Kimombo 5:19 - Kifuliiru

¹⁹ Kundu kwokwo, e Nahamwitu! We yamiri uli mwami. Ikitumbi kyawe kyoꞌbwami, kigayama ho, ku bibusi byoshi.

Kimombo 5:19 ပူးပေါင်းရင်းမြစ်များ

Zaburi 10:16

Nahano ye mwami weꞌmyaka neꞌmyakuula. Ee ma! Ibinyamahanga, kundu bakoli tuuziri mu kihugo kyage, bagaki minikwa naaho.

Zaburi 102:12

Isiku zaani, zikola mu lengaga duba nga kimbehwa, na ngoli yumagusiri nga kishuka.

Zaburi 145:13

Ee! Ubwami bwawe buyamiri ho imyaka neꞌmyakuula. Ubutwali bwawe bugagenderera mu bibusi byoshi-byoshi. Aahago! Ikyanya Rurema ali mu tulagaania imihango, ali mu ba mwemeera mu kugikwiza. Mukuba, akuuziri ngiisi byo akabumba.

Zaburi 146:10

E bandu beꞌSayuni, Rurema Nahamwinyu ayamiri atwaziri imyaka neꞌmyakuula, halinde mu bibusi byoshi. Tukizi huuza Nahano!

Zaburi 29:10

Nahano atwaziri hiꞌgulu lyoꞌmwijulire. Yenyene alyagagi mwami, anatwaziri imyaka neꞌmyakuula.

Zaburi 45:6

E mwami, imyambi yawe kwo iri myugi, ikizi beruuza mu mitima yaꞌbagoma baawe. Abandu baꞌmahanga, bakizi fukama mu magulu gaawe.

Zaburi 9:7

Balya bagoma, keera ukashaabula utwaya twabo, tuganayama tushasiri, halinde batanâye ki kengeerwe.

Zaburi 90:2

Ikyanya utâli zaazi bumba imigazi, kandi iri ikihugo, wâli koli yamiri ho.

Zaburi 93:2

E Nahano, we yamiri ho, ukulyokera imyaka neꞌmyakuula, wanâli mali gwanwa wasikamya ikitumbi kyawe kyoꞌbwami.

Danyeri 2:44

«Ku kyanya kya yabo baami, Rurema úli mwiꞌgulu, agayimika ubwami úbutâye minikwe, butanâye haabwe abandi-bandi bandu. Si galya gandi maami gooshi, bugagavungula. Ubwami bwa Rurema naaho, bwo bugayama ho imyaka neꞌmyakuula!

Danyeri 7:14

Uyo mwana woꞌmundu, anahaabwa ubushobozi, noꞌbulangashane, noꞌbuhagarusi, gira abandu booshi bakizi múyikumba, baba beꞌmilala yoshi, naꞌbaꞌmahanga gooshi, naꞌbeꞌndeto zooshi. Ubutwali bwage, bugayama ho imyaka neꞌmyakuula! Noꞌbwami bwage, butâye shereezibwe.

Danyeri 7:27

Haaho, abemeera ba Rurema úli hiꞌgulu lya byoshi banahaabwe ubutwali, noꞌbuhagarusi, noꞌbukulu bwaꞌmaami gooshi ga mu kihugo. Yubwo bwami bwabo, buganayama ho imyaka neꞌmyakuula. Na yabo batwali booshi, bagakizi múyikumba, iri banamúsimbaha.”

Habakuki 1:12

E Nahano! Si uyamiri uli Rurema, ulya Mutaluule, utanâye fwe! We na butibitiro bwitu. Balya Bababeeri, si we kabatoola gira batutwire imaaja, banatuhane hiꞌgulu lyeꞌbyaha biitu!

Yohana 1:38

Yabo bombi, Yesu anakebaanuka, anabona kwo bakoli múkulikiiri, anababuuza: «Biki byo muli mu genda mugalooza?» Nabo, ti: «E Rabi, hayi ho utuuziri?» (Noꞌmugeeza gwa Rabi: Mwigiriza.)

Bukengeeze 33:27

Ukulyokera kare halinde imyakuula, ali butibitiro bwawe, Ali mu yerekana ubushobozi bwage mu kihugo. Yehe, ye kakuyimulira abagoma, anakuhamuliza kwo ubaminike.

1 Timoteyo 1:17

Rurema, ye Mwami weꞌmyaka neꞌmyakuula, atanâye fwe! Ndaaye úshobwiri ukumúbona. Ndaanaye gundi úli ha butambi lyage. Kwokwo, akizi haabwa ulushaagwa noꞌbulangashane, halinde imyaka neꞌmyakuula! Bikizi ba kwokwo!

Baheburaniya 13:8

Yesu Kirisito ye yolya ukulyokera bigingo, na zeene, halinde imyaka neꞌmyakuula!

Bwigule 1:4

Yaga maruba, galyoka imwani, nie Yohana. Ganatumwa mu mashengero galinda ga mu kihugo kyeꞌHaziya. Kwokwo, mukizi longa ubugashaane noꞌmutuula, imwoꞌlya úli ho, ye wanâli yamiri ho, ye ganaki yija. Mukizi bilonga neꞌmweꞌmitima irinda íri imbere lyeꞌkitumbi kyage kyoꞌbwami.

Bwigule 1:8

Nahano Rurema adesiragi kwokuno: «Nie Rurema woꞌbushobozi bwoshi! Nie Halifa, na ndi nie Homega. Nie ndi ho. Nie wanâli yamiri ho. Nie ganaki yija.»