Hosheya 9:10 - Kifuliiru

¹⁰ Nahano adetaga kwokuno: «Ikyanya nꞌgatee bona Abahisiraheeri, nanayiyuvwa nga mundu úwagwana imizabibu mwiꞌshamba. Bashokuluza biinyu, bâli riiri nga bitumbwe bya mbere byoꞌmutiini. Halikago, ikyanya bakahika i Baali-Pehoori, banayami tondeera ukuyikumba umuzimu Baali, kundu guli mu teezania ishoni. Buzira kutinda, banabihuuka, banaba babi, nga gulya mugisi gwo bâli kizi yikumba.

Hosheya 9:10 ပူးပေါင်းရင်းမြစ်များ

1 Baami 16:31

Birya byaha bya Yerobwamu mugala Nebati, anabibona kwo ndaabyo. Kwokwo, anayanga Yezebeeri umuluzi-nyere wa mwami Hetibaali waꞌBasidooni. Uyo Ahabu anatondeera ukukizi kolera umuzimu Baali, iri anaguyikumba.

2 Baami 17:11

Na ha katanda keꞌyo mizimu, banakizi yokera hoꞌmubadu. Kwokwo, kwo bâli kizi kulikira imigeeza yaꞌbandu bo Nahano akabayimulira, halinde banakizi raakaza Nahano bweneene.

Zaburi 115:8

Haliibwi! Iyo migisi, ngiisi ábali mu gitula, si bagishushiri nyene! Kiri na ábagibiisiri kwoꞌmulangaaliro, nabo kwo na kwokwo.

Zaburi 81:12

«Kundu kwokwo, abandu baani Abahisiraheeri batanandwaza, banalahira kwo batagakizi nzimbaha.

Lwimbo Lwija 3:6

«Aaho! Nyandagi uliira úgweti úgatunduuka mwiꞌshamba nga kyusi? Si agweti agahulusa umuhongolo mwija gweꞌmanemane, na gwoꞌmubadu, na gwaꞌgandi malaasi!

Hisaaya 28:4

Yako kaaya, kundu kâli limbiri nga lushembe úlukalukwa noꞌtwaso twija-twija, lwanâli teresirwi mu ndekeera íri mweꞌnagiira, haliko yutwo twaso tukola mu yumaguka. Yako kaaya kashushiini noꞌmutiini úgwakoma imbere lyeꞌkyanya. Ngiisi úli mu gubona, ali mu yami gutwa, anagulye.

Yeremiya 11:13

«E Bayuda, muloleekeze bwija. Imigisi yinyu iluguusiri bweneene, nga kwoꞌtwaya twinyu tuli. Na niinyu, e batuulaga beꞌYerusaleemu! Ututanda twoꞌkuyokera kwoꞌmuzimu Baali umubadu, tuluguusiri, nga kweꞌnjira ziinyu ziri.

Yeremiya 24:2

Mu kitiri kya mbere, mwâli riiri imitiini miija ngana-ngana. Si mu kyabo, mwâli riiri imitiini íkoli boziri, halinde abandu batangaki gilya.

Yeremiya 3:24

«Gulya muzimu Baali, ukulyokeraga ubwanuke bwitu, bashokuluza biitu bâli kizi gutangira ibibuzi neꞌngaavu. Banakizi gutangira kiri naꞌbaana baabo boꞌbutabana na boꞌbunyere. Kwokwo, kweꞌmisi yabo, bâli kizi gifwisa ubusha, mu kukizi hoza Baali.

Yeremiya 3:25

«Ku yukwo, bikwiriiri ishoni zituyizingage kwo, zinatudeedeke haashi. Mukuba, tweshi na bashokuluza biitu, twâli kizi gira ikyaha imbere lya Rurema Nahamwitu. Ukulyokera ubwanuke bwitu halinde buno, ndaaye úkamúsimbaha.»

Yeremiya 31:2

Nahano adetaga kwokuno: «Yabo Bahisiraheeri, ngiisi ábakafuuka ulufu mwiꞌshamba, ngababonera ulukogo, na mbaluhuule.

Yeremiya 5:31

Abaleevi bagweti bagatanga ubuleevi bweꞌkinyoma. Kiri naꞌbagingi bakola mu kizi yihahalira boonyene naaho. Aahabi! Amabi mwene yago, abandu baani bakoli bwini kwo go gakwaniini. Halikago, ku kyanya kyeꞌmberuuka, kutagi bâye gire?»

