Kulyoka 32:3 - Kifuliiru

³ Kwokwo yago mahereeni, yabo bandu booshi banagashaaza, banagaheereza Harooni.

Kulyoka 32:3 ပူးပေါင်းရင်းမြစ်များ

Ndondeko 24:22

Iri ingamiya zaage zikaba keera zayusa ukushoola, anayami fumbadika umunyere imbete yeꞌnooro. Yâli hiiti ubuzito nga bwa garama ndatu. Anashubi múfumbadika neꞌbikomo bibiri byeꞌnooro. Na ngiisi kiguma, kyâli hiiti ubuzito ingingwe ye garama igana.

Ndondeko 35:4

Kwokwo, yabo bandu banakuumania ngiisi migisi yeꞌmahanga yo bâli hiiti, kuguma naꞌmahereeni go bâli yambiiti ku matwiri. Yibyo byoshi, iri bakabiheereza Yakobo, anabiziika mwiꞌdako lyeꞌkiti kyoꞌmwalooni, íkyâli riiri hoofi naꞌkaaya keꞌShekemu.

Kulyoka 32:2

Harooni, ti: «Aaho! Mushaaze amahereeni geꞌnooro ágali ku matwiri ga bakiinyu. Mushaaze kiri na ágali ku ga bagala biinyu, na ku ga banyere biinyu. Yibyo byoshi, munabindeetere.»

Kulyoka 32:4

Anagayakiira, anagajongolola, anagatula mwoꞌmugisi gweꞌnyana. Lyeryo, balya Bahisiraheeri booshi banayamiza kiranga, ti: «E balya, lolagi Rurema witu! Yoyu, ye katulyosa mu kihugo kyeꞌMiisiri.»

Kulyoka 33:6

Kwokwo, yabo Bahisiraheeri banashaaza inooro zoꞌkuyilimbiisa mwo, batanaki ziyambala.

Hisaaya 3:19

neꞌmbete za ku matwiri, neꞌngolo, neꞌnjungi,

Hisaaya 46:6

Bandu baguma bali mu yona inooro zaabo, neꞌharija, gira bakoleese umutuzi weꞌnooro, abalingaanize imigisi. Irya migisi, ikyanya iri mu ba ikolaga ibiringiini, banatondeere ukugifukamira, iri banagiyikumba.

Yeremiya 10:9

Yabo bandu, bali mu leeta iharija ukulyoka i Tarasisi, neꞌnooro ukulyoka i Hofiiri. Ha nyuma, banabiheereze banaluganda, gira bagilimbiise. Ha nyuma, banabuli giyambika ibyambalwa byeꞌkituku-tuku na byoꞌmugushe.