Hosheya 5:3 - Kifuliiru

³ «E beene Hifurahimu, e Bahisiraheeri! Ndaabyo mwangambisha. Mukuba, byo mugweti mugaagira, byoshi mbiyiji-yiji ku bweranyange. Keera mukanyiyogookola, nga mushule úgweti úgayiyogookola yiba. Keera mukanayiyulubaza lwoshi-lwoshi!»

Hosheya 5:3 ပူးပေါင်းရင်းမြစ်များ

Hisaaya 7:16

Buno, uki yobohiri mwami weꞌHaraamu, na weꞌHisiraheeri. Halikago, ikyanya uyo mwana agaaba akola mutabana woꞌkulahira amabi, anatoole amiija, yibyo bihugo byombi bigaaba bikola mushaka.

Hisaaya 7:17

«Na naawe kwakundi, Nahano agakizi kulibuza, kuguma naꞌbandu baawe, kiri neꞌmbaga ya yisho. Amalibu mwene yago, gatazindi boneka, ukulyokera haꞌBahisiraheeri bakayihandulana kwo naꞌBayuda. Umwami weꞌHasuriya, ye gayiji mùteera.»

Hisaaya 7:5

«“Ku kasiisa, yabo baami bali mu kushungikira igambi libi. Banali mu deta, ti:

Hosheya 1:2

Ino ndumwa, ikyanya Nahano akatondeera ukugimenyeesa mu Bahisiraheeri ku njira ya Hosheya, anamúbwira kwokuno: «Ugendi yanga umukazi mushule, gira akubutire abaana boꞌbushule. Mu kugira kwokwo, ugayerekana ngiisi kwaꞌBahisiraheeri nabo bakayigira bashule, mu kunjandagira nie Nahano, banakizi yikumba ibindi íbiri mu yikumbwa.»

Hosheya 12:1

Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.

Hosheya 13:1

Yaho keera, ikyanya Hifurahimu âli kizi deta, abaabo booshi bâli kizi múyoboha, iri banajuguma. Mukuba, yabo ye wâli kuliiri abaabo. Halikago, ikyanya bakatondeera ukuyikumba umuzimu Baali, lyo bakayiji yikululira ulufu.

Hosheya 13:5

Ikyanya mwâli riiri mwiꞌshamba, lyâli yumuusiri, halinde abandu banakizi nyooterwa. Kundu kwokwo, nâli kizi mùkuya-kuya bweneene.

Hosheya 5:11

«Yabo beene Hifurahimu, bwo baloziizi bweneene ukuyikumba imigisi, kyo kitumiri bakola mu tindimazibwa bweneene. Ee! Ikyanya bali mu hanwa, bagweti bagavunguka.

Hosheya 5:13

«Beene Hifurahimu naꞌBayuda, ikyanya bakabona ngiisi kwo balwaziri, banagendi tabaaza mwami mukulu weꞌHasuriya. Halikago, uyo Mwami atanahasha ukubabuka, atanabakiza.

Hosheya 5:9

«E beene Hifurahimu, ulusiku ngamùhaniiriza mwe milala yaꞌBahisiraheeri, lyo mugayibonera kwo. Ndaakwo kundi!

Hosheya 6:10

«Mu kihugo kyeꞌHisiraheeri, keera nꞌgabona amagambo geꞌkisoomeza. Mwe beene Hifurahimu! Si mugweti mugayiyulubaza nga bashule, mu kuyikumba imizimu!

Hosheya 6:4

Nahano abuuza kwokuno: «E beene Hifurahimu, na mwe Bayuda! Nimùgirage kuti? Si urukundo lwinyu, luli mu yami nyerera nga luuta lwa shesheezi! Luli mu ba nga kimi íkiri mu mala duba-duba mwiꞌzuuba.

Hosheya 8:11

«Beene Hifurahimu bagweti bagayiyubakira ututanda twingi-twingi, gira bayishaagize ibyaha. Ehee! Ha yutwo tutanda, haꞌbandu bagweti bagashubi girira ibindi byaha.

Hamoosi 3:2

Mu bandu booshi ba mu kihugo, mwehe naaho mwe nâli kizi hahala. Halikago, bwo mwâli kizi gira ibyaha bweneene, kyo kitumiri ngamùhaniiriza.»

Hamoosi 5:12

Ngoli yijagi inooka ngiisi kwo mugweti mugahuba. Nyiji na ngiisi kweꞌbyaha biinyu keera byaluguuka bweneene. Abandu, kundu bangabiiri balyagagi bazira buhube, mugweti mugabalibuza mu kubahuuna ikitulire. Neꞌkyanya abakeni bali mu looza ukuli imbere lyaꞌbatwi beꞌmaaja, muli mu kizi bahangirira.

Bukengeeze 33:17

Yusefu akizi haabwa ulushaagwa. Ali nga shuuli íyatee vyarwa mu kiso. Amahembe gaayo, gakomiri nga geꞌmbogo. Ku njira yago, ali mu yimula imilala yoshi ya mu kihugo, halinde ho kihekiiri. Liguma lya mu yago mahembe, guli mulala úguhimbiri gwa mwene Hifurahimu. Irindi hembe, biri binoono neꞌbinoono byaꞌbandu boꞌmulala gwa Manaasi.»

Baheburaniya 4:13

Mu byoshi íbiryagagi ho, ndaakyo íki bishamiri mu masu ga Rurema. Si byoshi biri mu ba ku bweranyange imbere lyage! Aganaki tubuuza hiꞌgulu lyabyo.

Bwigule 3:15

«Mwehe, ngiisi byo mugweti mugaagira, mbiyiji-yiji. Mubuziri ukuba mbeho, munabuziri ukuba iduutu. Mu kati ka yibyo byombi, nangaloziizi kwo mube neꞌkiguma kyabyo!