Kulyoka 13:9 - Kifuliiru

⁹ Yulwo lusiku, kigaaba kimenyeeso kyoꞌkukizi mùkengeeza. Yikyo kimenyeeso, kigaaba nga kibiisirwi ku maboko giinyu, na ku malanga giinyu. Kwokwo, mukizi kengeera ukudeta amigirizo ga Nahano. Mukuba, akamùlyosa mu kihugo kyeꞌMiisiri ku bushobozi bwage bwaꞌkahebuuza.

Kulyoka 13:9 ပူးပေါင်းရင်းမြစ်များ

Nehemiya 1:10

«E Nahano, twehe ukatuguluula ku bukalage bwawe, mu kati koꞌbushobozi. Ku yukwo, tulyagagi bandu baawe, tunali bakozi baawe.

Zaburi 136:11

Analyosa Abahisiraheeri mu kati kaabo. Urukundo lwage, luyamiri ho, halinde imyaka neꞌmyakuula.

Zaburi 136:12

Anabalyosa yo ku bushobozi bwage, na ku bukalage bwage. Urukundo lwage, luyamiri ho, halinde imyaka neꞌmyakuula.

Zaburi 89:13

We kabumba uluhande lweꞌmbembe, kiri na lweꞌkisaka. Imigazi yeꞌTaboori na yeꞌHerimooni, igweti igakuyimbira ku bushambaale.

Kulyoka 12:14

Yulwo lusiku, lugayami ba lwoꞌbukengeeze imwinyu, luganakizi ba lusiku lukulu lwa Nahano. Mugakizi lusimbaha imyaka neꞌmyakuula, halinde ku bibusi biinyu byoshi íbigaki yija.

Kulyoka 12:41

Ku lwolwo lusiku lwoꞌkuhisa imyaka magana gana na makumi gashatu, abandu booshi ba Nahano bakalyoka mu kihugo kyeꞌMiisiri, ngiisi bandu mu ndeeko yabo.

Kulyoka 13:14

«Mu siku ízigayija, iri umwana wawe angakubuuza hiꞌgulu lya yiri igambo, unamúshuvye: “Nahano akakoleesa ubushobozi bwage bwaꞌkahebuuza, mu kutulyosa mu buja bweꞌkihugo kyeꞌMiisiri.

Kulyoka 13:16

«Yiri igambo, ligakizi ba nga kimenyeeso ku maboko gaawe, kiri na ku malanga gaawe. Ligaaba nga kihunika kyoꞌkukengeeza kwo Nahano akatulyosa mu kihugo kyeꞌMiisiri ku bushobozi bwage bwaꞌkahebuuza.»

Kulyoka 13:3

Musa anabwira Abahisiraheeri: «Yulu lusiku lukulu, mukizi lukengeera. Mukuba, ku lwolwo lusiku, lyo mukashaaga mu buja, mwanalyoka mu kihugo kyeꞌMiisiri. Nahano akamùlyosa i Miisiri ku bushobozi bwage. (Mukengeere, kwo íbiri mweꞌsaama, mutakolwe kwo mwabilya.)

Kulyoka 3:20

Ikyanya ngahaniiriza ikihugo kyage, ngakoleesa ukuboko kwani kwoꞌbushobozi, mu kukizi gira ibitangaaza bya kwingi-kwingi mu kati kaabo. Ha nyuma, uyo mwami akabuli mùleka mugendage.

Kulyoka 7:4

Na kundu atagakutwaza, haliko ngalyosa abandu baani Abahisiraheeri, mu kihugo kyage.

Migani 1:9

Ikyanya bagakuyigiriza, amagambo gagaaba nga twaso kwiꞌtwe lyawe, ganabe nga mugufu gwoꞌkulimbiisa igosi lyawe.

Migani 3:21

E mugala wani, ukizi langa ubwitegeereze, kiri noꞌbwitonde. Utayemeere kwo bikushaagage mu masu.

Migani 7:23

halinde umwambi gunagibere ubudiku. Gwanaba kandi nga kanyuni ákagendi yiduudika mu mutego. Yehee! Atanamenye kwo agendi siga mwiꞌtwe lyage.

Lwimbo Lwija 8:6

Umbiike mu mutima gwawe nga kamangu. Ee! Mbe nga kamangu ku maboko gaawe. Mukuba, urukundo luli noꞌbushobozi ngoꞌbwa Narufu. Uluugi lwalwo, luyamiri ho nga shinda. Ewe! Lugweti lugayami yaka nga muliro. Lunali mu singoola nga mbigi zaagwo.

Hisaaya 27:1

Yulwo lusiku, Nahano agaahana ikingisho-ngisho kyoꞌmujoka Levyataani, gulya úgutuuziri mu nyaaja. Yugwo mujoka, kundu guli mu kizi puumuka, gunali mu yizonga-zonga, si Nahano agayomola ingooti yage, anayami guyita.

Hisaaya 40:10

Nahano Rurema agweti agayija mu bukalage bwage. Ali mu twala abandu ku bushobozi bwaꞌkahebuuza. Na bwo agabahemba, ali mu yija agweti imbembo zaabo.

