Hosheya 4:17 - Kifuliiru

¹⁷ Si balya beene Hifurahimu, imigisi keera ikabashika! Kwokwo, ngabaleka ngana, bakizi gira nga kwo baloziizi.

Hosheya 4:17 ပူးပေါင်းရင်းမြစ်များ

Zaburi 81:12

«Kundu kwokwo, abandu baani Abahisiraheeri batanandwaza, banalahira kwo batagakizi nzimbaha.

Hosheya 11:2

«Haliko, ikyanya nâli genderiiri ukumúhamagala, anakizi nyisunga hala. Anakizi hoza imizimu ya Baali, iri anayokera imigisi yayo umubadu.

Hosheya 11:6

«Ingooti zikolaga zigalavya-lavya mu twaya twabo. Abagoma banakizi yifunda mu miryango yabo. Mwomwo, mweꞌshungi zaabo mbi zigahekera.

Hosheya 12:1

Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.

Hosheya 13:2

Na buno, beene Hifurahimu bagenderiiri ukuyifunda mu byaha, mu kukizi yitulira imigisi mu harija. Bâli kizi koleesa ubuhinga naꞌmaboko gaabo, banakizi deta: «Iyo migisi, mukizi gitangira amatuulo!» Banadete kandi: «Iyi migisi yeꞌnyana, mukizi ginyunyuguta!»

Hosheya 4:4

«Hatagirage umundu úgakizi lega uwabo, kandi iri amútwikiza ku byaha. E bagingi! Nie gweti ngamùlega.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

Bwigule 22:11

Umundu, iri angaba ali mu gira amabi, agendererage noꞌkukizi gagira! Ngiisi munabihigo, naye agendererage ukuhigula! Neꞌri umundu angaba ali mu gira íbikwaniini imbere lya Rurema, naye agenderere ukubigira! Umundu, iri angaba akoli yerusiibwi, agenderere ukuyeruuka.