Kimombo 1:10 - Kifuliiru

¹⁰ Yabo bagoma, keera bakashahula ibindu byoshi byeꞌkishingo. Na kundu Nahano akalahiza ibinyamahanga kwo bitâye yifunde mu nyumba yage, haliko, yenyene akayibonera ngiisi kwo bikagiyigogombeka mwo, byanagiyulubaza.

Kimombo 1:10 ပူးပေါင်းရင်းမြစ်များ

2 Kutondobola 36:18

Ulya Nebukandeneza anayabiira ibirugu byoshi íbyâli sigiiri mu nyumba ya Rurema, kiba kihamu kandi iri kiniini, banabitwala i Babeeri. Akanyaga byoshi bya mu kihinda kyeꞌnyumba ya Nahano, na mu kyeꞌbwami, na mu byaꞌbakulu beꞌbwami.

Nehemiya 13:1

Mu lwolwo lusiku, ikyanya bakasomera abandu ikitaabo kya Musa, banagwana áhadesiri kwokuno: «Abahamooni, naꞌBamohabu, batâye yingire mu muhumaanano gwaꞌbandu ba Rurema.»

Hisaaya 63:18

Ku kyanya kiniini, twâli riiri beene inyumba yawe. Halikago buno, abagoma biitu keera bakayiji gihongola,

Yeremiya 15:13

Kundu kwokwo, ubugale bwinyu bwoshi, ngabuheereza abandi bandu, ku busha. Si mukola mu yifunda mu byaha hooshi mu kihugo!

Yeremiya 20:5

«“Kano kaaya keꞌYerusaleemu, ibindu byamwo byoshi, ngolaga ngabiheereza abagoma, ngeꞌmimbu, neꞌbindu byoꞌmulimbo, na byoshi íbiri mu bihinda byaꞌbaami beꞌBuyuda. Byoshi, abagoma bagabitwala i Babeeri.

Yeremiya 27:19

Kwokwo, kwo Nahano woꞌbushobozi bwoshi adesiri hiꞌgulu lyeꞌbirugu íbikasigala mu kaaya: ngeꞌnguliro, na nangungubanga woꞌmutanga úguli mu detwa Nyaaja, neꞌbiterekero, neꞌbindi birugu.

Yeremiya 27:21

«Muyuvwirize ngiisi kwo Nahano woꞌbushobozi bwoshi, Rurema waꞌBahisiraheeri agweti agaadeta hiꞌgulu lya íbyâli sigiiri mu nyumba ya Nahano, na mu kajumiro ka mwami weꞌBuyuda, na mu kaaya keꞌYerusaleemu, ti:

Yeremiya 50:28

Yuvwagwi! Abahisiraheeri ábafuushuka i Babeeri, keera bayija i Sayuni, banakola mu menyeesa ngiisi kwo Rurema Nahamwitu, keera akayihoola Abababeeri. Si bâli mali shereeza inyumba yage!

Yeremiya 51:51

«Mugweti mugaadeta, ti: “Twe Bayuda, ibinyamahanga keera bikayifunda ahandu hataluule mu nyumba ya Nahano, binali mu kizi tuhonyoleza. Tukoli teziibwi ishoni, tunakoli tetiirwi bweneene.”»

Yeremiya 52:13

Uyo mukulu anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

Kimombo 1:7

Yerusaleemu aki kengiiri ngiisi kwo âli jeberiiri mu bugale bwage. Haliko buno, akola mu yangaara mu mwizingeerwe. Ikyanya abandu bakagwatwa naꞌbagoma, ndaaye úkabatabaala. Yabo bagoma, iri bâli kizi babona, banabahonyoleze, mbu: «Honyo! Si akaaya kiinyu, ndaakiko!»

Hezekyeri 44:7

Mukuba, ikyanya muli muyiji ndangira amatuulo goꞌmushyano, neꞌbinyule, noꞌmuko, muli mu yulubaza inyumba yani. Muli mu hanguula kwaꞌbandu bazira kutenguulwa bayingire ahandu haani heeru, batananzimbahiri. E bandu baani! Si hiꞌgulu lya yibyo bihigo biinyu, keera mwahongolaga ikihango kyo tukanywana!

Hezekyeri 7:22

Abanyazi bagayifunda ahandu haani heeru, banahayulubaze. Ku yikyo kyanya, ndagatwaza Abahisiraheeri, si ngabahindulira ingoto.

Hezekyeri 9:7

Nahano anashubi babwira: «Inyumba ya Rurema, mugiyulubaze mu kuyijuza ulubuga lwayo ibirunda. Ngahwe! Mutondeerage!» Kwokwo, banatondeera ukuyita abandu mu kaaya.

Mariko 13:14

«Ku yikyo kyanya, mugaabona Ibala lyoꞌkushereeza likoli yimaaziri ho litangayimangiiri. (Umundu, ikyanya agaasoma yaga magambo, agasobanukirwe.) Haaho, abandu ábali i Buyahudi, bakatibitire mu migazi.

Bukengeeze 23:3

«Umwana weꞌkizira, naye atahangwirwi ukukizi yingira mu muhumaanano gwaꞌbandu ba Nahano. Kiri naꞌbaana baage, halinde ikibusi kyage kiꞌkumi batahangwirwi ukukizi yingira mwo.

Bukengeeze 23:4

«Abahamooni, naꞌBamohabu, nabo batahangwirwi ukukizi yingira mu muhumaanano gwaꞌbandu ba Nahano. Kiri naꞌbaana baabo, halinde ikibusi kyabo kiꞌkumi, nabo batahangwirwi ukukizi yingira mwo.