Kimombo 3:37 - Kifuliiru

³⁷ Ndaaye úwangadeta mbwiꞌgambo liguma likoleke, Nahano yenyene átazi kyula kwo libe ho!

Kimombo 3:37 ပူးပေါင်းရင်းမြစ်များ

2 Samweri 16:10

Mwami anashuvya: «E bagala Zeruya, biki byo tuli mu fwana? Hali ikyanya angaba Nahano yenyene ye wamúbwira kwo anjekeereze. Nyandagi kandi úwangaki buuza, ti: “Kituma kiki ugweti uganjekeereza?”»

1 Baami 22:34

Haaho, musirikaani muguma weꞌHaraamu, anafwora umuheto gwage mu kuhizaanwa. Kiziga, umwambi gwayami yityomba ha buteranizo bweꞌsiribo zo mwami waꞌBahisiraheeri ayambiiti mu kifuba kyage. Uyo Ahabu anayami bwira ikirongoozi kiꞌgaare lyage liꞌzibo: «Ewe, keera nakomeereka! Hindula igaare, unjaaze duba mwiꞌzibo.»

2 Baami 6:33

Ikyanya akaba atazi yusa ukudeta, mwami anahika, anadeta: «Yaga makuba gooshi, galyosiri imwa Nahano. Kituma kiki ngaki langaalira kwo agatutabaala?»

Hayubu 10:13

«“Kundu kwokwo, wâli njungikiiri agandi-gandi magambo. Ee! Kwokwo, kwo ukagwanwa watona.

Hayubu 2:10

Hayubu, anamúshuvya, ti: «Nanga, maashi! Si ugweti ugaadeta nga mukazi muhwija! Tushuba mu yakiira amiija ukulyoka imwa Rurema. Aahago! Kituma kiki tutangaki yakiira amabi kwakundi?» Emwe! Uyo Hayubu, kundu akalonga yago makuba gooshi, haliko ndaalyo akadeta, mbu ahubire Rurema.

Kulyoka 10:10

Uyo Faraho naye, ti: «Iri nangamùleka kwo mugende na bakiinyu, kiri naꞌbaana, ka lyo Nahano agamùgashaanira? Nanga, maashi! Ngoli bwini kwo yizi shungi ziinyu, ziri mwoꞌbulyalya.

Migani 16:9

Kundu umundu ali mu shungika mu mutima gwage, haliko Nahano ye kwaniini amúyereke ngiisi kwo agaagira.

Migani 19:21

Kundu umundu ali mu shungika bweneene mu mutima gwage, si ngiisi byo Nahano ashungisiri naaho, byo biri mu koleka.

Migani 21:30

Buba bwitegeereze, kandi iri kusobanukirwa, kandi iri shungi, byoshi, ndaabyo íbyangahimana na Nahano.

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Yeremiya 23:32

Ee! Ngabahana ngana-ngana, bwo bagweti bagatanga ubuleevi bweꞌbibeesha. Neꞌkyanya bali mu buyigiriza, bali mu habura abandu baani. Ndanali nie kabatuma, mbu babudete. Ku yukwo, ndaabwo butabaazi bwo bangatanga imwaꞌBayuda.» Kwokwo, kwo Nahano adesiri.

Barumi 9:15

Si akabwira Musa: «Ngiisi ye ndoziizi ukukejeerera, ndi mu múkejeerera. Na ngiisi ye ndoziizi ukuyuvwirwa indengeerwa, ndi mu múyuvwirwa zo.»

Bahefeso 1:11

Ngiisi byo Rurema ali mu gira, ali mu gwanwa abishungika. Kwokwo, na nyiitu, akatutoola kwo tube beꞌmwage mu kati ka Kirisito.