Hosheya 4:7 - Kifuliiru

⁷ «Balya bagingi, ikyanya bagweti bagayushuuka, ibyaha byabo nabyo, iri binayushuuka. Kwokwo, ngahindula ulushaagwa lwabo, zibe shoni.

Hosheya 4:7 ပူးပေါင်းရင်းမြစ်များ

Hizira 9:7

Ukulyokera ku bashokuluza biitu halinde zeene, tuki genderiiri noꞌkukuhubira bweneene. Kyo kitumiri twe naꞌbaami biitu, kiri naꞌbagingi biitu, ukatuyitiisa ku ngooti, wanatuhungiisa mu mahanga. Abaami beꞌmahanga, keera bakatushahula ibindu byoshi, banatuteeza ishoni halinde zeene.

Hosheya 10:1

Abahisiraheeri bâli riiri nga muzabibu mwija, úgwali kizi joojeka bweneene. Halikago, ikyanya bakalonga ibindu bingi, banatondeera ukukizi yubaka ututanda twa kundi-kundi. Na ngiisi kweꞌkihugo kyabo kyâli kizi genderera ukugala, banakizi limbiisa inguliro zaabo ndaluule zoꞌkuyikumbira kwo.

Hosheya 10:6

Yugwo mugisi gukola gugatwalwa mu kihugo kyeꞌHasuriya, gunahaabwe mwami mukulu weꞌyo munda, libe ituulo lyage. Yugwo mugisi, beene Hifurahimu bâli kizi gubiika kwoꞌmulangaaliro, kyo kitumiri bagateezibwa ishoni.

Hosheya 13:14

Yabo bandu, ka ngwiriiri nyiji bakiza mu shinda? Ka mbakize na Narufu? Nanga, maashi! E Narufu! Uleetage ikiija! Na naawe, e Nakuzimu! Uyiji bashereeza! Ee! Ndagaki babonera kandi ulukogo!»

Hosheya 13:6

«Haliko, ikyanya nꞌgamùheereza ibyokulya, mwanayiguta. Haahago, mwanatondeeza ukuyikangaata, mwanayami nyibagira lwoshi-lwoshi.

Hosheya 4:10

Kundu bagakizi lya bweneene, halikago batagakizi yiguta. Na kundu bagakizi shulehana, haliko batagakizi buta. Mukuba, nie Nahano keera bakanjanda, banakizi kulikira íbiri mu yikumbwa.

Hosheya 5:1

«E bagingi ba Rurema, muyuvwirize bwija. Na niinyu, mwe Bahisiraheeri! Mutegage amatwiri. Kiri na niinyu, mwe mulyagagi ba mu mulala gweꞌkyami! Muyuvwirize. Si keera mukahubiisa abandu iriira munda i Misipa, kiri neꞌTaboori, kyanatuma bagamùtwira ulubaaja kwo mukahuba!

Hosheya 6:9

«Abagingi baani nabo, balyagagi nga banyazi, bwo bagweti bagategeera abandu, gira babayite. Ee! Ikyanya abalenga-njira bali mu genda i Shekemu, banayami bayita. Banali mu teezania ishoni, mu kugira íbitali nga byo.

Hosheya 9:11

Ku yukwo, ubulangashane bwa beene Hifurahimu bugabayisunga hala, nga hinyuni. Abakazi batâye ki heekage inda, batanâye ki bute!

Habakuki 2:16

Aaho! Kundu mukiri mu longa ulushaagwa, haliko masaasa atabukwa, mugaki teezibwa ishoni. Niinyu, mugaanywa idivaayi, munakizi yibumbulika neꞌndalwe. Emwe! Nahano yenyene agamùyijira ku buraakari bwage. Kwokwo, niinyu, ubulangashane bunahinduke ishoni!

Malaki 2:9

«Mutakiri mu simbaha imaaja zaani. Neꞌkyanya muli mu twa imaaja, mukola mu kizi kundirira. Kyo kitumiri nꞌgamùteeza ishoni imbere lyaꞌbandu booshi, halinde banamùyamirize.»

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Bafiripi 3:19

Emwe! Yabo bagoma, byo bali mu yikumba, galyagagi mabunda gaabo. Ngiisi íbyangabateziizi ishoni, byo banagweti bagayikangaata mwo. Imitono yabo, iyamiri naaho ku byeꞌkihugo. Noꞌkuheza kwabo, bagashereezibwa.

1 Samweri 2:30

«Buno, Nahano Rurema waꞌBahisiraheeri adetaga kwokuno: “Nꞌgabiika umuhango, kwo mu mulala gwaꞌBalaawi, imbaga yawe ye gakizi ngolera, halinde imyaka neꞌmyakuula. Haliko buno, yiri igambo litâye ki be. Si ngiisi ábali mu ngingika, baabo bo naani ngakizi gingika. Haliko, ngiisi ábagakizi ngayiriza, nabo bagakizi gayirizibwa.