Hosheya 4:14 - Kifuliiru

¹⁴ Kundu kwokwo, yabo banyere biinyu na bali-kazi biinyu, ndagabahana hiꞌgulu lyoꞌbushule. Mukuba, kiri naꞌbagingi bagweti bagaagira mwene byebyo byaha byoꞌkushulehana. Bali mu kizi yibiika ku yabo bashule, banagendi tangira imizimu amatuulo mu mbeero. Yayewe! Abandu, ku kyanya bakoli kubisirwi, iri ulwabo, keera lwamala!

Hosheya 4:14 ပူးပေါင်းရင်းမြစ်များ

1 Baami 15:12

Akayimula balya bashosi bashule mu kihugo kyage kyoshi, yabo ábâli kizi shiiba mu mbeero. Neꞌmigisi yoshi yo bashokuluza baage bakalingaania, anayami gishaaza.

2 Baami 23:7

Anahongola neꞌnyumba zaꞌbashule, ízâli riiri mu nyumba ya Nahano. (Haaho, haꞌbakazi bâli kizi hangira ibyambalwa byoꞌmuzimu Hasheera.)

Migani 28:5

Banangora-mabi batasobanukiirwi na íbikwaniini. Si ngiisi ábasimbahiri Nahano boohe, bali mu sobanukirwa lwoshi.

Hisaaya 1:5

Aahago! Kituma kiki mugenderiiri noꞌkumúhindulira ingoto? Ka muloziizi ukuhanwa? Si itwe lyawe keera lyayijula mweꞌbihando! Kiri noꞌmutima gukoli lwaziri ngana!

Hisaaya 27:11

Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Hisaaya 56:11

Balyagagi nga tubwa útutali mu yiguta. Kundu bali bangere, si bali bahwija. Ngiisi muguma ali mu yilala mu byage-byage, iri anayikundirira.

Danyeri 12:10

Abandu bingi bagayeruusibwa, halinde batanabe naꞌkashembo, banabe bakola beeru. Si banangora-mabi boohe, bagagenderera ukukizi bihuuka. Mu kati kaabo, ndaaye úgakizi sobanukirwa. Si abitegeereza boohe, bagasobanukirwa.

Hosheya 14:9

«E beene Hifurahimu maashi! Mutwikire lwoshi ku migisi. Ikyanya mugweti mugandabaaza, si nie mu mùshuvya, na ndi mu kizi mùkuya-kuya. Ngamùbeera nga kimbehwa kyeꞌkiti íkiyamiri neꞌbihunda. Neꞌbitumbwe biinyu byoshi, mugakizi bilongera imwani.»

Hosheya 4:1

E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Hosheya 4:17

Si balya beene Hifurahimu, imigisi keera ikabashika! Kwokwo, ngabaleka ngana, bakizi gira nga kwo baloziizi.

Hosheya 5:4

Abahisiraheeri, ngiisi byo bagweti bagayidulumbika mwo, bitangabazigira kwo bashubi galukira Rurema. Mukuba, mu mitima yabo mukoli yamiri naaho zeezo nzaliro, batanaki yiji Nahano.

Hamoosi 2:7

Babwinagi kwaꞌbakeni bali nga lukungu naaho, banagweti bagakizi balibata-libata kwo. Balya bakeni, ikyanya bali mu ba imbere lyaꞌbatwi beꞌmaaja, bali mu bayima ukuli kwabo. Lolaga ibala! Umwana na yishe, bagweti bagashangiira umukazi muguma. Kwokwo, kwo bagweti bagatukiisa iziina lyani, na ndi nie Mutaluule.

Hamoosi 7:17

Kundu kwokwo, Nahano adetaga kwokuno: “Mu kaakano kaaya, mukaawe agakizi gira mwoꞌbushule. Bagala baawe na banyere baawe, nabo bagayitwa ku ngooti. Kiri naꞌmatongo gaawe, bagaganyaga, banagagabulire abandi. Na wenyene, ugagendi fwira ku mbinga. Abahisiraheeri, ku kasiisa bagatwalwa imbohe, hala neꞌkihugo kyabo.”»

Muharuuro 25:3

Kwokwo, kwaꞌBahisiraheeri bakatondeera ukuyikumba umuzimu Baali weꞌPehoori, halinde Nahano anabarakarira.

Yohana 8:43

Na íbitumiri mutasobanukiirwi naꞌmagambo gaani, bwo gahimiri ubwenge bwinyu.

Barumi 3:11

Ndaanaye úsobanukiirwi neꞌbya Rurema. Ndaanaye úli mu múlooza.

1 Bakorindo 6:16

Ka mutayiji kwo ngiisi úli mu genda agashuleha, ali mu ba akola magala maguma noꞌyo mushule wage? Mukuba, biyandisirwi kwokuno: «Yabo bombi, bagaaba bakola magala maguma.»

Bahefeso 4:18

Naꞌmenge gaabo, gayidisiri mweꞌkihulu. Batakiri bagumaana mu kati ka Rurema. Si keera bakayumuusa imitima yabo, banakola bahwija.

Bukengeeze 23:17

Si mumúleke mutuulanwe. Ye gatoola akaaya ka asiimiri ukubeera mwo. Utakolwe kwo wakizi múlibuza.»

Baheburaniya 12:8

Aaho! Iri Rurema angaleka ukumùhana nga kwo ali mu hana abandi booshi, iri mutakiri baana baage nirizina. Munabe mukola baana beꞌmbuga.