20 Yaga malibu gooshi, ndâye gayibagire! Umutima gwani, gukoli shengusiri ngana-ngana!
Ikyanya ndi mu yitoneesa ku bikamba kwo, ndi mu huumirwa. Amagala gaani ganajugume bweneene neꞌkyoba.
Na ábahumiri, ali mu bahumuula. Na ábayinamiri, ali mu bayinamula. Ngiisi ábakwaniini imbere lyage, ali mu ba abakuuziri.
Bagweti baganyamiriza. Banali mu shiiba bagweti bagambuuza: «Ewe! Ulya Rurema wawe, alyagagi hayi?» Kwokwo, nayuvwa mu mavuha gaani kwo ngoli fwiri.
E mutima gwani, kituma kikagi ukoli jengiirwi, unakoli shengusiri? Ubiikage umulangaaliro gwawe imwa Rurema. Ye mu ngiza, ye na Rurema wani. Ee ma! Ngaki shubi múyivuga.
Kituma kiki watubisha amalanga gaawe, unakoli yibagiiri amagoorwa giitu, naꞌmalibu giitu?
Neꞌkyanya nâli yuvwiti ingerania, wanamboleeza, halinde umutima gwani gwanashambaala.