Kimombo 2:21 - Kifuliiru

²¹ Imisore naꞌbashaaja, booshi keera bakayitwa ku ngooti. Ibirunda byaꞌbanyere naꞌbatabana, bikoli lambamiri mu njira. Si wenyene we kabayita ku buraakari bwawe, buzira kubayuvwirwa ikimino!

Kimombo 2:21 ပူးပေါင်းရင်းမြစ်များ

2 Kutondobola 36:17

Nahano anabiika abandu baage mu maboko ga Nebukandeneza, mwami waꞌBakalidaayo. Ulya mwami, anaminika imisore yabo ku ngooti, kiri na mu nyumba ya Rurema. Ndaanaye mundu ye akakejeerera, aba mushosi, kandi iri mukazi, aba mwana, kandi iri mushaaja.

Hesiteeri 3:13

Ngiisi kihugo kya mu yubwo bwami, kyanatumirwa amaruba. Mu yago maruba, mwâli yandisirwi kwokuno: «Ulusiku lwiꞌkumi na zishatu, lwoꞌmwezi gwiꞌkumi na kabiri, úguli mu detwa Hadaari, mu lwolwo lusiku, Abayahudi booshi baminikwe, imisore naꞌbashaaja, kiri naꞌbakazi naꞌbaana. Neꞌbindu byabo byoshi, binashahulwe.»

Hisaaya 27:11

Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Yeremiya 11:22

«Yabo Bahanatooti, ngolaga ngabahana. Imisore yabo, abagoma bagagiminika mwiꞌzibo. Bagala baabo na banyere baabo, ishali ligabamala.

Yeremiya 13:14

Ha nyuma, ngakizi bateerania bongwa ku bongwa, kiri naꞌbabusi naꞌbaana baabo. Ndaanaye kiri noꞌmuguma ye ngakejeerera. Ndanâye bayuvwirwe indengeerwa, mbu ndeke ukubaminika.”» Kwokwo kwo Nahano adesiri.

Yeremiya 18:21

«Ku yukwo, ulekage abaana baabo bafwe niꞌshali. Nabo boonyene, uleke abagoma baabo babayite neꞌngooti. Bakaabo bafwirwe naꞌbaana, kiri na bayiba! Abashaaja bafwe neꞌkiija, neꞌmisore iyitwe ku ngooti mwiꞌzibo.

Yeremiya 21:7

«Nie Nahano nadeta na kwokuno: E mwami Zedekiya! Kundu uli kuguma naꞌbandi batwali beꞌBuyuda, naꞌbandi bandu baawe, halikago ngakubiika mu maboko ga mwami Nebukandeneza weꞌBabeeri. Yabo booshi, kundu bangafuushuka mu kirya kiija, niꞌzibo, niꞌshali, haliko ulya Nebukandeneza, ndaazo ndengeerwa zo agabayuvwirwa, mbu abakejeerere. Aahabi! Si agayami bayilala mwo, gira abayite.

Yeremiya 4:31

Nyuvwiti akaamyo, nga koꞌmukazi úgweti úgaabuta ulubuta lwa mbere. Kiziga i Yerusaleemu yonyene, ye gweti igahemagira-hemagira! Akola mu lambuula amaboko, iri anatakira Rurema kwokuno: «Ala nie! Si abahulula bano, bakoli nyita!»

Yeremiya 51:22

Munavungule abashosi naꞌbakazi, kiri naꞌbashaaja neꞌmisore. Mugavungula abatabana naꞌbanyere.

Yeremiya 6:11

E Nahano, bwo ukoli rakiiri hiꞌgulu lya yaba bandu, naani, kwo na kwokwo. Yubwo buraakari bwawe, ngoli luhiri noꞌkubuhangirira.» Nahano anashubi mbwira: «Yubwo buraakari, ugendi buyonera ku baana mu njira, kiri na ku misore, ngiisi ho ibwatiiri. Kiri abashosi na bakaabo, ngakizi bashavurira, kiri naꞌbashaaja kongotwe.

Yeremiya 9:20

«Narufu keera asheshera mu twazo twitu, anatuteera mu nyumba ziitu, kundu ziyamiri ziri nzitire. Akola mu kumbulula abaana biitu mu njira, neꞌmisore yitu mu mitalimbwa.»

Yeremiya 9:21

«E Yeremiya, ubwire abandu kwo Nahano adetaga kwokuno: “Ibirunda byaꞌbandu, bikoli lambamiri bwalaafwe. Biryagagi nga nagiira íyafukwa mu ndalo. Binakoli lambamiri nga mihuli yeꞌngano, ndaanaye mundu woꞌkugikuumania.”»

Kimombo 1:15

Kundu njubi hiiti indwani zaani, haliko Nahano keera akazinenuuka. Akabwira ikiso kihamu kyaꞌbagoma, kwo bayiji minika imisore yani. Bâli kizi hinyata-hinyata akaaya kaage kakunde, nga kwoꞌmundu ali mu vunga ikikafi kyeꞌmizabibu mu kikandiro.

Kimombo 1:18

«Yibyo byoshi, ikyanya Nahano akabigira, âli kulikiiri íbikwaniini. Mukuba, nie Yerusaleemu nâli kizi huna imbere lyage. E bandu mweshi! Munyuvwirize ngana-ngana, munaloleekeze ngiisi kwo ngola mu ganya. Si banyere baani, na bagala baani, keera bakatwalwa hala mu mahanga!

