Hosheya 5:9 - Kifuliiru

⁹ «E beene Hifurahimu, ulusiku ngamùhaniiriza mwe milala yaꞌBahisiraheeri, lyo mugayibonera kwo. Ndaakwo kundi!

Hosheya 5:9 ပူးပေါင်းရင်းမြစ်များ

Hayubu 12:14

Ngiisi byo Rurema ali mu hongola, ndaaye úwangashubi biyubakulula. Neꞌri angalasha umundu mu mbohe, ndaaye úwanga múshwekuuza.

Hisaaya 37:3

Banagendi múbwira kwokuno: «Mwami Hezekiya adeta: “Zeene, lukola lusiku lwoꞌkushenguka. Keera twatukwa, twanagayirizibwa. Tukolaga nga mukazi úwahika ku lusiku lwoꞌkubuta umwana, haliko imisi yoꞌkumúbuta, ndaakiyo!

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Hisaaya 48:3

Yaho kare, nâli mali gwanwa namùmenyeesa íbigakoleka. Ha nyuma, nanatondeera ukubikwiza, byanabuli kizi koleka.

Hisaaya 48:5

Yaga magambo, nꞌgagwanwa namùmenyeesa go, gátazi koleka. Kwokwo lyo mutalonge ukuyiji deta: “Yaga gooshi, imigisi yani, ye gweti igagagira. Irya migisi yani yo nꞌgabaaja mu biti, neꞌgindi yo nꞌgatula mu byuma, yo ikagashungika.”

Hisaaya 7:16

Buno, uki yobohiri mwami weꞌHaraamu, na weꞌHisiraheeri. Halikago, ikyanya uyo mwana agaaba akola mutabana woꞌkulahira amabi, anatoole amiija, yibyo bihugo byombi bigaaba bikola mushaka.

Hosheya 5:12

Ku yukwo, beene Hifurahimu, ngabashereeza nga kulya akashwa kali mu shereeza imirondo. Abayuda nabo, bagabungwa nga mbahwa nzibule.

Hosheya 5:14

«Niehe ngateera beene Hifurahimu naꞌBayuda, nga ndare. Ngaaba nga ndare mbamu, inalyagagi ndangi. Ngabajanganula-janganula, na mbatwale ngiisi ho ndoziizi. Ndaanaye úgayiji bafuusa.»

Hosheya 7:12

Aahago! Ikyanya bagaaba baki gweti bagagenda yo, ngayami batega noꞌlushenga, na mbashungululire haashi nga tunyuni twa mu kyanyaanya. Na bwo bagweti bagaagira amabi, ngayami bahaniiriza.

Hosheya 8:8

Abahisiraheeri keera bamirwa. Banakoli kabuliirwi mu mahanga, nga kirugu íkitakiri mu koleesibwa.

Hosheya 9:7

E Bahisiraheeri! Isiku zo mugaahanwa kwo, keera zahikaga. Kikola kyanya kyoꞌkuyihoola ibyaha biinyu. Yizo siku, mwe Bahisiraheeri mukwiriiri muzimenye bwija! Bweꞌbyaha biinyu bikoli luguusiri, munakoli shombiini bweneene, kyo kitumiri mugweti mugaadeta kwokuno: «Si abaleevi bakoli sirehiri! Abakozi ba Rurema, bakola mu deta íbitali nga byo!»

Hamoosi 3:7

Ku kasiisa, Rurema Nahamwitu atangagira igambo lyoshi, átazi menyeesa abakozi baage, abaleevi.

Hamoosi 7:17

Kundu kwokwo, Nahano adetaga kwokuno: “Mu kaakano kaaya, mukaawe agakizi gira mwoꞌbushule. Bagala baawe na banyere baawe, nabo bagayitwa ku ngooti. Kiri naꞌmatongo gaawe, bagaganyaga, banagagabulire abandi. Na wenyene, ugagendi fwira ku mbinga. Abahisiraheeri, ku kasiisa bagatwalwa imbohe, hala neꞌkihugo kyabo.”»

Hamoosi 7:9

Ha yizo mbeero zeꞌmizimu, heꞌkibusi kya Hisake bali kizi gendi yikumba ku marango, ngazishereeza lwoshi-lwoshi. Kiri neꞌnyumba zaabo ndaluule, nazo ngazihongola. Ee ma! Imbaga yoshi ya mwami Yerobwamu, ikolaga igaminikwa.»

Mika 6:13

Bwo mukoli yifuuziri mu byaha, ngamùhombeesa, nꞌgabuli mùshereeza.

Zakariya 1:6

«Ikyanya nꞌgagwanwa nakengula yabo bashokuluza biinyu ku bigaki yiji ba, byoshi byanakoleka, nga ngiisi kwo nꞌgababwira. Kyanatuma bagatwikira ku ngesho zaabo mbi, banadeta: “Ala twe! Ngiisi kwo Nahano akagwanwa atukengula, kwo byanakoleka. Keera akatuhana, ukukulikirana neꞌngesho ziitu mbi.”»

Yohana 16:4

Nagwanwa namùbwira kwokwo, gira mango bikoleka, mukakengeere kwo nâli mali gwanwa namùkengula hiꞌgulu lyabyo. «Yaga magambo, ndakamùbwira go ku ndondeko, bwo nâli ki riiri kuguma na niinyu.