Kulyoka 10:2 - Kifuliiru

² Kwokwo, lyo mugayiji ganuulira abaana biinyu, kiri na bijukulu biinyu, ngiisi kwo nâli kizi shekeereza Abamiisiri. Ee! Nâli kizi yerekana ibyereso byeꞌkitangaaza mu kati kaabo. Kwokwo, lyo mugaamenya kwo nie Nahano.»

Kulyoka 10:2 ပူးပေါင်းရင်းမြစ်များ

2 Samweri 7:22

«E Nahano Rurema, ulyagagi wa kahebuuza. Ndaaye úwangakuyigera. Ndaanaye gundi Rurema úli ho, útali wenyene. Yaga gooshi, keera tukagayiyuvwirwa.

Zaburi 44:1

Imwoꞌmwimangizi waꞌbimbi. Amigirizo gaꞌbaana ba Koora.

Zaburi 44:2

E Rurema, bashokuluza biitu bakatuganuulira ngiisi kwo wâli kizi bagirira ku kyanya kyabo. Yago magambo gooshi, keera tukagayiyuvwirwa.

Zaburi 58:11

Balya banangora-mabi, ikyanya bagaahanwa, lyaꞌbandu boꞌkuli bagashambaala, iri banakizi fina mu muko gwabo.

Zaburi 71:18

Buno, ngola mushaaja, na ngolaga neꞌnvwi. Aaho! Utanjandirire! Uleke ngizi menyeesa ubushobozi bwawe imwa booshi ábagaki yija inyuma lyani.

Zaburi 78:3

Ngiisi byo tukayuvwa ku badaata, tukoli biyiji bwija, byo tunagweti tugakizi deta.

Kulyoka 13:14

«Mu siku ízigayija, iri umwana wawe angakubuuza hiꞌgulu lya yiri igambo, unamúshuvye: “Nahano akakoleesa ubushobozi bwage bwaꞌkahebuuza, mu kutulyosa mu buja bweꞌkihugo kyeꞌMiisiri.

Kulyoka 14:18

Ee! Ikyanya ngashereeza uyu mwami weꞌMiisiri kuguma naꞌmagaare gaage giꞌzibo, kiri na ábali mu gendera ku fwarasi, lyo ngalonga ukuhuuzibwa bweneene. Lyeryo, lyaꞌBamiisiri bagaamenya kwo nie Nahano.»

Kulyoka 14:4

Ngashubi yumuusa umutima gwa Faraho, halinde anamùbingirize. Kundu kwokwo, ngamúshereeza, kuguma naꞌbasirikaani baage, halinde lyo ndonga ubulangashane. Kwokwo, lyaꞌBamiisiri bagaamenya kwo nie Nahano.» Rurema, mbu ayuse ukudeta kwokwo, Abahisiraheeri banagakulikira inyuma.

Kulyoka 7:17

Ku yukwo, Nahano adeta kwo ukola ugamúmenya kwo ye Nahano kwiꞌno njira: Ino ngoni yo nvumbiiti, ikyanya ngagishulika mu lwiji Niire, amiiji gaalwo gagayami hinduka muko.

Kulyoka 7:5

Neꞌkyanya yabo Bamiisiri bagaabona ngiisi kwo nalyosa Abahisiraheeri mu kihugo kyabo, lyeryo lyo bagaamenya kwo nie Nahano.»

Kulyoka 8:6

Faraho, ti: «Umúhuune kusheezi.» Musa, ti: «Bigaaba nga kwo wadeta, halinde lyo ulonga ukumenya kwo ndaaye gundi úyumiini na Rurema Nahamwitu.

Hisaaya 38:19

Si ábakiri bagumaana, boohe, bo bali mu kuhuuza, nga kwo naani ngweti ngaagira zeene. Abashosi bakwaniini bakizi menyeesa abaana baabo ngiisi kwo uli mwemeera.

Hezekyeri 20:26

Nanabalekaga bakizi yiyulubaza, mu kukizi tanga ifula zaabo, gabe matuulo goꞌkusiriiza. Mukuba, nâli loziizi kwo bateteerwe, halinde bamenye ku kasiisa kwo nie Nahano.

Hezekyeri 20:28

Mukuba, ikyanya nꞌgabatwala mu kihugo kyo nꞌgabalagaania, banabona amarango, na ngiisi kweꞌbiti biri neꞌbihunda bingi. Haaho-haaho, banakizi siriigiza imigisi amatuulo, iri banagitangira agandi matuulo, kiri na geꞌdivaayi. Umuhongolo gwago gwanakizi nyaagaza.”

Yuheeri 1:3

Yiri igambo, muliganuulire abaana biinyu. Nabo, bakaliganuulire abaana baabo. Ee! Yiri igambo, mukakizi yiji liganuula mu bibusi byoshi!

Bahefeso 6:4

Na niinyu mwe bayishe ba baana, mutakizi yagaza abaana biinyu. Haliko, mukizi balera bwija mu kati ka Nahano, iri munakizi bahanuula ku magambo gaage.

Bukengeeze 4:9

«Aahago! Muloleekeze bwija. Galya magambo go mukayibonera, mutakolwe kwo mwagayibagira. Ikyanya mugaaba mukiri ho, hatagire ulusiku gagalyoka mu mitono yinyu. Si mukizi gaganuulira abaana biinyu, kiri na bijukulu biinyu.