Kimombo 1:12 - Kifuliiru

¹² Akaaya keꞌYerusaleemu, kanadeta: «Mweshi, mwe muli mu lenga hano! Kituma kiki mutatwaziizi gano malibu gaani? Keera Nahano akandakarira, maashi! Aahago! Ka keera mukabona agandi malibu ágali nga gano geꞌmwani?

Kimombo 1:12 ပူးပေါင်းရင်းမြစ်များ

Zaburi 88:16

Ukulyokera mu busore bwani, ndi mu kizi libuuka, na nyamiri ndi mu zeera ho nangasiga itwe. Kundu kwokwo, ugweti ugandeeza mweꞌkinyukura, na ngoli shengusiri ngana.

Hisaaya 13:13

«Nie Nahano woꞌbushobozi bwoshi, bwo ngoli rakiiri, ngashagania igulu. Kiri neꞌkihugo, ngakijuguuvya, kishaagage ku ndaliro zaakyo.

Yeremiya 10:19

Abandu i Yerusaleemu, ti: «Ala nie! Ngoli komeresiri bweneene! Neꞌkihando kijajagusiri ngana-ngana! Ndaakwo kundi! Yago malibu, ngwiriiri ngagooyere naaho.

Yeremiya 18:16

Ikihugo kyeꞌBuyuda, keera bakihindula mushaka. Na ngiisi úli mu kilenga mwo, ali mu zuuza itwe, mu kusoomerwa. Mango kyashereezibwa, bagasoomerwa ngana-ngana!

Yeremiya 30:23

Lolagi! Nahano agweti agahaniiriza abandu ku buraakari bwage, bunakoli kayusiri nga kihuhuuta. Buli mu yihwika ku banangora-mabi.

Yeremiya 30:24

Bulya buraakari bwage, butaganahooha, átazi yusa ukugira byoshi byo keera ashungika. Yibyo byoshi, mwâye bisobanukirwe mu siku ízigayija.

Yeremiya 30:7

Yulwo lusiku, lukola lugaaba lweꞌnguuke. Beene Yakobo bagagooka ngana-ngana! Yayewe! Ulusiku mwene yulwo, lutâye shubi ba ho. Kundu kwokwo, ubuzinda, bâye kizibwe.»

Yeremiya 4:8

Ku yukwo, mukenyerage amasuuzu, mu kuyerekana kwo mukoli jengiirwi. Munabululuke ku kimombo. Si uburaakari bwa Nahano butazi hooha hiꞌgulu liitu!»

Yeremiya 48:27

E Bamohabu, si mwâli kizi honyoleza Abahisiraheeri! Mwanakizi baharuura nga bakagwatwa mu biso byaꞌbanyazi, mwanabazuugiza amatwe.

Kimombo 1:18

«Yibyo byoshi, ikyanya Nahano akabigira, âli kulikiiri íbikwaniini. Mukuba, nie Yerusaleemu nâli kizi huna imbere lyage. E bandu mweshi! Munyuvwirize ngana-ngana, munaloleekeze ngiisi kwo ngola mu ganya. Si banyere baani, na bagala baani, keera bakatwalwa hala mu mahanga!

Kimombo 2:1

Lolagi! Nahano akoli rakiiri, keera anateeza abandu beꞌYerusaleemu ishoni. Kundu ubulangashane bwabo bwâli hikiiri mwiꞌgulu, halikago, keera akabutibula haashi mu kihugo. Kiri neꞌnyumba yage, ikyanya âli koli rakiiri, atanagikejeerera, si akagiyibagira.

Kimombo 2:13

E Yerusaleemu! Kuti kwo nangaki deta hiꞌgulu lyawe? Si ndaakyo nangakushushaania! E kaaya keꞌSayuni! Kutagi kwo ngalonga ukukuholeeza? Nga kweꞌnyaaja iyisiri bweneene, kwo na kwokwo naawe ukoli sherebiiri ngana-ngana, ndaanaye úwangaki kukiza.

Danyeri 9:12

Ee! Ikyanya ukatushereeza, lyo ukakoleesa amagambo ágakagwanwa gadetwa hiꞌgulu liitu, kiri na hiꞌgulu lyaꞌbatwali biitu. «“Ngiisi kwo ukahaniiriza akaaya kiitu keꞌYerusaleemu, ndaabo bandi ábakahanwa bukayu mwene kwokwo.

Yuheeri 2:2

Yulwo lusiku, luli mweꞌkihulu kya namudidi, lunali lweꞌbibungu bizito. Aaho! Langiizi ngiisi kweꞌkiso kihamu kyeꞌbizimu kiri mu hika. Kigweti kigayija ngana, nga kwiꞌzuuba liri mu tunduuka shesheezi. Yibyo bizimu, biri kandaharuurwa, binali neꞌmisi bweneene. Yiryo igambo, litazindi boneka, litanâye shubi boneka!

Mataayo 24:21

«Yizo siku zigaaba za kahenabwera. Amalibu mwene yago, gatazindi ba ho, ukulyokera heꞌkihugo kikabumbirwa halinde zeene! Gatanâye ki shubi ba ho!