Hosheya 4:1 - Kifuliiru

¹ E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Hosheya 4:1 ပူးပေါင်းရင်းမြစ်များ

1 Baami 22:19

Mikaaya anashubi deta: «Yuvwiriza igambo lya Nahano. Nabona Nahano abwatiiri ku kitumbi kyage kyoꞌbwami. Naꞌbakozi baage booshi ba mwiꞌgulu, bayimaaziri ha butambi lyage, baguma ilulyo, naꞌbandi ilumosho.

Zaburi 81:9

E bandu baani, Abahisiraheeri! Muyuvwe ngiisi kwo ngweti ngamùhanuula. Ee! Bwangabiiragi bwija munyuvwe.

Hisaaya 1:10

E Yerusaleemu, abatwali baawe bakoli bihuusiri, nga bandu beꞌSoodoma, naꞌbeꞌGomora! Aahago! Yuvwi ngiisi kwo Rurema Nahamwitu, agweti agamúyigiriza.

Hisaaya 1:18

Nahano adetaga kwokuno: «Muyije, tuganuulire kuguma. Ibyaha biinyu, kundu byangabiiri bidukwiri, ngabiyeruusa, bibe byeru nga lugungu. Na kundu byangadukumbusiri nga muko, ngabiyeruusa, binabe pepeepe, ngiꞌpamba.

Hisaaya 28:14

E batwali beꞌYerusaleemu, si muli mu honyolezania! Aahago! Muyuvwage igambo lya Nahano.

Hisaaya 34:1

E binyamahanga, mutegage amatwiri. E bandu mweshi, na naawe e kihugo, kuguma na byoshi íbikuli mwo, muyuvwirize.

Hisaaya 34:8

Lwolwo lusiku, lwo Nahano agayihoolaga kwo. Ee! Mu gwogwo mwaka, lyo agayihoola abagoma beꞌSayuni.

Hisaaya 5:3

Kwokwo, uyo mukundwa wani anadeta: «Mwe batuulaga beꞌYerusaleemu, naꞌbeꞌBuyuda! Mwe bakongwa mwe! Mututwirage ulubaaja, twe neꞌyo ndalo yani yeꞌmizabibu.

Hisaaya 59:4

Kiri neꞌkyanya muli mu buulana, muli mu kizi beesha-beesha naaho. Muli mu banganizania amagambo goꞌbusha-busha. Munayamiri mushungisiri ukukola amabi, iri munagayushuula kwaꞌgandi.

Hisaaya 59:8

Ngiisi íbyangaleetaga umutuula, mutabiyiji. Neꞌmaaja za Rurema, mutazitwaziizi. Muli mu genda muganyooka-nyooka mu njira. Na ngiisi ye muli mu zaatana, atâye longe umutuula.

Hisaaya 66:5

Mwe musimbahiri amagambo ga Nahano! Yuvwagwi ngiisi kwo akola mu mùbwira: «Ikyanya mwâli kizi ngulikira, beene winyu baguma bâli mùshombiri, banakizi mùyimula, iri banamùhonyoleza, ti: “Uyo Nahano winyu, ayerekanage ubulangashane bwage, gira tubone ngiisi kwo mugaaba mukoli shambiiri!” Yabo beene winyu, si bâye teezibwe ishoni!»

Yeremiya 11:7

Mukuba balya bashokuluza biinyu, ikyanya nꞌgabalyosa i Miisiri, nꞌgabakomeereza kwo bakizi nzimbaha. Kiri na niinyu zeene, kwokwo ngi genderiiri ukumùkomeereza. Byo ngakizi mùtegeka, mukizi bisimbaha!

Yeremiya 19:3

E baami baꞌBayuda! Na niinyu mwe batuulaga booshi beꞌYerusaleemu! Yuvwi! Nahano woꞌbushobozi bwoshi, Rurema waꞌBahisiraheeri, adetaga: Hano handu, ngahashereeza lwoshi-lwoshi. Na ngiisi úgakizi yuvwa umwazi gwaho, agasoomerwa.

Yeremiya 2:4

Mwe milala yoshi yaꞌBahisiraheeri! Mwe beene Yakobo! Muyuvwe igambo lya Nahano.

Yeremiya 2:9

Nahano adetaga kwokuno: «Ngola ngamùlega. Kiri naꞌbandu beꞌbibusi biinyu, nabo ngabalega.

Yeremiya 25:31

Izu lyage, abandu baꞌmahanga gooshi bagaliyuvwa. Mukuba agakizi twa imaaja zaꞌbandu beꞌmilala yoshi. Agabwiririra abandu booshi ngiisi kwo bahubiri. Na banangora-mabi booshi, agabayita ku ngooti!”» Kwokwo, kwo Nahano adesiri.

Yeremiya 34:4

«Ku yukwo, e mwami Zedekiya! Uyuvwagwe ngiisi kwo Nahano akulagaania. Mukuba utagayitwa mwiꞌzibo.

Yeremiya 4:22

Nahano adetaga kwokuno: «Ku kasiisa, abandu baani bali bahwija. Si batanyiji! Amenge gaabo, gakubisirwi. Byo bayiji naaho, biri byebyo-byebyo byaha. Si íbikwaniini, byohe batabisobanukiirwi.»

Yeremiya 4:28

Abandu ba mu kihugo, bagaliruuka. Niꞌgulu ligayidika kweꞌkihulu. Keera nakyula, ndanganaki hinduka. Keera nꞌgashungika, kwoshi kwokwo!»

