Kimombo 1:1 - Kifuliiru

¹ Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Kimombo 1:1 ပူးပေါင်းရင်းမြစ်များ

2 Baami 23:33

Mwami Neko weꞌMiisiri, anamúlasha mu nyumba yeꞌmbohe mu kaaya keꞌRibila, mu kihugo kyeꞌHamaati, lyo atashubi twala i Yerusaleemu. Anarambuliisa abandu beꞌBuyuda ibilo bihumbi bishatu na magana gana byeꞌharija, neꞌbilo makumi gashatu byeꞌnooro.

2 Baami 23:35

Uyo mwami Yoyakimu anakizi heereza mwami weꞌMiisiri iharija neꞌnooro. Na mu kukizi bilonga, anarambuliisa Abayuda, ukukulikirana noꞌbugale bwabo.

2 Kutondobola 9:26

Anaba mutwali waꞌbandi baami booshi, ukulyokera ku lwiji Hefuraati, halinde mu kihugo kyeꞌBufirisiti, na ku lubibi lweꞌMiisiri.

Hizira 4:20

Yaho keera mu yako kaaya, mwâli riiri ibikalage byaꞌbatwali. Bo bâli twaziri ikihugo íkiri uluhande lweꞌmuga lwoꞌlwiji Hefuraati. Abandu bâli kizi batangira ikitoolo, noꞌmurambu, neꞌbindu byoꞌkubajabusa imbibi.

Nehemiya 5:4

Abandi nabo, ti: «Nyiitu, ikyanya tuli mu looza ibitoolo byeꞌmwa mwami, tuli mu tee kizi kaaba ifwaranga, mu kukizi tanga indalo ziitu, kuguma neꞌmizabibu yitu, zikizi ba ngwati.

Nehemiya 9:37

Kundu tuli mu yeza bweneene mu kino kihugo, haliko abaami beꞌmahanga bali mu yiji tunyaga byo. Yoho wee! Ikyanya twâli kizi yifunda mu byaha, lyo ukababiika hiꞌgulu liitu. «Buno yabo baami, bagweti bagatukoleesa nga ngiisi kwo baloziizi, kiri neꞌbitugwa biitu. Tunakoli hanyagiiri bweneene.»

Zaburi 122:4

Imilala yaꞌBahisiraheeri, haaho ho bali mu zamuukira, gira bagendi huuza iziina lya Nahano. Iyo migeeza, Abahisiraheeri bakoli gihaabirwi.

Hisaaya 14:12

E mwami weꞌBabeeri, si we ndonde íshuba mu yaka bweneene ku lukula! We kanashereeza ibinyamahanga byoshi. Aaho! Kutagi kwo naawe ukatibulirwa hano haashi?

Hisaaya 22:2

Kituma kiki mugweti mugabanda akabuli, na kituma kiki akaaya kali mwoꞌmulengo neꞌkisegengo? Ee! Abandu baawe keera bakafwa, neꞌbirunda byabo bikoli kabuliirwi hooshi. Kundu kwokwo, litali izibo írikabayita.

Hisaaya 3:26

Kwiꞌrembo lyaꞌkaaya, abandu bagakizi liruuka bweneene. Abakazi bagakizi yivuruguuza mu luvu, nga bandu keera ábashahulwa ibindu byabo byoshi.

Hisaaya 49:21

Ugakizi yibuuza: “Yaba baana booshi, nyandagi úkabambeereza? Si nâli jengiirwi, nanakizi yuvwa akahumbwe? Nâli koli hungiiri mu mahanga, nanâli sigiiri kiguli-guuli. Aahago! Yabo baana booshi, nyandi úkabalera? Si nâli riiri niengwa! Aaho! Bashaaziri hayagi?”»

Hisaaya 50:5

Nahano Rurema ali mu ndabaala ukuyiga. Ndali mu mútenguha, ndanali mu múhindulira ingoto.

Hisaaya 52:2

E Yerusaleemu, umunyere weꞌSayuni! Kundu ushuba imbohe, halikago, uduutule imigufu mwiꞌgosi, unayibugumule ulukungu, unayimuke.

Hisaaya 52:7

Indumwa, ikyanya iri mu menyeesa imyazi miija mu migazi, bisimisiizi bweneene! Ee! Ali mu menyeesa kwo hagaaba umutuula, na kwaꞌbandu bagakizibwa. Ali mu bwira abandu beꞌYerusaleemu: «Rurema winyu, ye kola mwami!»

Hisaaya 54:4

Utayobohe, utanavunike indege! Mukuba, utâye ki yagagale, kandi iri kugayirizibwa. Kundu ukateezibwa ishoni mu busore bwawe, yibyo byoshi, ukola ugabiyibagira. Na kundu ukahonyolezibwa bweneene, mbu bwo ulyagagi namufwiri, birya byoshi, utâye ki bikengeere.

Yeremiya 31:7

Nahano adetaga kwokuno: «Mushambaale, munakizi yimba hiꞌgulu lyaꞌBahisiraheeri. Munakizi babandira akabuuli, bwo bakoli himiri ibinyamahanga byoshi. Mukizi balumbiisa, iri munabahuuza kwokuno: “E Nahano! Ukizagye abandu baawe, balya ábasigiiri mu Bahisiraheeri!”

