Kimombo 3:29 - Kifuliiru

²⁹ Uyo mundu, akwaniini ayilambike haashi mu luvu. Mukuba, hali ikyanya hangabiiri hakiri umulangaaliro.

Kimombo 3:29 ပူးပေါင်းရင်းမြစ်များ

2 Kutondobola 33:12

Uyo Manaasi, ikyanya âli kola mu malibu, anatakira Rurema Nahamwabo, kwo amúkejeerere, anayibiika haashi bweneene imbere lya Rurema wa bashokuluza baage.

Hayubu 16:15

«Ibyambalwa byani, gakoli ba masuuzu. Keera nꞌgayubika amalanga gaani mu luvu.

Hayubu 40:4

«Si ndi mundu ngana! Aaho! Kuti kwo ngakushuvya? Kwoku, ngola ngaaziba akanwa noꞌkuboko.

Yeremiya 31:17

Ee ma! Mu siku ízigayija, yabo baana bâye galukire mu kihugo kyabo, banabe bakola noꞌmulangaaliro.”» Kwokwo, kwo Nahano adesiri.

Hezekyeri 16:63

Ngamùkoga amabi gooshi go mwâli kizi gira. Neꞌkyanya mugakizi gakengeera, munagwatwe neꞌshoni bweneene, munateteerwe. Mutaganaki shubi fyodoka ukudeta irindi igambo.» Kwokwo, kwo Rurema Nahamwitu adesiri.

Yuheeri 2:14

Amagambo ga Nahano, Rurema winyu, ndaaye úgayiji. Hali ikyanya agayishuhiza. Na ho angamùsiga mwiꞌdaaki, anamùgashaanire. Haaho, munakizi longa ingano, neꞌbinywebwa, halinde munabe noꞌbulyo bwoꞌkukizi mútangira mwiꞌtuulo.

Yona 3:9

Hali ikyanya Rurema angayishuhiza, analekage ukuturakarira, anatubonere ulukogo, tutanaki minikwe!”»

Sefaniya 2:3

Mweshi mwe mukiri mu yibiika haashi, mukizi looza Nahano, munabe musimbahiiri imaaja zaage. Mulooze ukukizi gira íbikwaniini, iri munayibiika haashi imbere lyage. Kwokwo, ku yulwo lusiku lwoꞌburaakari bwage, hali ikyanya mwangafuushuka.

Luka 18:13

«Ulya mubuguza, yehe anayisunga hala. Atanalooza kiri noꞌkuyinamula amasu hiꞌgulu. Si anayinama mu kati keꞌshoni, anahahala bweneene hiꞌgulu lyeꞌmikolezi yage mibi, anadeta: “E Rurema maashi, ndyagagi munabyaha! Ungejeerere, we kongwa!”»

Barumi 3:19

Tuyiji kweꞌMaaja zidesiri imwa ábali mwiꞌdako lyazo, gira lyaꞌbandu booshi bakatwirwe ulubaaja imbere lya Rurema. Hataganaba umundu úgaaba niꞌgambo lyo agayifwongooza mwo imbere lyage.