Hezekyeri 20:8

«Kundu kwokwo, batanandwaza, si bâli kizi huna imbere lyani. Iyo migisi, kundu yâli riiri kyagaza, bâli kizi gikundirira. Ndaaye kiri noꞌmuguma wabo úkagitwikira kwo, batanagihebuura. Ku yukwo, nanashungika kwo ngabahaniiriza ku buraakari bwani, ku kyanya bâli ki riiri iyo munda i Miisiri.

Hosheya 11:1

«Hisiraheeri, ikyanya âli ki riiri mwana mwanuke, nâli múkuuziri bweneene. Umwana wani, nꞌgamúhamagala kwo alyokage i Miisiri.

Hosheya 13:5

Ikyanya mwâli riiri mwiꞌshamba, lyâli yumuusiri, halinde abandu banakizi nyooterwa. Kundu kwokwo, nâli kizi mùkuya-kuya bweneene.

Hosheya 2:15

Uyo mukazi, ngola ngamúhaniiriza. Mukuba, âli kizi yokera imigisi yoꞌmuzimu Baali umubadu. Anakizi yilimbiisa neꞌmbete, noꞌbuhembe, anatibitire imunda balya bakundwa baage. Si niehe, anayami nyibagira lwoshi-lwoshi!» Kwokwo, kwo Nahano adesiri!

Hosheya 4:14

Kundu kwokwo, yabo banyere biinyu na bali-kazi biinyu, ndagabahana hiꞌgulu lyoꞌbushule. Mukuba, kiri naꞌbagingi bagweti bagaagira mwene byebyo byaha byoꞌkushulehana. Bali mu kizi yibiika ku yabo bashule, banagendi tangira imizimu amatuulo mu mbeero. Yayewe! Abandu, ku kyanya bakoli kubisirwi, iri ulwabo, keera lwamala!

Hosheya 4:18

Yabo beene Hifurahimu, ikyanya bali mu ba keera bayusa ukunywa amaavu gaabo, banayami gendi yifunda mu bushule. Emwe! Basiimiri íbyangabateeza ishoni naaho.

Hamoosi 4:5

Muyokye imikate íri mweꞌsaama, libaagage ituulo lyoꞌkudeta kongwa. Ha nyuma, munatangage agandi matuulo goꞌbulooze bwinyu, lyo mulonga ubulyo bwoꞌkukizi yikangaata hiꞌgulu lyago imbere lyaꞌbandu! Mukuba kwokwo, kwo muloziizi ukukizi gira. Kwokwo, kwo nie Rurema Nahamwinyu ndesiri.

Mika 7:1

Yayewe imwani! Ngola nga mundu úwagenda ha nyuma lyaꞌbimbuzi iri anashondooza imisigala, haliko, anabonaga ndaayo íki sigiiri. Ndaagwo mutiini gwo nangalya, mbu njaluuke. Kiri neꞌbitumbwe byeꞌmizabibu, ndaabyo bikiri ho.

Muharuuro 15:39

«Iyo minaganizo, ikyanya mugagibona, mugakizi kengeera imaaja zooshi za Nahano. Mukizi zisimbaha, buzira kukizi yifwija íbibishirwi mu mitima yinyu mwenyene, kandi iri mu masu giinyu.

Muharuuro 18:13

Ngiisi mimbu yabo yo bagakizi ndomoza, igakizi ba yeꞌmwawe. Yizo mbuto, ngiisi mundu wa mu mbaga yawe útayulubiiri angakizi zilya kwo.

Barumi 6:21

Aahago! Bunguke buki bwo mwâli kizi longa mu kuyifunda mu byaha? Si ndaabwo! Biri mu ba naaho bya kuleetera abandu ulufu! Na buno, birya byaha byo mwâli kizi gira, bikola mu mùteeza ishoni!

Bukengeeze 32:10

«Nahano akagwana abandu baage mwiꞌshamba, ahandu imirunga yâli kizi mokera. Anakizi baliisa, noꞌkukizi bayigiriza. Anakizi bakingira nga mboni yiꞌsu.

Bukengeeze 32:17

Bâli kizi tangira imizimu amatuulo goꞌkusiriiza, itanali ye Rurema. Si iri migisi yo batashubi yiji. Yâli riiri mihyahya, ítayijikiini. Kiri na bashokuluza baabo, batakagimenya.

Bukengeeze 4:3

«Mwenyene keera mukayibonera ngiisi kwo Nahano akagirira umuzimu Baali-Pehoori. Mu kati kiinyu, ngiisi ábakaguyikumba, Nahano, Rurema winyu akayami baminika.

Batwi beꞌmaaja 6:32

Ukulyokera ku yulwo lusiku, banayinika Gidyoni iziina Yurubaali, (kuli kudeta: leka ulya Baali ayibulanire). Mukuba, Gidyoni, ye kagendi hongola akatanda kaage.