Kulyoka 11:4 - Kifuliiru

⁴ Musa anagendi bwira Faraho kwo Nahano akyula kwokuno: «Zeene, nga ku kahola-masiga, ngalenga mu kihugo kyoshi kyeꞌMiisiri.

Kulyoka 11:4 ပူးပေါင်းရင်းမြစ်များ

2 Samweri 5:24

Neꞌkyanya mugayuvwa ibisindo mwiꞌrango iwa biti byeꞌmiforosaadi, munayami gendi bateera. Mukuba, yabo basirikaani baꞌBafirisiti, ngagwanwa namùhimira bo.»

Hayubu 34:20

Kundu kwokwo, yabo booshi bangayami fwa ha kati koꞌbushigi. Bali mu nyanyagwa haashi, banayami seezera ikihugo. Kundu bali banabushobozi, si bali mu lyosibwa ngana mu kihugo, buzira kulonga ubutabaazi.

Zaburi 60:10

Haliko ikihugo kyeꞌMohabu kyohe, guli mutanga gwo ndi mu karabira mwo. Neꞌkihugo kyeꞌHedoomu, kyo ndi mu laaviza kwaꞌmagulu. Abandu beꞌBufirisiti, ngakizi bayamiriza kwo nabahima.»

Zaburi 81:5

Twe beene Yakobo, Rurema yenyene ye katubiikira ulubaaja kwo tukizi múyimbira. Ee! Ye Rurema waꞌBahisiraheeri, ye kakyula kwokwo.

Kulyoka 12:12

«Mu bwobwo bushigi, ngalenga mu kihugo kyeꞌMiisiri, na nyite mweꞌfula zooshi, ziba za bandu, kandi iri zeꞌbitugwa. Nie Nahano, ngaahana imizimu yoshi yeꞌMiisiri.

Kulyoka 12:23

«Nahano agakizi lenga mu kino kihugo, mu kuyita Abamiisiri. Haliko mwehe, agaabona imiko ku mitondo yeꞌnyumba ziinyu, na ku bihamambiro byazo, anakizi mùhinjuka. Hiꞌgulu lyeꞌyo miko, atagahanguula umuganda wage woꞌkuminika kwo ayingire mu nyumba ziinyu, mbu amùyite.

Kulyoka 12:29

Iri kakaba kahola-masiga, Nahano anayita ifula zooshi za mu kirya kihugo kyeꞌMiisiri. Zirya fula zo akayita, zikatondeerera ku fula ya mwami, kundu âli kizi bwatala ku kitumbi kyeꞌkyami. Zanahisa na ku fula za ábâli lashirwi mu nyumba zeꞌmbohe. Kiri neꞌbitugwa, akayita ibyana byabyo bya mbere.

Hisaaya 42:13

Nahano agagenda mwiꞌzibo, alyagagi kikalage. Ikyanya agagendi lwa, agaaba ali musirikaani úkoli rakiiri. Ikyanya agakizi teera abagoma, agakizi banda akashiba, anakizi bayamulula lwoshi-lwoshi.

Hamoosi 4:10

Nanamùbiika mweꞌbihano, nga kwo nꞌgabibiika mu Bamiisiri kare. Nanaminika imisore yinyu mwiꞌzibo. Neꞌfwarasi ziinyu ziꞌzibo, nanaleka zitwalwe. Ibaya lyeꞌbirunda, nanaleka limùdugiirize. Kundu kwokwo mutakangalukira. Kwokwo, kwo nie Nahano ndesiri.

Hamoosi 5:17

Mu ngiisi ndalo zeꞌmizabibu, mugaaba ikimombo naaho. Balya booshi, ngabaminika ngana.» Kwokwo, kwo Nahano adesiri!

Mika 2:13

Kundu mushuba mu gwatwa imbohe mu mahanga, haliko ikirongoozi kiinyu kigahongola inyiivi zaꞌbagoma, anamùlyose yaho. Ee! Mwami winyu, agakizi mùrongoora. Na Nahano yenyene, agakizi mùshokolera injira.»

Mataayo 25:6

Neꞌri ubushigi bukaba bukola ha kati, abandu banayiberekaania kwiꞌzu, ti: “Langiizi! Nahano woꞌbuhya, yoliira! Mugirage tugendi músanganira!”