Kimombo 4:7 - Kifuliiru

⁷ Abaluzi beꞌSayuni, bâli yeruusiri ukuhima ulugungu. Bâli riiri beeru pepeepe, ukuhima amata. Amagala gaabo, gâli lakusiri ukuhima amabuye miija geꞌsafiiri, banâli nonosiri ngana-ngana!

Kimombo 4:7 ပူးပေါင်းရင်းမြစ်များ

Hayubu 28:16

Bitagaaziga kwo babugule ku nooro zeꞌHofiiri, kandi iri ku mabuye geꞌhonikisi, kandi iri geꞌsafiiri.

Hayubu 28:18

Ubwitegeereze butangagulwa naꞌmabuye miija ágadukumbusiri na ágakeyengiini. Ikishingo kyabwo, kihimiri ikishingo kyoꞌbuhembe.

Zaburi 144:12

Abatabana biitu, ikyanya bakiri misore, bagaakula bwija, nga mbuto íziri mu ndalo. Abanyere biitu, bagakizi limbiisibwa, nga nguliro mu kajumiro.

Zaburi 51:7

Ukulyokera ikyanya maawe akaheeka inda yani, yibyo byaha, byâli kola-kola mu nda yani. Kwokwo, ikyanya nꞌgabutwa, nâli koli tuuziri ndi munabyaha.

Kulyoka 24:10

banagendi bona Rurema waꞌBahisiraheeri. Mwidako lyaꞌmagulu ga Rurema, mukaboneka íkiri nga njira íkagirwa naꞌmabuye geꞌkishingo ga namukungumo. Yikyo kindu, kyâli kizi keyengana nga kyanyaanya.

Lwimbo Lwija 5:10

«E balya, ulya mukundwa wani, anonosiri ngana, analakusiri. Kundu mwanganyereka abashosi bihumbi ikumi, haliko yehe, ye bahimiri booshi.

Lwimbo Lwija 5:15

Ibibero byage, biri nga nguliro zaꞌmabuye miiru ágalangashiini. Yizo nguliro, zikashingwa mu ndaliro zeꞌnooro muguuhya. Injusho yage, ali mu nooka-nooka nga mugazi Lebanooni. Ee! Iri nyiija ngana, nga biti byeꞌmyerezi.

Danyeri 1:15

Yizo siku iri zikamala, yabo Baheburaniya kundu bo bâli mu lya ishogo nzobeera, banaboneka kwo bo bakaniri ukuhima abaabo ábâli mu lya ku byeꞌkyami.

Luka 1:15

Uyo Yohana, agaaba mukulu imbere lya Nahano. Atakizi nywa idivaayi, kandi iri ikindi kilalusa kyoshi! Mukuba, ukulyokera ukubutwa kwage, agaaba ayijuziibwi mwoꞌMutima Mweru.

Batwi beꞌmaaja 13:5

Uyo mwana ye ugaabuta, umushaku gwage gutâye begwe. Mukuba, ukulyokera ukubutwa kwage, agataluulwa imwa Rurema, anabe akola Mutaluule. Uyo mwana, ye gaguluula Abahisiraheeri mu maboko gaꞌBafirisiti.»

Batwi beꞌmaaja 13:7

Si ambwira naaho, kwo ngaheeka inda, na mbute umwana woꞌbutabana. Anangomeereza kwo ndaki kolwe kwo nanywa íbyangandalusa, ndaanalye ibyokulya byoꞌmuziro. Mukuba, uyo mwana, agaaba atalwirwi imwa Rurema, ukulyokera ukubutwa kwage, halinde ukufwa kwage.»

Batwi beꞌmaaja 16:17

Iri hakatama ngana, ulya Samusooni anamúhwehuka byoshi, anamúbwira kwokuno: «Mwiꞌtwe lyani, mutazindi lenga ulugembe. Mukuba, nꞌgataluulwa imwa Rurema ukulyokera mu nda ya maawe. Ku yukwo, iri nangamwebwa, imisi yani igayami tera. Na mbe noꞌbukaholwe nga bwaꞌbandi.»

1 Samweri 16:12

Lyeryo Yese anamútumira. Uyo Dahudi, âli riiri naꞌmagala miija, anâli nonosiri. Naꞌmasu gaage gâli kizi keyengana. Nahano anabwira Samweri: «Yoyu, ye gaaba mwami. Umúshiigage amavuta.»