Hosheya 5:6 - Kifuliiru

⁶ Bagweti bagakizi sholera ibitugwa byabo, banagendi bitanga ituulo imwa Nahano. Kundu kwokwo, batali mu múbona, bwo keera akabayiyogookola.

Hosheya 5:6 ပူးပေါင်းရင်းမြစ်များ

Kulyoka 10:9

Musa anamúshuvya: «Tugagenda tweshi, imisore naꞌbashaaja, naꞌbaana biitu, abanyere naꞌbatabana. Tunagende neꞌbitugwa biitu, imbene, neꞌngaavu. Mukuba, tukwaniini tugirire Nahano ulusiku lukulu.»

Migani 1:28

Ku yikyo kyanya, mugakizi mbamagala, ndaganamùyitaba. Na kundu mugakizi ndooza, haliko mutagambona.

Migani 15:8

Amatuulo ga banangora-mabi, Nahano agashombiri. Si amahuuno gaꞌbandu ábatungiini, gali mu músimiisa.

Migani 21:27

Banangora-mabi, ituulo lyabo liri kyagaza, neꞌngingwe, ku kyanya liri mu tangwa neꞌshungi mbi!

Lwimbo Lwija 5:6

Ikyanya nꞌgamúyigulira, atâli ki riiri ho! Nanamúshakula-shakula, shoobe! Na kundu nâli kizi múhamagala, haliko, atananyakula. Umutima gwani gutanaki yika mu nda.

Hisaaya 66:3

«Si balya babi boohe, ikyanya bali mu ndangira ituulo lyeꞌngaavu, lyo bali mu ba ngoꞌmundu úwayitana. Neꞌkyanya bali mu ndangira ituulo lyeꞌbibuzi, lyo bali mu ba nga úwasingula akabwa igosi. Ikyanya bali mu ndangira ituulo lyoꞌmushyano, bali mu ba nga bayiji mbeereza umuko gweꞌngulube. Neꞌkyanya bali mu nyokera umubadu, bali mu ba nga bali mu yikumba imigisi. Yaba bandu bakola mu yifunda mu ngiisi byo baloziizi. Imitima yabo ikuuziri ukuyilala mu bitali nga byo.

Yeremiya 11:11

«Ku yukwo, nie Nahano nadetaga kwo ngola ngashereeza Abayuda. Mu kati kaabo, ndaanaye úgafuushuka. Na kundu bagandakira, halikago ndagabatwaza.

Yeremiya 11:14

«Kwokwo, e Yeremiya! Yabo bandu, utakizi bahuunira imwani, utanakizi balirira. Si kundu bangagoorwa, banandakire, halikago ndangabayuvwa.»

Yeremiya 14:12

Na kundu boonyene bangayishalisa, ndagaki yuvwa amahuuno gaabo. Kundu bangandangira amatuulo goꞌkusiriiza, kiri naꞌgandi matuulo, ndagaki gayakiira. Si ngabaminika ku ngooti, na kwiꞌshali, na ku kiija.»

Yeremiya 7:4

Mutanahendwe naꞌmagambo gaꞌbandu bagweti bagakizi deta, mbu: Ino Nyumba ya Nahano, iri yeꞌmwage yenyene! Iri yeꞌmwage. Ee! Iryagagi ya Nahano!

Kimombo 3:44

Uki bishamiragi mu kibungu, mbu utayuvwe amahuuno giitu.

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Hezekyeri 8:6

Nahano anashubi mbwira: «E mwana woꞌmundu, ka ubwini ngiisi byo bagweti bagaagira? Bino byagaza byaꞌBahisiraheeri, si byo biganyimuliisa mu nyumba yani! Kundu kwokwo, uganaki bona agandi mabi goꞌkuyagazania ukuhima yaga.»

Hosheya 8:13

Abahisiraheeri basiimiri naaho ukubaaga amatuulo geꞌbitugwa, gira lyo bakizi lya inyama. Haliko, imwani yago matuulo gaabo galyagagi ga busha. Bwo bâli gweti bagakizi yifunda mu mabi bweneene, ngakizi gakengeera, na mbahanirize, mu kushubi bagalulira i Miisiri.

Hamoosi 8:12

Yago magambo, abandu bagakizi gendi galooza, bagalyoka ku nyaaja nguma, halinde ku yabo! Banalyoke imbembe, halinde isheere, bataganalonga.

Mika 3:4

Aahabi! Mugweti mugakizi takira Nahano, gira amùtabaale. Kundu kwokwo, atagamùyakula. Bwo mwâli kizi gira ibitalaalwe, akolaga agamùbisha amalanga gaage!

Malaki 1:10

«Nangaloziizi bweneene, kwo muguma winyu angayigiiri inyiivi zeꞌnyumba ya Rurema. Kwokwo, lyo yago matuulo mazira kamaro, mutalonge ubulyo bwoꞌkukizi gayakiriza umuliro ku katanda. Haliko mwehe, ndaki siimiri ukumùbona. Kiri naꞌmatuulo go mugweti mugandangira, nago, ndagagayakiira. Kwokwo, kwo nie Nahano woꞌbushobozi bwoshi, ndesiri.

Luka 5:16

Kyanatuma Yesu agakizi bayongoloka, anagende áhayiheriiri, gira agendi huunira ho Rurema.

Yohana 7:34

Kundu muganjakula, haliko mutagaki mbona. Ee! Ngiisi ho ngaaba, bitagamùzigira kwo muhike ho.»