Yeremiya 40:9

Uyo Gedaliya anabiika indahiro imbere lyabo booshi, ti: «Yaba Bababeeri, mutakizi bayoboha! Si mubeere mwomuno mu kihugo, munakizi kolera mwami wabo. Kwokwo, lyo mugakizi genduukirwa.

Yeremiya 44:2

Nahano woꞌbushobozi bwoshi, Rurema waꞌBahisiraheeri adetaga kwokuno: «Mwenyene mukayibonera ngiisi kwo nꞌgashereeza abandu beꞌYerusaleemu, naꞌba mu tundi twaya twoshi tweꞌBuyuda. Na buno, yutwo twaya, tukola mushaka. Ndaanaye mundu útutuuziri mwo, halinde zeene.

Yeremiya 44:6

Kwokwo, nanamùrakarira bweneene, halinde nanasingoola utwaya tweꞌBuyuda, kiri neꞌnjira zeꞌYerusaleemu. Na buno, yaho hooshi bikola biguuka, na mushaka.

Yeremiya 50:23

Ubwa mbere, Abababeeri bâli gweti bagahooja-hooja amahanga gooshi. Halikago buno, nabo keera bahirikwa, banatwika. Mu bihugo byoshi, i Babeeri yo ikoli sherebiiri bweneene.

Yeremiya 9:11

Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Kimombo 1:19

Nꞌgatabaaza biira baani ba mu bindi bihugo, haliko, iri bakanyuvwa, bananyihindulira. Abagingi baani, kiri naꞌbahanuuzi, bâli kizi jeba-jeba mu kulooza byo bagaalya. Kwo bali booshi, banaholera mwomwo mu kaaya, banafwa.

Kimombo 2:1

Lolagi! Nahano akoli rakiiri, keera anateeza abandu beꞌYerusaleemu ishoni. Kundu ubulangashane bwabo bwâli hikiiri mwiꞌgulu, halikago, keera akabutibula haashi mu kihugo. Kiri neꞌnyumba yage, ikyanya âli koli rakiiri, atanagikejeerera, si akagiyibagira.

Kimombo 2:10

Abakulu beꞌSayuni, bakoli yisiri haashi, bali kanyerere! Bakoli yambiiti ibyambalwa byoꞌkugandaara, iri banayitumuulira ulukungu mu matwe. Abanyere beꞌYerusaleemu nabo, bakola mu hunika amatwe hiꞌgulu lyeꞌshoni.

Kimombo 4:1

Inooro, kundu ishuba njukiirize, inashubi keyengiini, halikago keera yakulubuka. Kiri naꞌmabuye ágakeyengiini ga mu nyumba ya Rurema, keera gakashaabulwa bwalaafwe mu njira zaꞌkaaya.

Kimombo 5:16

Injembe, keera zanyugutulwa ku matwe giitu! Yayewe imwitu, bwo twâli kizi yifunda mu byaha!

Hezekyeri 26:16

Yabo batwali ba ku ngombe yeꞌnyaaja, ikyanya bagaabona ngiisi kwo mwashereezibwa, bagakanguka bweneene! Banalyoke ku bitumbi byabo byeꞌkyami, banakaturure ibyambalwa byabo byoꞌmulimbo, banayibwandalike haashi, iri banajuguma neꞌkyoba.

Hezekyeri 26:2

«E mwana woꞌmundu, abandu beꞌTiiro bagweti bagashekeereza akaaya keꞌYerusaleemu, mbu kundu abadandaza bâli kizi lenga mwo, haliko leero kashereezibwa. Banadete, mbu: “BweꞌYerusaleemu ikola biguuka, twe tukola tugaagala!”

Hezekyeri 5:5

Rurema Nahamwitu adetaga kwokuno: «Kwokwo, kwo bigaaba mu kaaya keꞌYerusaleemu. Yako kaaya, nâli kabiisiri mu kati keꞌbihugo bingi, byanâli kazungulusiri.

Balaawi 26:31

«Utwaya twinyu tuhamu, ngatujigiivya. Na ho mugweti mugayikumbira imigisi, ngahahindula libe ishamba. Na kundu mugakizi ndangira amatuulo goꞌkusiriiza, imishiiriri yago itaganzimiisa.

Balaawi 26:33

Ngamùshabulira mu mahanga. Na nyiji mùminika ku ngooti. Utwaya twinyu, tugahongolwa, halinde ikihugo kiinyu, kinasigale kimaata.

Sefaniya 2:15

Yako kaaya keꞌNinaawi, abandu bâli katuuziri mwo ku malega, na mu butoge. Bâli kizi deta, ti: «E balya, si twe tushubi sumbiri abandi bandu booshi!» Aaho! Kuti kuno ukolaga mushaka unakoli ba igomberano lyeꞌnyamiishwa! Ikyanya abandu bagakizi lenga yaho, bagakizi kuhonyoleza, iri banashagania amaboko, mu kukushekeereza.

Bwigule 18:7

Nga kwo kâli kizi yidundulika bweneene mu kanyabungaka keꞌbindu bingi, kwo na kwokwo kube kwo mugakayogogoza, iri munakajengeeza. Mu mutima gwako, kagweti kaganina kwokuno: “Niehe, nie mwami-kazi. Ngoli gangaziizi! Ndali namufwiri, ndanâye lire ku kimombo.”