Kimombo 3:23 - Kifuliiru

²³ Ee ma! Nahano atuula-tuula ali mwemeera ngana. Amiija gaage, gali mu ba mahyahya ngiisi shesheezi!

Kimombo 3:23 ပူးပေါင်းရင်းမြစ်များ

Zaburi 146:6

Nahano akabumba igulu, neꞌkihugo, neꞌnyaaja, na byoshi íbibiri mwo. Anayamiri ali mwemeera, halinde imyaka neꞌmyakuula.

Zaburi 30:5

Mwe bandu ba Nahano, mukizi múyimbira. Mukizi huuza iziina lyage, bwo liri lyeru.

Zaburi 36:5

Ikyanya bali mu ba bagwejiiri, ishungi zaabo ziri mu lola naaho ku mabi. Bakoli higiiri kwo bagakizi gira ubuligo, batanali mu twikira ku mabi gaabo.

Zaburi 36:6

E Nahano, wehe, urukundo lwawe luhisiri halinde mwiꞌgulu. Ubwemeera bwawe, buhisiri ku bibungu.

Zaburi 89:33

Haaho, ngabahaniiriza ku byaha byabo, mu kubakubula ingoni.

Kulyoka 34:6

Lyeryo, analenga imbere lya Musa, anashubi deta: «Niehe, nie Nahano, na ndi nie Rurema. Nyijwiri ulukogo neꞌndengeerwa. Ndi mwigenderezi, na ndi mu kizi gira amiija, na ndi mwemeera.

Hisaaya 33:2

E Nahano, tukubiisiri kwoꞌmulangaaliro. Aaho! Utukejererage! Ukizi tusikamya ngiisi shesheezi. Neꞌkyanya tugakizi longa amalibu, unatukize.

Sefaniya 3:5

Kundu kwokwo, kalya kaaya, Nahano aki katuuziri mwo, anayamiri ali woꞌkuli. Yehe, ndaakyo kyanya ali mu gira igambo íritakwaniini. Ngiisi lusiku shesheezi, ali mu twa imaaja mu kati koꞌkuli, anayamiri ayemiirwi. Halikago, abakozi baꞌmabi boohe, ndaazo ishoni bayuvwiti, kiri neꞌhiniini.

Tiito 1:2

Ee! Ubwemeere bwitu noꞌbumenyi bwitu, biyimangiiri ku mulangaaliro kwo twâye longage ukulama imyaka neꞌmyakuula. Ikyanya ikihugo kitâli zaazi bumbwa, Rurema âli mali gwanwa abiika umuhango kwo tugaalama imyakuula, atanali mu beesha.

Baheburaniya 10:23

Ku yukwo, bwo tukolaga noꞌmulangaaliro ku byo tuyemiiri imbere lyaꞌbandu, tukizi fiitirwa mu kugukania. Yugwo mulangaaliro, Rurema ye katuheereza gwo, anali mwemeera.

Baheburaniya 6:18

Yugwo muhango, neꞌyo ndahiro, bitâye hinduke. Bitanganaziga kwo Rurema abibeeshe kwo. Kyo kitumiri tuli mu holeezibwa bweneene! Tunakoli tibitiiri imwage, gira akizi tulanga. Tunakoli langaliiri imihango yage buzira kusisiitwa.