Kimombo 1:4

Injira íziloziri akaaya keꞌSayuni, zikoli jengiirwi. Mukuba, abandu batakiri mu zilenga mwo, mbu bashambaalire isiku ngulu, batanakiri mu lenga mu miryango yako. Abagingi baamwo bakola mu gongeera. Naꞌbanyere bakola mu bululuka. Kalya kaaya, kakola mu gooka ngana!

Kimombo 2:17

Yubwo buhanya, bukakoleka nga kwo Nahano âli mali gwanwa abushungika. Kwokwo, kwo akatulagaania, keera anabukwizagya. Akaaya keꞌYerusaleemu, ndaakyo kimino kyo akakayuvwirwa, si akayami kahongola. Buno, abagoma baage bakola mu kahonyoleza, ti honyo! Yabo bagoma baawe, keera akabahemya amatwe!

Kimombo 2:2

Nahano atakayuvwirwa abandu baage ikimino, si akayami bashereegeza inyumba zaabo. Na bwo âli koli rakiiri, anayami hongola inyumba zooshi zaꞌBayuda. Ubwami bwabo, anabudeedeka haashi, anabubonia ishoni, kiri naꞌbatwali baabo.

Kimombo 3:43

«Kyo kitumiri uki rakiiri hiꞌgulu liitu, unakola mu tulandiriza, wanatuminika, buzira kutukejeerera.

Hezekyeri 24:21

mbwire Abahisiraheeri kwokuno: “Rurema Nahamwitu adetaga kwokuno: Ngayulubaza inyumba yani, kundu mugweti mugayikangaata hiꞌgulu lyayo, iri munagilangaalira. Neꞌkyanya muli mu kizi gilola-lola kwo, munashambaale bweneene! Kundu kwokwo, bagala biinyu na banyere biinyu ábakasigala i Yerusaleemu, bagayitwa ku ngooti.

Hezekyeri 5:11

Nga kwo nyamiri ho, nie Rurema Nahamwinyu nakyula kwokuno: Bwo keera mukayulubaza inyumba yani, ku njira yoꞌkugibiika mweꞌmigisi, neꞌbindi íbiri mu yagazania, naani ndagaki mùkejeerera, ndaanaye ugatoloboka.

Hezekyeri 7:4

Aahago! Bwo mukoli bihuusiri, ngamùhaniiriza, naani ndagaki mùkejeerera, kandi iri kumùlekeerera. Kwokwo, lyo mugaamenya ku kasiisa kwo nie Nahano.

Hezekyeri 7:9

Naani ndagaki mùkejeerera, kandi iri kumùlekeerera. Si ngamùhana, ukukulikirana naꞌmabi go mwâli kizi yifunda mwo. Yago mabi ngashombiri bweneene. Kwokwo, lyo mugaamenya ku kasiisa kwo nie Nahano, na kwo ndi mu hana abandu babi.

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Hezekyeri 9:10

«Kwokwo, naani ndagaki bakejeerera, kandi iri kubakeerera. Si amabi go bâli kizi girira abandi, go nabo ngakizi bagirira.»

Hamoosi 4:10

Nanamùbiika mweꞌbihano, nga kwo nꞌgabibiika mu Bamiisiri kare. Nanaminika imisore yinyu mwiꞌzibo. Neꞌfwarasi ziinyu ziꞌzibo, nanaleka zitwalwe. Ibaya lyeꞌbirunda, nanaleka limùdugiirize. Kundu kwokwo mutakangalukira. Kwokwo, kwo nie Nahano ndesiri.

Hamoosi 8:13

«Yulwo lusiku, abanyere, kundu bagaaba banonosiri, inyoota igabayandabusa. Igayandabusa kiri neꞌmisore mitabana kwakundi.

Zakariya 11:6

«Kwokwo, nie Nahano nadetaga kwokuno: Kiri na naani, yabo bandu, ndagaki shubi bakejeerera. Si ngaaleka bakizi libuzibwa naꞌbatuulani baabo, balibuzibwe kiri na mwami. Ikihugo kyabo, kigashereezibwa lwoshi-lwoshi. Ndaanaye mundu ye ngalekaga kwo atoloboke mu maboko gaabo.»

Bukengeeze 28:50

Amalanga gaabo, gagaaba gazizibiiri. Batanasimbahe abashaaja, kandi iri kukejeerera abaana.

Bukengeeze 32:25

Abaana baabo, bagayitirwa mu mitalimbwa. Booshi mu nyumba, bagahuumirwa, banahole. Imisore, imitabana neꞌminyere, igahuumirwa, kuguma naꞌbaana ábakiri mu yonga, kiri naꞌbashaaja.

Yoshwa 6:21

Abandu baamwo booshi, banabaminika ku ngooti, abashosi, naꞌbakazi, neꞌmisore, kiri naꞌbashaaja. Banayita neꞌngaavu, neꞌbibuzi, na bapunda. Byoshi, fye!

1 Samweri 15:3

Kwokwo buno, ugendi bateera. Ibindu byabo byoshi, ubijigiivye. Hatanagire ye ugaasiga kitwe-kibona, aba mushosi kandi iri mukazi, kiri naꞌbaana boꞌtulenge, kandi iri utuboojo. Muyitage booshi, kiri neꞌngaavu, neꞌbibuzi, neꞌngamiya, na bapunda.”»