Hosheya 7:11 - Kifuliiru

¹¹ «Beene Hifurahimu balyagagi nga ngunde íri mu hendwa duba-duba. Bali mu tee tabaaza abandu beꞌMiisiri. Ha nyuma, banabuli gendi tabaaza abeꞌHasuriya.

Hosheya 7:11 ပူးပေါင်းရင်းမြစ်များ

2 Baami 15:19

Kwokwo, mwami Puuli weꞌHasuriya anateeraga ikihugo kyeꞌHisiraheeri, kyanatuma uyo Menahemu agamúheereza ibilo bihumbi makumi gashatu byeꞌharija, gira amútabaale. Mukuba, Menahemu âli loziizi ukusikamya ubwami bwage.

2 Baami 16:7

Ulya Ahaazi anatuma indumwa imwa mwami Tigilati-Pireseeri weꞌHasuriya, ti: «Uli nahamwitu, naani ndi mukozi wawe. Buno mwami weꞌHaraamu, na mwami waꞌBahisiraheeri, bayiji ndeera. Kwokwo, uyiji ngiza mu maboko gaabo.»

Migani 15:32

Umundu, ikyanya ali mu longa ikihano, anakigayirize, ali mu ba ayigayiriza yenyene. Si ngiisi úli mu yemeera ukuhanuulwa, ali mu longa ukusobanukirwa.

Migani 17:16

Umuhwija, kundu bangamúfumbasa ifwaranga mbu agendi gula ubwitegeereze, ka angagenduukirwa? Si yehe yenyene, ataloziizi ukubulonga.

Migani 6:32

Kiri noꞌmushosi úgweti úgasambana muka uwabo, naye ndaabwo bwenge ahiiti! Si ali mu yishereeza yenyene!

Yeremiya 2:18

Si keera mukagendi nywana naꞌBamiisiri! Aahago! Ikyanya mukagendi nywa ku magoloovi goꞌlwiji Niire, ka hali byo mukayunguka? Na kwakundi, ikyanya mukagendi nywana naꞌBahasuriya, mbu mugendi nywa ku magoloovi goꞌlwiji Hefuraati, biki byo mukayunguka?

Yeremiya 2:36

«Kutagi muli mu hindula-hindula imitono? Aahago! Kiri naꞌBamiisiri bagamùteeza ishoni, nga kwaꞌBahasuriya keera bakamùteeza zo.

Hosheya 11:11

Na kwakundi, bagalyoka neꞌMiisiri, bakoli jugumiri nga tunyuni. Banalyokage mu kihugo kyeꞌHasuriya, bali nga ngunde. Ngashubi bagalulira mu kihugo kyabo.» Kwokwo, kwo Nahano adesiri.

Hosheya 12:1

Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.

Hosheya 12:2

Emwe! Yabo beene Hifurahimu, bali mu shiiba bagweti bagalandiriza imbuusi ukulyoka isheere. Bagweti bagakizi deteereza ibinyoma, iri banayitana. Banagweti baganywana ikihango naꞌBahasuriya. Banagweti bagalungika amavuta geꞌmizehituuni i Miisiri, lyo balonga yoꞌbutabaazi.

Hosheya 14:3

Neꞌkyanya mugamúgalukira, mumúhuune ulukogo, mu kumúbwira: «Utukogage amabi giitu gooshi, unatuyakiire ku lukogo lwawe. Kwokwo, lyo tugakuyivuga ku mitima yitu yoshi.

Hosheya 4:11

Ubushule neꞌndalwe, keera byakubika amenge gaabo.»

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Hosheya 5:13

«Beene Hifurahimu naꞌBayuda, ikyanya bakabona ngiisi kwo balwaziri, banagendi tabaaza mwami mukulu weꞌHasuriya. Halikago, uyo Mwami atanahasha ukubabuka, atanabakiza.

Hosheya 5:4

Abahisiraheeri, ngiisi byo bagweti bagayidulumbika mwo, bitangabazigira kwo bashubi galukira Rurema. Mukuba, mu mitima yabo mukoli yamiri naaho zeezo nzaliro, batanaki yiji Nahano.

Hosheya 8:13

Abahisiraheeri basiimiri naaho ukubaaga amatuulo geꞌbitugwa, gira lyo bakizi lya inyama. Haliko, imwani yago matuulo gaabo galyagagi ga busha. Bwo bâli gweti bagakizi yifunda mu mabi bweneene, ngakizi gakengeera, na mbahanirize, mu kushubi bagalulira i Miisiri.

Hosheya 9:3

Mutagaki hanguulwa ukubeera hano mu kihugo kya Nahano, si mugagalukiraga i Miisiri. Kiri na mu kihugo kyaꞌBahasuriya, mugakizi lya íbitaluke naaho.

Hosheya 9:6

Kundu mwangakira Abahasuriya, haliko ikihugo kyeꞌMiisiri kigaki mùhima. Ee! I Mefiisi, yo munda mweshi mugaziikirwa. Kundu mushubi hiiti ibindu byeꞌkishingo, halikago ikishuka kigabimera mwo. Kiri neꞌnyumba ziinyu, zigayijula mweꞌmigenge.

Hobadiya 1:7

Abaami bo mushuba mu kizi tabaalanwa keera bamùhinduka, banamùyimula mu kihugo, kinali kyeꞌmwinyu. Bagweti bagamùhenduula, iri banamùvindagaza. Kundu mushuba mu lyanwa akaholo naꞌkaduutu, si keera bakamùtega imitego, mutanamenya.

Mataayo 10:16

«Lolagi! Namùtuma nga bibuzi mu mirunga. Ku yukwo, mukizi ba benge nga mujoka, munabe batuudu nga mahumba.