Yeremiya 5:4

Haaho, nâli toniri kwo íbitumiri balya bandu ba Rurema bagaagira íbitali nga byo, mbu bwo bali bagunda naaho, banali bizeeze, batanazi menya íbikwaniini imbere lya Rurema Nahamwabo. Batanayiji ngiisi byo abaloziizi kwo.

Yeremiya 51:5

Nie Nahano woꞌbushobozi bwoshi, na ndi nie Rurema waꞌBahisiraheeri naꞌBayuda. Yabo bandu baani, ndakabajanda, kundu bâli kizi mbubira, na ndi nie Mutaluule waꞌBahisiraheeri.»

Yeremiya 6:13

«Yabo bandu booshi bali bazizi beꞌbindu, ukushaagira ku bagunda, halinde ku bakulu. Kiri naꞌbaleevi naꞌbagingi, booshi ziri ngunge naaho.

Yeremiya 7:28

Kwokwo, ugendi babwira kwokuno: “Kundu Rurema Nahamwitu agweti agamùtegeka, si muli mulala úgatamúsimbahiri. Na kundu ndi mu mùyigiriza, mutandwaziizi. Mutanakiri mu deta ukuli. Si yukwo kuli keera kwamala mu tunwa twinyu.”»

Yeremiya 9:20

«Narufu keera asheshera mu twazo twitu, anatuteera mu nyumba ziitu, kundu ziyamiri ziri nzitire. Akola mu kumbulula abaana biitu mu njira, neꞌmisore yitu mu mitalimbwa.»

Yeremiya 9:3

«Yehee! Ukizi yiyeka naꞌbiira baawe. Kiri na beene winyu, utayami bayitegera umulundi. Kundu balyagagi beene winyu, si bagweti bamùlyalyania! Kiri na ngiisi mwira, ali kateerania!

Yeremiya 9:7

Amagambo gaabo, gayugihiri bweneene nga myambi, ganayijwiri mwoꞌbulyalya. Ngiisi mundu, mu kuganuuza uwabo, ali mu deta amagambo manunu-manunu. Kiziga mu mutima gwage, akoli shungisiri ukugendi múteera!

Hezekyeri 16:35

«E Musambani, yuvwiriza ngiisi kwo nie Rurema Nahamwinyu nadetaga:

Hosheya 12:2

Emwe! Yabo beene Hifurahimu, bali mu shiiba bagweti bagalandiriza imbuusi ukulyoka isheere. Bagweti bagakizi deteereza ibinyoma, iri banayitana. Banagweti baganywana ikihango naꞌBahasuriya. Banagweti bagalungika amavuta geꞌmizehituuni i Miisiri, lyo balonga yoꞌbutabaazi.

Hosheya 12:3

Nahano agweti agalega Abayuda, beene Yakobo. Anakola agabahana hiꞌgulu lyoꞌbulyalya bwabo. Ee! Agabahaniiriza, ukukulikirana na ngiisi kwo âli kizi gira.

Hosheya 5:1

«E bagingi ba Rurema, muyuvwirize bwija. Na niinyu, mwe Bahisiraheeri! Mutegage amatwiri. Kiri na niinyu, mwe mulyagagi ba mu mulala gweꞌkyami! Muyuvwirize. Si keera mukahubiisa abandu iriira munda i Misipa, kiri neꞌTaboori, kyanatuma bagamùtwira ulubaaja kwo mukahuba!

Hosheya 5:4

Abahisiraheeri, ngiisi byo bagweti bagayidulumbika mwo, bitangabazigira kwo bashubi galukira Rurema. Mukuba, mu mitima yabo mukoli yamiri naaho zeezo nzaliro, batanaki yiji Nahano.

Yuheeri 1:2

E bashaaja! Muyuvwirize! Mwe batuulaga booshi beꞌBuyuda, mutegage amatwiri! Aaho! Mu siku ziinyu, kandi iri mu za bashokuluza biinyu, igambo mwene lino, ka keera likakoleka?

Hamoosi 3:1

E Bahisiraheeri! Muyuvwagwe ngiisi kwo Nahano agweti agamùkanukira: «Ubwa mbere, nꞌgamùlyosa i Miisiri.

Hamoosi 7:16

Aahago! Ino ndumwa, ilyosiri imwa Nahano. Ugiyuvwirize bwija! Ugweti ugaadeta, ti: “Yubwo buleevi, utashubi butanga mu Bahisiraheeri. Hatanagirage igambo lyo ugakanukira mwaꞌbandu baani.”

Mika 6:2

E malambo! Muyuvwagwe ngiisi kwo Nahano agalegana. Na niinyu mweꞌndaliro zeꞌkihugo, muyuvwirize kwakundi. Nahano agweti ulubaaja naꞌbandu baage. Agweti agabuulania Abahisiraheeri.

Yohana 8:55

Si mutamúyiji! Haliko niehe nimúyiji! Neꞌri nangadesiri kwo ndamúyiji, iri naaba munabibeesha nga mwehe. Haliko nimúyiji, na nyamiri nzimbahiri amagambo gaage.

Barumi 1:28

Aahago! Bwo bakalahira ukumenya Rurema nga ngiisi kwo ali, kyanatuma naye agabaleka bakizi kulikira inzaliro zaabo ízisherebiiri, halinde banakizi yifunda mu bitali nga byo.

1 Bakorindo 15:34

Kwokwo, mukebukwe nga kwo bimùkwiriiri. Munatwikire ku byaha! Mukuba, mu kati kiinyu, mukiri bandu baguma ábatayiji Rurema. Na íbitumiri nadetaga kwoku, hiꞌgulu lyoꞌkumùbonia ishoni.

Bwigule 2:11

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, atagaki shereezibwa noꞌlufu lwa kabiri.»

Bwigule 2:29

Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero!»