Kimombo 3:42 - Kifuliiru

⁴² «E Nahano, tukakuyihindulira ngana-ngana, twanakizi huba imbere lyawe. Yago gooshi, uki gakengiiri.

Kimombo 3:42 ပူးပေါင်းရင်းမြစ်များ

2 Baami 24:4

Uyo Manaasi akayita abandu bingi bazira buhube, halinde akaaya keꞌYerusaleemu kanayijula umuko gwabo. Ikyanya akagira kwokwo, Nahano atanalooza ukumúkoga.

Hizira 9:6

nanamúyinginga, kwokuno: «E Rurema wani, keera nagwatwa neꞌshoni, nanateteerwa bweneene. Ndaloziizi kiri noꞌkukuyinamulira amasu. Si amahube giitu gakoli luguusiri ukutambuka amatwe giitu. Amabi giitu, keera gakuhikira yaho mwiꞌgulu.

Nehemiya 9:26

«Kundu kwokwo, balya bashokuluza biitu batâli kizi kusimbaha. Si bakakizi huna imbere lyawe, batanatwaza imaaja zaawe. Banayita kiri naꞌbaleevi baawe, banali bo bâli kizi bayinginga kwo bakugalukire. Banakizi tuka iziina lyawe bweneene.

Yeremiya 14:20

E maashi Nahano! Twayemeera kwo tukoli bihuusiri. Kiri na bashokuluza biitu, nabo bâli kizi yifunda mu bitalaalwe. Ndaakwo kundi! Tweshi tukoli kuhubiiri bweneene.

Yeremiya 3:13

«Byo mukwaniini ukugira naaho, muyemeere ibyaha biinyu. Ee! Muyemeerage kwo mukahuna imbere lyani, nie Rurema Nahamwinyu! Mukuba, mukalahira kwo mutagakizi nzimbaha, mwanakizi gendi yikumba imizimu mwiꞌdako lya ngiisi kiti íkidohiri.» Kwokwo, kwo Nahano adesiri.

Kimombo 1:18

«Yibyo byoshi, ikyanya Nahano akabigira, âli kulikiiri íbikwaniini. Mukuba, nie Yerusaleemu nâli kizi huna imbere lyage. E bandu mweshi! Munyuvwirize ngana-ngana, munaloleekeze ngiisi kwo ngola mu ganya. Si banyere baani, na bagala baani, keera bakatwalwa hala mu mahanga!

Kimombo 5:16

Injembe, keera zanyugutulwa ku matwe giitu! Yayewe imwitu, bwo twâli kizi yifunda mu byaha!

Hezekyeri 24:13

«E bandu beꞌYerusaleemu, niinyu mumenyage kweꞌbyaha biinyu bikoli mùyulubaziizi. Kundu nageregeza ukumùyeruusa, bitanaziga. Kwokwo, ngatee mùhana ku buraakari bwani, lyoki, mukabuli yeruuka.

Danyeri 9:15

«“E Rurema Nahamwitu! Yaho keera, ukalyosa abandu baawe mu kihugo kyeꞌMiisiri mu kati koꞌbuhagarusi, kyanatuma iziina lyawe ligakizi huuzibwa, halinde zeene. Kundu kwokwo, tukoli yifuuziri mu byaha, tunakoli bihuusiri bweneene.

Zakariya 1:5

Aahago! Buno, yabo bashokuluza biinyu balyagagi hayi? Si keera bakafwa, kuguma naꞌbaleevi baabo.

Zakariya 1:6

«Ikyanya nꞌgagwanwa nakengula yabo bashokuluza biinyu ku bigaki yiji ba, byoshi byanakoleka, nga ngiisi kwo nꞌgababwira. Kyanatuma bagatwikira ku ngesho zaabo mbi, banadeta: “Ala twe! Ngiisi kwo Nahano akagwanwa atukengula, kwo byanakoleka. Keera akatuhana, ukukulikirana neꞌngesho ziitu mbi.”»