Kimombo 2:8 - Kifuliiru

⁸ Nahano akashungika bweneene ngiisi kwo agahongola inzitiro ízizungulusiri akaaya keꞌSayuni. Yizo nzitiro, kundu zâli shuumiri bweneene, zanayami yihongoleka haashi, buu!

Kimombo 2:8 ပူးပေါင်းရင်းမြစ်များ

2 Samweri 8:2

Dahudi anashubi lwa naꞌBamohabu. Nabo, anabahima. Ngiisi bo akagwata imbira, anabakona, anababiika ku miziizi, anabagwejeza haashi, anakyula kwo bakizi yita abandu babiri-babiri, banakizi leka uwa kashatu. Kwokwo, kwaꞌBamohabu bakaba bakozi ba Dahudi, anakizi barambuliisa.

2 Baami 21:13

Ngaahana i Yerusaleemu nga kwo nꞌgahana i Samariya, kiri neꞌmbaga ya mwami Ahabu. Ngashuka i Yerusaleemu, nga kwo bali mu shuka umukongo, banaguyubike.

Hayubu 13:21

Bwoꞌkuboko kwawe kugweti kuganjulika, ukundyokeze, utanakizi ki nyobohya ku bulangi bwawe.

Hisaaya 22:5

Luno lusiku lwatutwisa indege ngana-ngana! Nahano woꞌbushobozi bwoshi atubiisiragi mwaꞌkalugi, anatushengusa lwoshi-lwoshi! Mu ndekeera yaꞌmabone, abandu bagweti bagalibatana mwo. Inzitiro zaꞌkaaya, keera bakazihongolera haashi, banakola mu tabaaza imweꞌmigazi.

Hisaaya 28:17

Ngakizi koleesa íbikwaniini, lukizi ba nga lugero lwani. Na ngoleese noꞌkuli, kukizi ba nga nevu yaꞌbuubasi.» Si ubutibitiro bwinyu, buli mu yubakwa ku binyoma. Kwokwo, invula yoꞌlugungu igayiji bushereeza. Umwijulire gunayiji buhongoleka haashi.

Hisaaya 3:26

Kwiꞌrembo lyaꞌkaaya, abandu bagakizi liruuka bweneene. Abakazi bagakizi yivuruguuza mu luvu, nga bandu keera ábashahulwa ibindu byabo byoshi.

Hisaaya 34:11

Kirya kihugo, banakasare bo bakola bagakituula mwo, kuguma na banafufulu, na banamujongo. Nahano agakishereeza lwoshi, kinasibe.

Hisaaya 5:5

«Iyo ndalo yani, buno ngolaga ngamùbwira ngiisi kwo ngagigira. Ngahongola inzitiro zaayo, halinde inasherebere, naꞌbandu banakizi gilibata-libata mwo.

Yeremiya 14:2

«Utwaya tweꞌBuyuda tukola mu fwifwitira, banakola mu gandaara. Balya bandu booshi, bakoli shengusiri. Ee! Abandu beꞌYerusaleemu bagweti bagabululuka, halinde amalira gaabo ganambikira mwiꞌgulu.

Yeremiya 5:10

Nahano adetaga kwokuno: «E bagoma, Abahisiraheeri naꞌBayuda booshi, mugendi bashooshola, nga kwo bali mu shooshola amatavi geꞌmizabibu. Mubasivye, nga kwo bangasivya imigungira yeꞌmizabibu. Mukuba, Abahisiraheeri naꞌBayuda batakiri bandu baani nie Nahano! Kundu kwokwo, mutabasivye lwoshi-lwoshi.»

Yeremiya 52:13

Uyo mukulu anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

Kimombo 2:17

Yubwo buhanya, bukakoleka nga kwo Nahano âli mali gwanwa abushungika. Kwokwo, kwo akatulagaania, keera anabukwizagya. Akaaya keꞌYerusaleemu, ndaakyo kimino kyo akakayuvwirwa, si akayami kahongola. Buno, abagoma baage bakola mu kahonyoleza, ti honyo! Yabo bagoma baawe, keera akabahemya amatwe!

Kimombo 2:18

Abandu beꞌSayuni banatabaaza Nahano! E luzitiro lweꞌSayuni! Leka imigenge ikizi kuhunguluka mwo nga lwiji. Ugire ukizi lira imbere lya Nahano ubushigi niꞌzuuba! Utakizi yoherera, si ukizi bululuka ngana-ngana!

Kimombo 2:2

Nahano atakayuvwirwa abandu baage ikimino, si akayami bashereegeza inyumba zaabo. Na bwo âli koli rakiiri, anayami hongola inyumba zooshi zaꞌBayuda. Ubwami bwabo, anabudeedeka haashi, anabubonia ishoni, kiri naꞌbatwali baabo.

Kimombo 2:5

Nahano akayihindulira Abahisiraheeri, anayami bamirangusa. Yoho wee! Akamirangusa kiri neꞌnyumba zaabo zoꞌmulimbo, anahongola neꞌnzitiro zaabo ngomu. Kwokwo, kwo agayushuulira Abayuda amalira neꞌkimombo.

Hezekyeri 20:22

«Kundu kwokwo, nanashubi shiginya ukubahana, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.