winyu, nabo mukizi batabaala.

Yeremiya 5:31

Abaleevi bagweti bagatanga ubuleevi bweꞌkinyoma. Kiri naꞌbagingi bakola mu kizi yihahalira boonyene naaho. Aahabi! Amabi mwene yago, abandu baani bakoli bwini kwo go gakwaniini. Halikago, ku kyanya kyeꞌmberuuka, kutagi bâye gire?»

Hosheya 5:1

«E bagingi ba Rurema, muyuvwirize bwija. Na niinyu, mwe Bahisiraheeri! Mutegage amatwiri. Kiri na niinyu, mwe mulyagagi ba mu mulala gweꞌkyami! Muyuvwirize. Si keera mukahubiisa abandu iriira munda i Misipa, kiri neꞌTaboori, kyanatuma bagamùtwira ulubaaja kwo mukahuba!

Hosheya 6:9

«Abagingi baani nabo, balyagagi nga banyazi, bwo bagweti bagategeera abandu, gira babayite. Ee! Ikyanya abalenga-njira bali mu genda i Shekemu, banayami bayita. Banali mu teezania ishoni, mu kugira íbitali nga byo.

Malaki 1:10

«Nangaloziizi bweneene, kwo muguma winyu angayigiiri inyiivi zeꞌnyumba ya Rurema. Kwokwo, lyo yago matuulo mazira kamaro, mutalonge ubulyo bwoꞌkukizi gayakiriza umuliro ku katanda. Haliko mwehe, ndaki siimiri ukumùbona. Kiri naꞌmatuulo go mugweti mugandangira, nago, ndagagayakiira. Kwokwo, kwo nie Nahano woꞌbushobozi bwoshi, ndesiri.

Luka 10:30

Yesu anamúshuvya: «Hâli riiri mundu muguma, úwâli lyosiri i Yerusaleemu, anamanukira mu kaaya keꞌYeriko. Neꞌri akaba akiri mu njira, anabirigishwa naꞌbanyazi, banamúhogola ibyambalwa, banakizi múlimbagula. Banamúsiga yaho, akola nga úfwiri.

Luka 10:32

Kwokwo noꞌMulaawi naye, iri akahika yaho, mbu amúbonage, naye anamúbambala.

Ruuti 2:3

Uyo Ruuti anayami genda mu ndalo nguma, anakizi genda ha nyuma lyaꞌbimbuzi, iri anakaza imihuli yoꞌbulo. Kiziga iyo ndalo yâli riiri yeꞌmwa Bowazi, wa mu mulala gwoꞌlya muhisi Herimereeki.