Hosheya 5:2 - Kifuliiru

² Keera mukabahumbira ikishimo kila, mbu bakitibukire mwo. Kwokwo, ngamùhaniiriza mweshi.

Hosheya 5:2 ပူးပေါင်းရင်းမြစ်များ

Hisaaya 1:5

Aahago! Kituma kiki mugenderiiri noꞌkumúhindulira ingoto? Ka muloziizi ukuhanwa? Si itwe lyawe keera lyayijula mweꞌbihando! Kiri noꞌmutima gukoli lwaziri ngana!

Hisaaya 29:15

Yayewe imwa ábali mu gira mbu babishe Nahano byo bashungisiri. Muli mu kola amabi mu kihulu, iri munadeta: «Si ndaaye útubwini! Aaho! Ngiisi byo tuli mu gira, nyandi úgabimenya?»

Yeremiya 18:18

Iri hakatama, abandu baguma banahanuusania, ti: «Tugirage igambi libi hiꞌgulu lya Yeremiya. Si tuhiiti abagingi, kiri naꞌbitegeereza boꞌkukizi tuhanuula, naꞌbaleevi boꞌkutumenyeesa ngiisi byo Rurema adesiri! Aahago! Galya magambo gaage, tutagatwaziizi. Muyije, tugendi múbangira ibinyoma.»

Yeremiya 5:3

E Nahano, ka utayamiri uli mu looza íbiri byoꞌkuli? Kundu ukahimbula abandu beꞌBuyuda, si batababiiri. Na kundu ugweti ugabafuta-futa, mu kubayerekeza, si batakusimbahiri. Bakola mindagabika, banakoli yumuusiri ngiꞌbuye. Keera bakashiikiza lwoshi, kwo batangaki kugalukira.

Yeremiya 6:28

Balya bandu baani, si booshi bali bahuni, banakola mindagabika. Bagweti bagabanganizania. Bali bakomu nga mulinga, kandi iri nga kyuma. Booshi bali banangora-mabi.

Hosheya 4:2

Si mugweti mugadaakana, iri munabeesherana, noꞌkukizi yitana, noꞌkuyifunda mu bushule. Mutakiri mu yihangirira, mugenderiiri naaho noꞌkukizi yitana.

Hosheya 6:5

Kyo kitumiragi nꞌgamùtumira abaleevi baani, bamùkenguule kwo ngamùyita. Ee! Ngamùyita ku njira yaꞌmagambo gaani. Ninayami mùhana duba, nga kweꞌkiryamu kiri mu lyamuza.

Hosheya 6:9

«Abagingi baani nabo, balyagagi nga banyazi, bwo bagweti bagategeera abandu, gira babayite. Ee! Ikyanya abalenga-njira bali mu genda i Shekemu, banayami bayita. Banali mu teezania ishoni, mu kugira íbitali nga byo.

Hosheya 9:15

Nahano adetaga kwokuno: «Bakatondeerera ukugira amabi i Girigaali. Haaho, ho nꞌganatondeerera ukubashomba. Na bwo baki gweti bagakizi gira amabi, ngabayimula booshi mu kihugo kyabo. Bwaꞌbimangizi baabo bakoli huniri booshi, ndagaaba ngi bakuuziri.

Bwigule 3:19

«Ngiisi bo nguuziri, ndi mu bakanukira, iri na mbahana. Ku yukwo, mutwikirage ku byaha biinyu. Mukizi ba baduutu.