Hosheya 7:7 - Kifuliiru

⁷ Yabo booshi, ikyanya baki duusiri nga fuuru, bali mu yami zimiiza abatwali baabo. Bali mu yita abaami baabo booshi, muguma-muguma. Kundu kwokwo, ndaaye kiri noꞌmuguma wabo úli mu mbuuna ubutabaazi.»

Hosheya 7:7 ပူးပေါင်းရင်းမြစ်များ

1 Baami 15:28

Anayimikwa ahandu haage. Ikyanya yibyo bikakoleka, Hasa weꞌBuyuda âli koli hisiizi imyaka ishatu atwaziri.

1 Baami 16:18

Ikyanya Zimuri akabona kwaꞌkaaya kaage keera kagwatwa imbira, anayami yityombeeza mu kajumiro, anakaduulika kwoꞌmuliro, anasingookera mwo.

1 Baami 16:22

Iri hakatama, abandu ábakayibiika ku uyo Homuri, banalonga imisi ukuhima balya ábakayibiika ku Tibuni. Kwokwo, Tibuni anafwa, banayimika Homuri kwo abe ye mwami.

2 Baami 10:14

Yehu anayami kyula, ti: «Mubabirigishe!» Kwokwo, banagwata abandu makumi gana na babiri, banabayitira hoofi lyeꞌkirigo Ishumbi yaꞌBangere. Ndaaye úkasigala, kiri noꞌmuguma.

2 Baami 10:7

Galya maruba, iri gakahika, yabo bakulu banasingula yabo baluzi amatwe, kwo bâli riiri makumi galinda. Yago matwe, banagahamba mu bitiri, indumwa yanagatwalira Yehu iyo munda i Yezereheri.

2 Baami 15:10

Ulya Zakariya, Salumu mugala Yabeeshi, anagira igambi libi hiꞌgulu lyage, anamúteera ha bweruula, anamúyita, anayima ahandu haage.

2 Baami 15:14

Ha nyuma, Menahemu mugala Gaadi, analyoka i Tiriza, anagenda i Samariya. Uyo Menahemu anayiji teera Salumu, anamúyita, anayima ahandu haage.

2 Baami 15:25

Umukulu muguma waꞌbasirikaani baage, Peka mugala Remalya, anagira igambi libi hiꞌgulu lyage. Anayabiira abandu makumi gataanu beꞌGiryadi, banayita Pekaya, kuguma na Harigobu na Hariyeha, mu kisiika kyaꞌkajumiro i Samariya. Ikyanya Peka akaba keera amúyita, anayima ahandu haage.

2 Baami 15:30

Ikyanya mwami Yotamu mugala Huziya akahisa imyaka makumi gabiri atwaziri i Buyuda, lyo Hosheya mugala Hela akahuna imbere lya Peka mugala Remalya, anamúyita. Neꞌri akaba keera amúyita, anayima ahandu haage.

2 Baami 9:24

Uyo Yehu anayami yabiira umuheto gwage, analasha imyambi, yanayingira Yoramu mu lusheeshe, yanamúbera umutima, anayami fwa haaho-haaho mwiꞌgaare lyage.

2 Baami 9:33

Ulya Yehu anababwira: «Mumútibulire haashi.» Haaho, banayami mútibula. Umuko gwage gwanashamukira ku luzitiro, kiri na ku fwarasi. Yehu anahinyata-hinyata ikirunda kyage neꞌfwarasi.

Hayubu 36:13

Yabo banangora-mabi, bali mu bona Rurema buligo. Kiri neꞌkyanya ali mu bahana, batali mu mútabaaza.

Zaburi 14:4

Rurema abuuza: «Balya banangora-mabi, ka batâye sobanukirwe? Si batali mu ndabaaza, banali mu janganula abandu baani, nga bagweti bagavwajagira ibyokulya.»

Hisaaya 43:22

«E Bahisiraheeri, beene Yakobo! Si mutali mu ndabaaza! Yoho wee! Keera mukannenuuka!

Hisaaya 64:4

Ikyanya bali mu ba bafitiirwi ku bikwaniini, uli mu batabaala. Mukuba, bali mu ba bakengiiri ngiisi kwo bangatuula imbere lyawe. Haliko, ikyanya tukakuhubira, wanaturakarira. Buno, keera twamala isiku nyingi, tuli mu huna imbere lyawe. Aaho! Kutagi kwo twangaki kiziibwi?

Hisaaya 64:6

Mu kati kiitu, ndaaye úgweti úgahuuna kwiꞌziina lyawe. Ndaanaye uli mu kebukwa, mbu akuhuune ulukogo. Si keera watuhindulira ingoto, wanalekaga ibyaha biitu bitushereeze!

Hisaaya 64:7

Kundu kwokwo, e Nahano! Si we Daata! Tuli ngiꞌbumba. Naawe uli mubuuvi. Tweshi, we katulema naꞌmaboko gaawe.

Hisaaya 9:13

Kwokwo, Nahano agasingula Abahisiraheeri itwe noꞌmukira. Ee! Lusiku luguma naaho, agaatema itavi lyeꞌkigazi, kuguma na lyeꞌkibingu.

Hezekyeri 22:30

«Nâli kizi looza umundu úgayubakulula inzitiro. Neꞌkyanya angagwana áhahongosiri, anatee yimanga haaho, gira ndayiji kengeera nashereeza ikihugo. Haliko, ndaaye nꞌgabona.

Danyeri 9:13

Nga kwo biri biyandike mu maaja za Musa, kwo na kwokwo ukatuhaniriza. Kundu kwokwo, e Rurema Nahamwitu, tutazi twikira ku byaha biitu, tutanazi kuhuuna ulukogo.

Hosheya 13:10

Aahago! Mwami winyu ali hayi? Lekagi, abe ye gayiji mùkiza! Mu kihugo kiinyu, abatwali biinyu bali hayi? Si mwenyene mukambuuna bo, ti: “Utuheerezagye mwami kuguma naꞌbatwali biitu.

Hosheya 5:15

«Ha nyuma, ngagalukira ahandu haani, na mbeere haaho, halinde ku kyanya bagayaga kwo balyagagi banabuhube, banandooze. Ee! Ikyanya bagalonga amalibu, bagayami ndooza.»

Hosheya 7:10

Bwo bagweti bagayikangaata bweneene, bakola bagaalegwa. Kundu kwokwo, batagweti bagangalukira. Batanagweti bagaagira, mbu banjakule.

Hosheya 7:14

«Kundu bagweti bagandirira, halikago kuli mu ba naaho ku bulyalya. Si bagweti bagayibulaga-bulaga ku ngingo zaabo. Banali mu yikera-kera, mu kuhuuna imizimu yeꞌmahanga kwo balonge ingano neꞌdivaayi. Banaki genderiiri ukundahira.

Hosheya 8:4

«Yabo bandu, si bâli kizi yiyimikira abaami, buzira kumbanuusa! Banatoolaga naꞌbatwali, buzira kummenyeesa. Bagweti bagakizi tula imigisi mu harija, na mu nooro, kyo kitumiri bagashereezibwa.

Mika 2:1

Yayewe imwinyu, mwe mugwejiiri ku ngingo, iri munashungika kwo mugaakola ibitalaalwe. Yibyo bitalaalwe, bwo muhiitagi ubulyo bwoꞌkubigira, muli mu zinduka ku mutwezi, gira mugendi bikoleesa.