Hosheya 5:4 - Kifuliiru

⁴ Abahisiraheeri, ngiisi byo bagweti bagayidulumbika mwo, bitangabazigira kwo bashubi galukira Rurema. Mukuba, mu mitima yabo mukoli yamiri naaho zeezo nzaliro, batanaki yiji Nahano.

Hosheya 5:4 ပူးပေါင်းရင်းမြစ်များ

Zaburi 78:8

Batanabe balangi, nga bashokuluza baabo. Mukuba, boohe bâli kizi huna. Imitima yabo itâli tungiini imbere lya Rurema, batanâli kizi ba bemeera imbere lyage.

Zaburi 9:10

Ngiisi ábali mu gayirizibwa, Nahano ye butibitiro bwabo. Ku kyanya kyaꞌmakuba, ye bali mu yibisha mwo.

Yeremiya 24:7

Ngababiika mweꞌkyedu kyoꞌkumenya kwo nie Nahamwabo. Bagangalukira lwoshi, banabe bandu baani. Naani, na mbe ndi Rurema wabo.

Yeremiya 50:38

Zeezo ngooti, zikizi teera invula ihangame, halinde amiiji gaamwo gakame. Ikihugo kyeꞌBabeeri, si kiyijwiri mweꞌmigisi! Iyo migisi ikola mu teera abandu ikyoba bweneene, halinde banabe nga basire.

Yeremiya 9:24

Nahano ashubi detaga kwokuno: «Mu siku ízigayija, kundu abandu bangaba batengwirwi ku magala, ngabahana ngana. Kuli kudeta,

Yeremiya 9:6

Nahano woꞌbushobozi bwoshi ashubi detaga kwokuno: «Yabo Bayuda, ngola ngabagera, nga kwo bali mu leeza ikyuma mu muliro. Ndaakwo kundi nangabagirira, bwo bakoli yifuuziri mu byaha.

Hosheya 13:13

Bakoli gweti bagalyanirwa, nga mukazi úkola mu liibwa noꞌmukero. Banali kandi nga mwana muhwija. Uyo mwana, si ikyanya kyoꞌkubutwa ali mu lahira ukuhuluka mu nda ya nyina!

Hosheya 4:1

E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Hosheya 4:11

Ubushule neꞌndalwe, keera byakubika amenge gaabo.»

Hosheya 4:12

«Abandu baani bagweti bagahanuusa umugisi gweꞌkiti, bali mu loogeza ishuvyo mu ngoni. Bakoli ba bashule, bwo keera bakayihandula ku Rurema wabo, banatibitira mu biri mu yikumbwa.

Hosheya 4:14

Kundu kwokwo, yabo banyere biinyu na bali-kazi biinyu, ndagabahana hiꞌgulu lyoꞌbushule. Mukuba, kiri naꞌbagingi bagweti bagaagira mwene byebyo byaha byoꞌkushulehana. Bali mu kizi yibiika ku yabo bashule, banagendi tangira imizimu amatuulo mu mbeero. Yayewe! Abandu, ku kyanya bakoli kubisirwi, iri ulwabo, keera lwamala!

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Hosheya 7:11

«Beene Hifurahimu balyagagi nga ngunde íri mu hendwa duba-duba. Bali mu tee tabaaza abandu beꞌMiisiri. Ha nyuma, banabuli gendi tabaaza abeꞌHasuriya.

Hosheya 8:11

«Beene Hifurahimu bagweti bagayiyubakira ututanda twingi-twingi, gira bayishaagize ibyaha. Ehee! Ha yutwo tutanda, haꞌbandu bagweti bagashubi girira ibindi byaha.

Yohana 16:3

«Na íbigaatuma bagakizi mùgirira mwene yukwo, bwo batayiji Daata. Na naani kwakundi, batanyiji.

Yohana 8:55

Si mutamúyiji! Haliko niehe nimúyiji! Neꞌri nangadesiri kwo ndamúyiji, iri naaba munabibeesha nga mwehe. Haliko nimúyiji, na nyamiri nzimbahiri amagambo gaage.

1 Samweri 2:12

Bagala Heri batâli simbahiri Nahano, si bâli riiri banangora-mabi.