19 Ku yukwo, imbuusi ngayu yaꞌkasuululu igayami bayehuula. Na yago matuulo go bagweti bagatangira imigisi, gagabateeza ishoni.
Bwo mwâli kizi yikumba imizimu mwiꞌdako lyeꞌbiti byeꞌmyalooni, na mu matongo go mwâli kizi yisiisa, kyo kitumiri mugalonga ishoni, munateteerwe.
«Halikago abandi, si boohe, babiisiri umulangaaliro imweꞌmigisi, banali mu gibwira mbu: “Mwe tukola tugakizi yikumba.” Aahabi! Si yabo bandu bagateteerwa ngana!»
E Nahano! We Abahisiraheeri babiisiri kwoꞌmulangaaliro. Halikago, ngiisi ábagakujajaaka, bagateezibwa ishoni. Ee! Ngiisi ábagakuyihandula kwo, boohe, baganyerera ngiꞌziina íriyandisirwi mu luvu. Yabo banakuhambwa, bagaaba bajaziiri Nahano, anali ye shyoko íri mu leeta ubulamu.
Nahano adetaga kwokuno: «Ngaleeta abashereeza, bayije nga mbuusi, banashereeze ikihugo kyeꞌBabeeri, naꞌbandu baamwo.
Ikyanya ngola ibiringiini, naani ngamùteera. Ngakuumania ibinyamahanga, gira bimùlwise, binamùgire baja. Mukuba, ibyaha biinyu, keera byaluguuka.
Yugwo mugisi gukola gugatwalwa mu kihugo kyeꞌHasuriya, gunahaabwe mwami mukulu weꞌyo munda, libe ituulo lyage. Yugwo mugisi, beene Hifurahimu bâli kizi gubiika kwoꞌmulangaaliro, kyo kitumiri bagateezibwa ishoni.
Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.
Yabo Bahisiraheeri, bo bagendukiirwi bweneene mu bandu beꞌgindi milala! Kundu kwokwo, Nahano agavyula ikihuhuuta ukulyoka isheere. Kigahuluka mwiꞌshamba, kinayiji kamya ibirigo byalyo. Kiri neꞌshyoko zaalyo zinayume. Yabo Bahisiraheeri, ibihinda byabo byoshi, agabishereeza ngana-ngana.