Hosheya 5:14 - Kifuliiru

¹⁴ «Niehe ngateera beene Hifurahimu naꞌBayuda, nga ndare. Ngaaba nga ndare mbamu, inalyagagi ndangi. Ngabajanganula-janganula, na mbatwale ngiisi ho ndoziizi. Ndaanaye úgayiji bafuusa.»

Hosheya 5:14 ပူးပေါင်းရင်းမြစ်များ

Hayubu 10:16

Iri nangayinamula itwe naaho, uli mu yami mbiiva nga ndare, unakoleese ubushobozi bwawe bweꞌkitangaaza mu kumbangirira.

Hayubu 10:7

Uyiji-yiji kwo ndagweti buhube. Kundu kwokwo, ndaanaye úwangangiza mu maboko gaawe.

Zaburi 50:22

«Buno, mukoli nyibagiiri. Aahago! Yaga magambo gaani, mutee gayisaliza kwo. Buzira kwokwo, ngamùjanganula-janganula, ndaanaye úgaki mùkiza.

Zaburi 7:2

E Rurema Nahamwitu, we ngweti ngatibitira. Aaho! Undabaalage, unangize mu maboko gaꞌbagoma baani booshi.

Hisaaya 5:29

Abasirikaani baabo bagweti bagayamiza-yamiza. Bali mu lunduma nga ndare ndangi. Ikyanya bali mu gwata abandu imbohe, bali mu bahunguukana. Ndaanaye úgabahangirira, mbu batazitwale hala.

Yeremiya 25:38

Keera akajanda abandu baage, nga kweꞌndare iri mu zira ibundo lyayo. Hiꞌgulu lyoꞌburaakari bwage, kyanatuma agabaleetera izibo lyeꞌngunguula, halinde ikihugo kyabo kikoli sigiiri ishamba limaata.

Kimombo 3:10

Nahano âli yibishiri ha butambi lyeꞌnjira, nga dubu, kandi iri nga ndare, gira akayiji ndeera.

Hosheya 13:6

«Haliko, ikyanya nꞌgamùheereza ibyokulya, mwanayiguta. Haahago, mwanatondeeza ukuyikangaata, mwanayami nyibagira lwoshi-lwoshi.

Hosheya 2:12

Ngolaga ngamúhogola imirondo yoshi, anasigale bukondwe. Balya bakundwa baage, banabe bagweti bagamúloleera. Ikyanya agateezibwa ishoni kwokwo, ndaaye úgayiji múkiza.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Hamoosi 2:14

Kundu abandu bangayihayiri kwo bo bali mu tibitaga mulindi, si ndaaye kiri noꞌmuguma úgafuushuka. Kiri neꞌbishugusha, imisi igabimalira. Neꞌbikalage byaꞌbasirikaani, nabo bagayabirwa ukuyikiza.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Bukengeeze 28:31

«Abandu bagamùyitira ingaavu munabwini, mutanazilye kwo. Bagamùnyaga bapunda biinyu, mutanâye ki babone. Abagoma biinyu bagamùtwala ibibuzi, ndaanaye woꞌkuyiji mùvunaana.

Bukengeeze 32:39

«“Lolaga! Si nienyene nie Rurema! Ndaaye gundi, átali niehe naaho. Nie mu yita, na ndi nie mu lamiisa. Ndi mu yita umundu, na njubi múheereza ubugumaana. Keera namùkomeeresa. Haliko buno, ngola ngamùkiza. Ndaaye úwanganyugutula umundu mu maboko gaani.