Kulyoka 2:3 - Kifuliiru

³ Iri hakazinda, anabula ubulyo bwoꞌkushubi múbisha. Kyanatuma agayabiira ikitiri íkikalukwa mu kaliri, anakihembeza kwoꞌbulungu. Iri akayusagya, anakigwejeza mwoꞌyo mwana, anagendi kitereka mu masanga, mu lwiji Niire.

Kulyoka 2:3 ပူးပေါင်းရင်းမြစ်များ

Ndondeko 11:3

Iri hakatama, yabo bandu banasalizania, ti: «Mugire tukizi bumba amatafaari, tunagayokye, halinde gahye bwija.» (Mu yizo siku, amatafaari go bâli kizi koleesa ahandu haꞌmabuye. Naꞌkabulimbo, kâli kizi kola ngeꞌshima.)

Ndondeko 14:10

Iyo ndekeera yeꞌSidimu, yâli yijwiri mwaꞌmahya ágâli mwaꞌkabulimbo. Kwokwo, ikyanya mwami weꞌSoodoma na weꞌGomora bakapuumuka, baguma baabo, banagayilasha mwo. Abandi banapuumukira mu migazi.

Ndondeko 6:14

«Ku yukwo, ugendi kuba ibiti bikomu, unayubake mwo nangungubanga waꞌmashuba. Yago mashuba, ugabiike mweꞌbisiika, unagahembe ubulungu mu nda neꞌmugongo.

Kulyoka 1:22

Iri hakazinda, uyo mwami anakyula, ti: «Abaheburaniya, ikyanya bagabutaga abaana boꞌbutabana, ndaakwo kundi. Muyami balasha mu lwiji Niire. Si abaana boꞌbunyere boohe, mukizi baleka.»

Hisaaya 18:2

Muli mu lungika indumwa mu lwiji Niire, mu bwato úbukalinganizibwa mu kaliri. E ndumwa, musuulage umulindi. Mugende mu bifigisi byaꞌbandu, balya boꞌmwego gukeruusiri. Birya bifigisi, abandu booshi bayamiri babiyobohiri, halinde mu mahanga gooshi. Biryagagi bilangi ngana, binali mu minika abagoma. Ikihugo kyabo, kiri mu golomba mweꞌnyiiji.

Hisaaya 19:6

Ingera za yulwo lwiji Niire, nazo zigaakama. Inyiiji niini zigatondeera ukubaya buligo. Zigayijula ibibingu bibolo, neꞌbyasi byaꞌkaliri.

Hisaaya 35:7

Ishamba, kundu liduusiri, si ligatenga mweꞌnyaaja. Uluumagu lunazununuke mwoꞌtudota. Ibundo lyeꞌmirunga ligaamera mweꞌkibingu, naꞌkaliri.

Mataayo 2:13

Yabo banabwenge beꞌndonde, iri bakaba keera bagenda, umuganda wa Nahano anahulukira ku Yusefu mu birooto, anamúbwira: «E Yusefu, vyuka duba. Uyabiire umwana na nyina, unabapumukane i Miisiri. Munabeere yeyo, halinde ukuhisa ku kyanya ngayiji kubwira. Mukuba, uyu mwana, Heroode akola agayiji múhiiva, gira amúyite.»

Mataayo 2:16

Mwami Heroode, iri akabona kwaꞌbanabwenge beꞌndonde bamúteba, anakayuka bweneene. Anayami kyula kwaꞌbaana boꞌbutabana booshi beꞌBetereheemu bayitwe, kuguma naꞌba mu tundi twaya twa ha butambi, ukulyokera ku tulenge, halinde ukuhisa ku baana beꞌmyaka ibiri. Yukwo, kukakulikirana na kirya kyanya kyo akabuliriza ku banabwenge beꞌndonde.

Mikolezi 7:19

Uyo mwami, anakizi lyalyania bashokuluza biitu. Âli gweti agabatindimaza, mu kukyula kwo bakizi kabulira utulenge twabo twoꞌbutabana, gira bafwe.