Luka 1:51 - Kifuliiru

⁵¹ Haliko balya banabwiheemye, boohe, anakoleesa ubushobozi bwaꞌkahebuuza mu kubashaabula.

Luka 1:51 ပူးပေါင်းရင်းမြစ်များ

Ndondeko 11:8

Iri Nahano akagira kwokwo, balya bandu banaleka ukukayubaka, anayami bashabulira mu mahanga gooshi.

Ndondeko 6:5

Nahano anabona ngiisi kwaꞌbandu bakoli bihuusiri mu kihugo, na ngiisi kwo bâli kizi looza naaho ukugira ibikoleere.

Ndondeko 8:21

Yago matuulo, ikyanya Nahano akayuvwa umushiiriri gwago, gwanamúsimiisa, anayidesa kwokuno: «Buno, ndâye ki daake idaho, mbu bwaꞌbandu bambubira. Na kundu imitono yabo ituula-tuula mibi ukulyokera ubwanuke bwabo, ndâye ki shereeze kandi ibiremwa byoshi, nga ngiisi kwo nꞌgagira.

Zaburi 118:15

Ábakoli kwaniini, Nahano keera akakoleesa ubushobozi, mu kubahimira. Kyo kitumiri bakola noꞌbushambaale, banakola mu banda akabuuli mu maheema gaabo, iri banadeta:

Zaburi 33:10

Ikyanya ibinyamahanga biri mu gira igambi, Nahano ali mu lishaabula. Ee! Ngiisi byo bagweti bagashungika, ali mu bihangirira.

Zaburi 52:9

«Honyo! Uyu mundu, lolagi íbyamúkoleka kwo. Si atâli loziizi ukuyegamira Rurema! Agweti agayihega ku bugale bwage naaho. Âli loziizi ukuba kihagarusi, mu kukizi shereezania.»

Zaburi 63:5

Ikyanya ngiri noꞌmuuka, ngakizi kuyivuga, na ngizi golola amaboko hiꞌgulu, mu kuhuuna kwiꞌziina lyawe.

Zaburi 89:10

Inyaaja, kundu zangaba ziri mbamu bweneene, haliko we riiri hiꞌgulu lyazo. Imidunda yazo, kundu yangabirinduka, we gweti ugagihoohya.

Zaburi 89:13

We kabumba uluhande lweꞌmbembe, kiri na lweꞌkisaka. Imigazi yeꞌTaboori na yeꞌHerimooni, igweti igakuyimbira ku bushambaale.

Zaburi 98:1

Izaburi. Mukizi yimbira Nahano ulwimbo luhyahya. Mukuba, ayamiri ali noꞌbushobozi, anali mweru. Ali mu gira ibya kahebuuza, iri anahimana ku njira yeꞌkitangaaza.

Kulyoka 18:11

Buno ngoli yiji kwo Nahano ye sumbiri íbiri mu yikumbwa byoshi. Mukuba, kundu yabo Bamiisiri bâli kizi libuza Abahisiraheeri bweneene ku kanyaaro, haliko ubuzinda akabaguluula mu maboko gaabo.»

Hisaaya 40:10

Nahano Rurema agweti agayija mu bukalage bwage. Ali mu twala abandu ku bushobozi bwaꞌkahebuuza. Na bwo agabahemba, ali mu yija agweti imbembo zaabo.

Hisaaya 51:9

E Nahano woꞌbushobozi bwoshi! Vyuka maashi! Uvyukage! Ukizi koleesa ubushobozi bwawe, nga kwo wâli kizi gira yaho keera. Aaho! Ka utali we katema-tema kirya kingisho-ngisho Rahabu? Ka utanali we katumita kirya kingisho-ngisho kyoꞌmujoka gwa mu nyaaja?

Hisaaya 52:10

Nahano agayibonesa imbere lyaꞌbandu baꞌmahanga gooshi, anabayereke ubukalage bwage. Haaho, lyaꞌbandu booshi ba mu kihugo bagaabona ngiisi kwo Rurema witu ali mu kiza abandu baage.

Hisaaya 63:12

Anali ye wâli kizi rongoora Musa, ku bushobozi bwage bwaꞌkahebuuza, anabera inyaaja imbere lyabo, halinde iziina lyage lyanalumbuuka imyaka neꞌmyakuula.

Yeremiya 49:15

«E Bahedoomu, ngamùniihya kwo, mube bagerwa ukuhima abandu beꞌbihugo byoshi. Yabo bandi, banakizi mùnegura.

Barumi 1:21

Yabo bandu, kundu bâli yiji-yiji Rurema, haliko batakamúhuuza kwo ye Rurema. Batanamútangira kongwa. Si nzaliro zaabo, zanaba za busha. Imitima yabo, yanahwijikala, yanayidika mweꞌkihulu.

2 Bakorindo 10:5

Tunahongole na ngiisi byaꞌbandu bali mu yiheemya kwo, mu kuhangirira abaabo kwo batamenye Rurema. Inzaliro zooshi, tuli mu zigwata imbira, halinde zikizi simbaha Kirisito.

Bukengeeze 4:34

«Ka hangayimbwa ugundi úli mu yikumbwa, úkashaaza umulala gwage mu buja bwoꞌgundi mulala? Si ndaaye! Haliko, Nahano, Rurema winyu, yehe akamùgirira kwokwo mu masu giinyu. Âli gweti agalibuza Abamiisiri. Si mwehe, anamùkolera amagambo mahamu ku bukalage bwage. Gali ga kahebuuza, ganasomeziizi bweneene.

1 Peturu 5:5

Na niinyu mweꞌmisore, mukizi simbaha abashaaja. Mweshi, mukizi ba batuudu mwenyene kwa mwenyene. Mukuba, «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»

Bwigule 18:8

Kundu adetaga kwokwo, kalya kaaya kagayami teerwa na yaga malibu gooshi ku lusiku luguma: umwena, noꞌlufu, neꞌkigandaaro. Haaho, yako kaaya kanabuli singooka! Mukuba, Nahano Rurema, ye gakatwira ulubaaja yenyene. Anali kihagarusi!»