Hosheya 6:2 - Kifuliiru

² «Ha nyuma lyeꞌsiku zibiri, agatuvyula tushubi ba bagumaana. Neꞌri bwangakya, agashubi tugira ngiisi kwo twâli riiri, gira tulonge ukuramba imbere lyage.

Hosheya 6:2 ပူးပေါင်းရင်းမြစ်များ

Ndondeko 17:18

Anadeta: «E Nahano, nga byangaziga, Hishimaheeri abe ye yamiri agashaniirwi.»

2 Baami 20:5

«Galuka! Ubwire Hezekiya, ikirongoozi kyaꞌbandu baani kwokuno: “Nie Nahano Rurema wa shokuluza wawe Dahudi, nadeta: Amahuuno gaawe, keera nagayuvwa, nanabona neꞌmigenge yawe. Ku yukwo, ngakukiza. Ha nyuma lyeꞌsiku zishatu, ugagenda mu nyumba ya Nahano.

Zaburi 61:7

E Rurema, ubulamu bwa mwami, ubuyushuulage kweꞌsiku nyingi. Imyaka yage ihike ku bibusi bingi.

Zaburi 71:20

Kundu ukanyingiza mu makuba mingi-mingi, haliko, ugaki shubi nvyula, na njubi ba mugumaana. Ee ma! Ikyanya nâli kola bu fwa, wanashubi nyinamula.

Mwigiriza 3:3

Hali ikyanya kyoꞌkuyita, na kyoꞌkukiza. Hali ikyanya kyoꞌkuhongola, na kyoꞌkuyubakulula.

Hisaaya 26:19

Abandu baawe, kundu bakoli fwiri, haliko bagashubi zuuka, banabe bagumaana. E birunda, kundu mukiri mu kuzimu, muzuukage, munabande akabuuli. Kundu indara ikiri mu mùbwikira, haliko iri mu yerekana kwo hagaaba ulusiku luhyahya. Abafwiri bagalonga ukuzuuka bakola bagumaana.

Hisaaya 30:26

Umwezi gugakizi yaka bweneene ngiꞌzuuba. Niꞌzuuba nalyo, umulengeerwe gwalyo, gugakizi yaka ubugira kalinda, ukuhima izindi siku. Kwokwo kwo bigaaba, ku kyanya Nahano agakizi lunga inguma zaꞌbandu baage. Kundu âli kizi bamotola, haliko agaki baholeeza.

Hosheya 13:14

Yabo bandu, ka ngwiriiri nyiji bakiza mu shinda? Ka mbakize na Narufu? Nanga, maashi! E Narufu! Uleetage ikiija! Na naawe, e Nakuzimu! Uyiji bashereeza! Ee! Ndagaki babonera kandi ulukogo!»

Hosheya 7:2

Yabo bandu batayiji kwo ngweti ngabalangiiza. Si ibyaha byabo, bikoli bazungulusiri. Ee ma! Ngiisi byo bagweti bagaagira, ngoli bibwinagi.»

Yohana 14:19

Ha nyuma hiniini, ábali mu kihugo batagaki mbona. Haliko mwehe, mugakizi mbona. Na bwo ndi mulamu, kyo kitumiri na niinyu mugaalama.

Barumi 14:8

Iri twangaba tuli ho, tuli ho hiꞌgulu lya Nahano. Neꞌri twangafwa, tugaafwa hiꞌgulu lyage. Ku yukwo, tuba ho, kandi iri tufwa, tuli mu ba bandu ba Nahano.

1 Bakorindo 15:4

Anaziikwa. Halikago, ku lusiku úlugira izishatu, anazuuka. Bikaba nga kwo biyandisirwi mu Mandiko Meeru.