Kimombo 5:21 - Kifuliiru

²¹ E Nahano! Utugalulirage imwawe, tushubi ba bandu baawe! Ushubi tushambaaza, nga kwo wâli kizi tushambaaza kare.

Kimombo 5:21 ပူးပေါင်းရင်းမြစ်များ

1 Baami 18:37

E Nahano, unjuvye, lyo yaba bandu bamenya kwo we Rurema, na kwo uli mu hindula imitima yabo, halinde bakugalukire.»

Zaburi 80:19

Iri wangagira kwokwo, tutâye ki kujande. Ukizi tubiika mwoꞌbugumaana, halinde nyiitu tukizi kuyivuga.

Zaburi 80:3

mu beene Hifurahimu, na mu beene Binyamiini, na mu beene Manaasi. Ee! Uyerekane ubushobozi bwawe, unayiji tukiza.

Zaburi 80:7

We tumiri abagoma biitu bagakizi tugayiriza. Ábatusokaniini, bagweti bagatuyamiriza.

Hisaaya 60:20

Izuuba litâye ki mùsookere. Kiri na bushigi, umwezi gutâye ki fwifwitire. Mukuba, Nahano yenyene, ye gakizi mùtanguulira imyaka neꞌmyakuula! Kinatume ukujengeerwa kwinyu kugaamala lwoshi-lwoshi.

Yeremiya 30:20

Abaana baabo bagakizi genduukirwa, nga kwo bâli tuula. Nganashubi basikamya imbere lyani. Haliko, ngiisi ábâli kizi gira mbu babakomeerese, boohe ngabahaniiriza.

Yeremiya 31:18

«Nyuvwiti ngiisi kwaꞌBahifurahimu bakola mu yidodomba, mbu: “E Nahano! Twâli riiri nga nyana ítazi hetwa ukubetula ingata. Watuhaniiriza bweneene, halinde twanagiyiga. Aaho! Utugalulage, halinde tushubi ba bandu baawe. Si wenyene naaho, we Rurema Nahamwitu!

Yeremiya 31:4

E Bahisiraheeri! Ngashubi mùyubakulula, halinde munabe kaaya ákalimbiri. Mugashubi yabiira zirya ngoma ziinyu, munagendi shambaalira kuguma naꞌbandi, iri munatamba.

Yeremiya 33:10

Nahano adetaga kwokuno: «Mugweti mugaadeta kweꞌkihugo kyeꞌBuyuda kikola mushaka. Ee! Nayemeera! Abandu bataki tuuziri mwo. Kiri neꞌbitugwa, ndaakibyo!» Kundu kwokwo, Nahano adetaga kwokuno: «Buno, injira zeꞌYerusaleemu, kiri neꞌza mu tundi twaya tweꞌBuyuda, zikiri shee! Abandu keera banyerera, kiri neꞌbitugwa. Kundu kwokwo, mugaki yuvwa mwoꞌlunganga.

Yeremiya 33:13

Yabo bangere, bagakizi gendi tanduula ibitugwa byabo mu twaya twa mu migazi, na mu twa mu ndekeera, na mu twa mwiꞌshamba lyeꞌNegebu, na mu kihugo kya Binyamiini, na mu twaya útuyegeriiri i Yerusaleemu, na mu tweꞌBuyuda.» Kwokwo, kwo Nahano adesiri.

Hezekyeri 36:37

«Nie Rurema Nahamwinyu nadetaga kwokuno: Ikyanya Abahisiraheeri bagambuuna kwo nyushuule ibibuzi byabo, ngayemeera, na mbiyondolose,

Habakuki 3:2

E Nahano! Keera nꞌgayuvwa hiꞌgulu lyeꞌmikolezi yawe ya kahebuuza. Ngiisi byo ukagira, keera byanzoomeza bweneene! Aahago! Yibyo byoshi, ushubi bikolaga mu siku ziitu, halinde nyiitu tubimenye bwija. Kundu uki turakariiri, utuyuvwirwe indengeerwa, maashi!

Malaki 3:4

Yago matuulo, ikyanya abandu beꞌYerusaleemu, naꞌbeꞌBuyuda hooshi bagagatanga, lyo Nahano agaaba agayemiiri, nga kwo âli kizi gasiima yaho kare.