Kimombo 4:19 - Kifuliiru

¹⁹ Emwe! Abagoma bâli kizi tulandiriza bweneene. Bâli mulindi-mulindi nga nyunda, wa vwi! Iri twâli kizi tibitira mu migazi, banatugwane mwo. Neꞌri twâli kizi gendi yibisha mwiꞌshamba, banayiji tutega mwo.

Kimombo 4:19 ပူးပေါင်းရင်းမြစ်များ

Yeremiya 16:16

Nahano ashubi detaga kwokuno: «Lolagi! Yabo Bayuda, keera nalungika abadubi bingi, gira bayiji baloba. Nganaki lungika kiri naꞌbahiivi bingi, bayiji bahiiva ku marango geꞌmigazi, na ku tugangazi, kiri na mu nyaala.

Yeremiya 4:13

«Lolagi! Umugoma agweti agatuyijira, akola mu tukanga nga kibungu íkiyidisiri. Amagaare gaage giꞌzibo gali mu suula umulindi, nga kihuhuuta. Ifwarasi zaage zigweti zigaganga mulindi ukuhima utushuta. Ala twe! Si tukolaga tugaahera!

Kimombo 1:13

Nahano akalindimula umuliro ukulyoka mwiꞌgulu, gwanayami njashaata mwo, halinde na mu mavuha. Emwe! Akandega umubashu. Neꞌkyanya gukanganga, anayami ngalula kifudeete. Ananziga mu kahumbwe, ngoli shengusiri.

Hosheya 8:1

«BwaꞌBahisiraheeri bakahongolaga ikihango kyani, batanatwaziizi imaaja zaani, abagoma bagayiji bayihwika kwo nga nyunda, mu kubateera, wa vwi! Kwokwo, mugirage mudihirize ibibuga, mu kubakengula!

Hosheya 8:3

Kundu kwokwo, baki genderiiri naaho noꞌkushemya íbiri biija. Kyo kinatumiri abagoma bakola bagabahiiva.

Balaawi 26:36

«Mu kati kiinyu, ngiisi ábagaaba bakiri kitwe-kibona mu bihugo byaꞌbagoma biinyu, ngababiika mwoꞌlushunguti. Kiri neꞌhyasi íhigaaba higweti higayehuulwa neꞌmbuusi, higayami bakanga. Bagatibita ngoꞌmundu úgweti úgatibita indwani. Na kundu ndaaye úbayimwiri, haliko bagakizi gwa.

Hamoosi 2:14

Kundu abandu bangayihayiri kwo bo bali mu tibitaga mulindi, si ndaaye kiri noꞌmuguma úgafuushuka. Kiri neꞌbishugusha, imisi igabimalira. Neꞌbikalage byaꞌbasirikaani, nabo bagayabirwa ukuyikiza.

Habakuki 1:8

Emwe! Ifwarasi zaabo, ziri mu suula umulindi ukuhima ingwi. Banali balangi, ukuhima imirunga ku kyanya ikoli shalisiri. Abasirikaani baabo ábashoniri ku fwarasi, bashaaziri hala, banali mu yami yilala mu bagoma. Bali mu ba nga nyunda, úli mu yihwika ku mutumba!

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.