Hisaaya 44:5

Mundu muguma angadeta kwokuno: “Niehe, ndi wa Nahano.” Ugundi, ti: “Naani, ndi mwene Yakobo.” Ugundi anayiyandike mu kigasha, ti: “Niehe, ndi wa Nahano.” Ugundi kandi anakizi koleesa iziina Hisiraheeri.»

Hisaaya 49:16

Lolagi! Mukoli yandisirwi mu bigasha byani. Neꞌnzitiro ziinyu ziyamiri ziri imbere lyani.

Hisaaya 51:9

E Nahano woꞌbushobozi bwoshi! Vyuka maashi! Uvyukage! Ukizi koleesa ubushobozi bwawe, nga kwo wâli kizi gira yaho keera. Aaho! Ka utali we katema-tema kirya kingisho-ngisho Rahabu? Ka utanali we katumita kirya kingisho-ngisho kyoꞌmujoka gwa mu nyaaja?

Hisaaya 59:21

Nahano ashubi detaga kwokuno: «Ikihango kyo ngweti nganywana na niinyu, kyo kyekino: Umutima gwani guli hiꞌgulu liinyu, na mbiisiri amagambo gaani mu tunwa twinyu. Yago magambo gatâye mùlyoke mwo. Gatanâye lyoke kiri na mu tunwa twa bijukulu biinyu, ukulyokera buno, halinde imyaka neꞌmyakuula!»

Yeremiya 22:24

Nahano adetaga kwokuno: «E Koniya, mugala mwami Yoyakimu weꞌBuyuda! Ngola ngakujanda! Nga kwo nyamiri ho, nahiga kwo kundu wangabiiri naꞌkamaro imwani nga mbete yaꞌkamangu ku kuboko kwani kweꞌlulyo, haliko, nangaki kuyihogola.

Danyeri 9:15

«“E Rurema Nahamwitu! Yaho keera, ukalyosa abandu baawe mu kihugo kyeꞌMiisiri mu kati koꞌbuhagarusi, kyanatuma iziina lyawe ligakizi huuzibwa, halinde zeene. Kundu kwokwo, tukoli yifuuziri mu byaha, tunakoli bihuusiri bweneene.

Yuheeri 2:11

Nahano ali mu sholera ikiso kyage, agweti agayiberekania kwiꞌzu. Yibyo biso, kwo biri bikalage, biri mu músimbaha. Lulya lusiku lwa Nahano, luli lwaꞌkahebuuza. Emwe! Luli mu yobohya ngana-ngana. Aaho! Nyandagi úwangaluyigenderera?

Muharuuro 15:39

«Iyo minaganizo, ikyanya mugagibona, mugakizi kengeera imaaja zooshi za Nahano. Mukizi zisimbaha, buzira kukizi yifwija íbibishirwi mu mitima yinyu mwenyene, kandi iri mu masu giinyu.

Mataayo 23:5

«Ngiisi byo bagweti bagaagira, biri mu ba naaho hiꞌgulu lyoꞌkuyiyeneneka. Ikyanya bali mu yambala utujumba twoꞌkubiika mwaꞌMandiko Meeru, bali mu tuyajabula. Neꞌmirembeezo yeꞌmirondo yabo nayo, bali mu gijolobola.

Barumi 10:8

Si mu Mandiko Meeru bidesirwi kwokuno: «Yiryo igambo, liri hoofi lyawe. Ee! Liri mu kanwa kaawe, na mu mutima gwawe.» Yiryo igambo liri lyoꞌbwemeere. Linali lyo tuli mu genda tugamenyeesa mu bandu.

Bukengeeze 30:14

Si yizo maaja, ziriiri mu tunwa twinyu, na mu mitima yinyu. Ku yukwo, mukizi zisimbaha.

Bukengeeze 5:15

Utakizi yibagira kwo naawe wâli riiri muja mu kihugo kyeꞌMiisiri. Nie Nahano, Rurema wawe, nanakulyosa yo ku bushobozi bwani bwaꞌkahebuuza. Kyo kitumiri nie Nahano, Rurema wawe, nakukomeereza kwo ukizi simbaha ulusiku lweꞌsabaato.

Bukengeeze 6:21

«Haaho, mukakizi bashuvya: “Twâli riiri baja ba mwami weꞌMiisiri. Haliko, Nahano anakoleesa ubukalage bwage, mu kutuhulusa mu kihugo kyage.

Bukengeeze 6:6

«Imaaja zo namùkomeereza zeene, muzisingule mu mitima yinyu.

Bukengeeze 6:8

Na hiꞌgulu lyoꞌkuzikengeera, muzishwekere ku maboko, munaziyambale ha fita zaꞌmalanga giinyu.

Bwigule 18:8

Kundu adetaga kwokwo, kalya kaaya kagayami teerwa na yaga malibu gooshi ku lusiku luguma: umwena, noꞌlufu, neꞌkigandaaro. Haaho, yako kaaya kanabuli singooka! Mukuba, Nahano Rurema, ye gakatwira ulubaaja yenyene. Anali kihagarusi!»

Batwi beꞌmaaja 2:12

Kundu Rurema âli riiri Nahano wa bashokuluza baabo, na kundu akabalyosa mu kihugo kyeꞌMiisiri, halikago banamújanda. Banatondeera ukukizi yikumba imigisi yaꞌbandu ábâli tuuziri ha butambi lyabo. Kwokwo, kwo bakayagaza Nahano bweneene.