Hosheya 2:3 - Kifuliiru

³ Rurema anabwira Hosheya kwokuno: «Ku kirya kyanya, ugakizi buuza beene winyu Hami, (kuli kudeta: bandu baani). Na baali biinyu, mugakizi babuuza Ruhama, (kuli kudeta: bandu bo nguuziri).»

Hosheya 2:3 ပူးပေါင်းရင်းမြစ်များ

Kulyoka 17:3

Yabo booshi bâli koli nyotiirwi bweneene, kyanatuma bagagenderera ukuyidodombera Musa: «Si ukatulyosa mu kihugo kyeꞌMiisiri, lyo uyiji tuyitira ino munda neꞌnyoota. Kiri naꞌbaana biitu, neꞌbitugwa biitu, byoshi bigaafwa ngana.»

Hisaaya 33:9

Ikihugo kikoli ginunusiri, kinakoli yumagusiri. Kiri neꞌmigazi yeꞌLebanooni, keera ikateezibwa ishoni, inakoli yumagusiri. Indekeera nyiija yeꞌSharooni ikoli yumiri ngiꞌshamba. Ku mugazi Bashaani, na ku gweꞌKarimeeri, ibiti byoshi bikola bizira bihunda.

Hisaaya 47:3

Leero abandu bagaabona ngiisi kwo usigiiri bukondwe, halinde banakizi kuteeza ishoni. Ngayihoola ngana. Ndaanaye úgambuza.»

Hisaaya 64:10

Inyumba yo bashokuluza biitu bâli kizi kuyikumbira mwo, yâli ndaluule, yanâli limbiri bweneene. Kundu kwokwo, keera ikasingoolwa. Na byoshi byo twâli siimiri, bikola biguuka naaho.

Yeremiya 12:10

Abangere bingi, keera bayilala mu ndalo yani yeꞌmizabibu, banagishereeza. Iyo ndalo, kundu ishuba nyiija, haliko bagagilibata-libata mwo, banagihindula libe ishamba.

Yeremiya 13:22

Hali ikyanya mwangayibuuza, ti: “Yibi byoshi, kituma kiki bikola mu tuhikira?” Íbitumiri biri kwokwo, bwo mukoli yifuuziri mu byaha. Kyo kitumiri bakola mu mùkaturura imirondo, banamùgumbiire.

Yeremiya 13:26

Ngamùshemuula imirondo, halinde i malanga, abandu booshi banabone ubukondwe bwinyu, munateezibwe ishoni.

Yeremiya 14:3

Ikyanya abakulu bali mu tuma abakozi baabo, kwo bagendi vwoma amiiji, bali mu gwana ibirigo bikamiri ngenene. Kinatume bagagalukana ibirugu bimaata, bakoli yinamiri. Ee! Ishoni zinabagwate, banagire mbu bayibishe amalanga.

Yeremiya 17:6

Uyo mundu, agaaba nga hishungu-shungu mwiꞌshamba, hazira mundu. Yaho, hahangalusiri bweneene! Noꞌluvu, lulyagagi lwa muloba. Yabo bandu, ndaalwo lusiku bangagenduukirwa!

Yeremiya 2:31

Yemwe bandu ba zeene! Nie Nahano, nie wakyula. Aaho! Mundegage amatwiri. Ka ndi mu teera abandu ikyoba, nga úli mu lenga mwiꞌshamba, kandi iri ngeꞌkihugo íkiyidisiri mweꞌkihulu namudidi? Si muli baana baani! Aahago! Kituma kiki mugweti mugaadeta: “Leero buno, tugagenda ngiisi ho tuloziizi. Tutagaki kugalukira!”

Yeremiya 2:6

Bakaleka ukutee yisaliza, ti: “E balya! Kituma kiki tutakiri mu kulikira Nahano? Si ye katulyosa mu kihugo kyeꞌMiisiri, anaturongoora mwiꞌshamba, áhâli yumagusiri, hanâli yijwiri ibihomogolo! Iyo munda mwiꞌshamba, yâli yidisiri ikihulu, ndaanaye úwâli kizi gilenga, kandi iri agituula.”

Yeremiya 22:6

«Na ku biloziri akajumiro kaꞌBayuda, Nahano adetaga kwokuno: “Ino nyumba ibuyahiri bweneene ukuhima ikihugo kyeꞌGiryadi, kiri noꞌlubako lweꞌmigazi yeꞌLebanooni. Kundu kwokwo, ngagihindula libe ishamba, ndaanaye úgashubi gituula mwo.

Yeremiya 4:26

Ikyanya nꞌgalangiiza, nanabona kwiꞌdaho írishuba neꞌnagiira, likola ishamba. Utwaya twoshi, tukola biguuka. Na íbitumiri bigaaba kwokwo, bwo Nahano akoli turakariiri.

Yeremiya 51:43

Utwaya tweꞌBabeeri, bikola biguuka, tunakoli ba ishamba íriyumagusiri, ndaanaye mundu úki tuuziri mwo, kandi iri woꞌkulenga mwo.

Yeremiya 51:5

Nie Nahano woꞌbushobozi bwoshi, na ndi nie Rurema waꞌBahisiraheeri naꞌBayuda. Yabo bandu baani, ndakabajanda, kundu bâli kizi mbubira, na ndi nie Mutaluule waꞌBahisiraheeri.»

Hezekyeri 16:22

«Yikyo kyanya wâli kizi nyaagaza mu kukizi sambana, utâli ki kengiiri ibya mu bwanuke bwawe, ngiisi kwo wâli bukondwe lwoshi, iri unayivuruguuza-vuruguuza mu muko gwawe!

Hezekyeri 19:13

Buno, yugwo muzabibu gwanagendi byalwa mwiꞌshamba, mu kihugo íkiyumuusiri, kizira miiji.

Hosheya 13:15

Yabo Bahisiraheeri, bo bagendukiirwi bweneene mu bandu beꞌgindi milala! Kundu kwokwo, Nahano agavyula ikihuhuuta ukulyoka isheere. Kigahuluka mwiꞌshamba, kinayiji kamya ibirigo byalyo. Kiri neꞌshyoko zaalyo zinayume. Yabo Bahisiraheeri, ibihinda byabo byoshi, agabishereeza ngana-ngana.

Hosheya 2:10

«Uyo mukazi atayijagi kwo nie wâli kizi múheereza byoshi byo âli hiiti, ngeꞌngano, neꞌdivaayi mbyahya, naꞌmavuta. Nie wâli kizi múheereza kiri neꞌharija, neꞌnooro. Kundu kwokwo, birya byoshi, âli kizi bitangira umuzimu Baali.

Bwigule 17:16

Na yikyo kirara kyo wabona, kuguma na yago mahembe ikumi, bigayiji shomba uyo bulambe woꞌmukazi. Binamúkumbulule byoshi byo ahiiti, halinde anasigale bukondwe. Bigaamúlya inyama, bikabuli músingoolera mu muliro.

Batwi beꞌmaaja 15:18

Ku yikyo kyanya, Samusooni âli koli nyotiirwi bweneene, kyanatuma agatakira Nahano, ti: «Ndi mukozi wawe. Keera wambeereza ubuhimi bweꞌkitangaaza. Aaho! Ka wamu ndekaga nvwe neꞌnyoota? Si nangayiji gwa mu maboko gaꞌBafirisiti, batanali batenguule?»