Hosheya 7:9 - Kifuliiru

⁹ Ibinyamahanga keera bikamúmala imisi, bátanamenya. Yabo Bahisiraheeri, invwi keera zakwiraga itwe lyoshi, keera banaluha bweneene! Kundu kwokwo, batali noꞌmwazi.

Hosheya 7:9 ပူးပေါင်းရင်းမြစ်များ

2 Baami 13:22

Ku kyanya Yohaazi âli twaziri, mwami Hazaheeri weꞌHaraamu âli kizi libuza Abahisiraheeri bweneene.

2 Baami 15:19

Kwokwo, mwami Puuli weꞌHasuriya anateeraga ikihugo kyeꞌHisiraheeri, kyanatuma uyo Menahemu agamúheereza ibilo bihumbi makumi gashatu byeꞌharija, gira amútabaale. Mukuba, Menahemu âli loziizi ukusikamya ubwami bwage.

Migani 23:35

Ugakizi deta: «Kundu bambimbula, si ndakomeereka! Bananvuta-nvuta, si ndaabyo bihimbo! Aahago! Ngavyuka kihe kiki, gira ngendi looza ikindi kinywebwa?»

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Hisaaya 48:8

Kundu kwokwo, mutazindi nyuvwa, kandi iri kusobanukirwa. Kiri na yaho keera, mutâli kizi ndega amatwiri. Nduula nimùyiji, kwo mulyagagi ngulani. Ukulyokera ho mukabutirwa, muyamiri mugweti mugaahuna naaho.

Hisaaya 57:1

Abandu ábakwaniini imbere lya Rurema, ikyanya bali mu fwa, abandu batakiri mu yitoneesa hiꞌgulu lyabo. Ndaanaye úsobanukiirwi kwo bakafwa, lyo batayiji libuuka.

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Hosheya 8:7

«Yabo bandu, bakabyala imbuusi. Si mu kuyimbula, bagakizi yimbula ikihuhuuta! Imbuto zeꞌngano, kundu zigweti zigakizi mera mu ndalo, halikago, ndaayo mihuli igakizi bitongeka kwo. Na kundu yangatongesiri kweꞌmbuto, si ibinyamahanga byo bigakizi zirya.