Hosheya 2:23 - Kifuliiru

²³ Nahano agweti agaadeta na kwokuno: «Ku yulwo lusiku, ikyanya mugandabaaza, ngamùyitaba. Ngaganuuza igulu, linashuvye mu kumùlungikira invula.

Hosheya 2:23 ပူးပေါင်းရင်းမြစ်များ

Zaburi 118:28

Wehe, uli Rurema wani. Kwokwo, ngakizi kutangira kongwa! Ee! Ngakizi kuhuuza.

Zaburi 22:27

Abakeni bagayiji lya, banayigute. Kwokwo, ngiisi ábagweti bagalooza Nahano, bagakizi múyivuga, banalonge ukulama imyaka neꞌmyakuula.

Zaburi 68:31

Haliko, abagoma ábatuuziri i mahanga boohe, ubakanukire. Si balyagagi nga nyamiishwa ízituuziri mu masanga! Bali nga shuuli ndangi mu kati keꞌnyana. Kundu basiimiri ukukizi gira izibo, ubashaabule. Ubatindimaze, halinde bakizi kuramburira.

Zaburi 72:16

Utugangazi tuyijule kweꞌmimbu, halinde ikihugo kilongage ukuyera bweneene. Ibiti bikizi tongeka kweꞌbitumbwe, ngeꞌbiti byeꞌLebanooni. Abandu bakizi genduukirwa nga byasi mu ndagiriro.

Lwimbo Lwija 2:16

«Umukundwa wani alyagagi weꞌmwani. Na naani ndi weꞌmwage. Ali nga kitugwa íkigweti kigaragira mu twaso tweꞌyungiyungi.

Hisaaya 44:5

Mundu muguma angadeta kwokuno: “Niehe, ndi wa Nahano.” Ugundi, ti: “Naani, ndi mwene Yakobo.” Ugundi anayiyandike mu kigasha, ti: “Niehe, ndi wa Nahano.” Ugundi kandi anakizi koleesa iziina Hisiraheeri.»

Yeremiya 16:19

E Nahano! Wenyene we mu kizi nzikamya. We na luzitiro lwani. Ikyanya ndi mu longa amakuba, we ndi mu tibitira mwo. Abandu baꞌmahanga gooshi, bagakizi kuyijira, iri banadeta: «Bashokuluza biitu bâli kizi yikumba imigisi, kundu ndaako kamaro kooshi yâli bahitiiri.

Yeremiya 30:22

«Kwokwo, mugashubi ba bandu baani, naani na mbe nie Rurema winyu.»

Yeremiya 31:27

Nahano adetaga kwokuno: «Ikihugo kyeꞌHisiraheeri neꞌkyaꞌBayuda, mu siku ízigayija, ngashubi biyijuza mwaꞌbandu, kiri na mweꞌbitugwa.

Yeremiya 32:38

Abahisiraheeri naꞌBayuda bo bagaaba bandu baani, naani na mbe Rurema wabo.

Yeremiya 33:26

Kwo na kwokwo, ngakizi simbaha ikihango kyo nꞌganywana na Dahudi, kuguma naꞌbandu ba mwiꞌkondo lya Yakobo. Keera nꞌgabalagaania kwo mwiꞌkondo lya Dahudi, mwo mugakizi lyoka umundu woꞌkutwala abandu ba mu kibusi kya Hiburahimu, na Hisake, na Yakobo. Ku yukwo, ngabakejeerera, na njubi bagalulira mu kihugo kyabo, ho bâli tuuziri kare.”»

Hezekyeri 36:29

«Kundu muki yulubiiri, ngamùkiza. Na njubi kyula kweꞌngano iyere bwija. Ndanaki leke kwoꞌmwena gushubi mùteera.

Hosheya 1:6

Ha nyuma, Gomeeri anashubi heeka inda, anabuta umwana woꞌbunyere. Rurema anabwira Hosheya: «Uyo mwana, umúyinike iziina Lo-Ruhama, (kuli kudeta: Ndakundwa). Mukuba, ndagaki kunda Abahisiraheeri, ndaganaki bakoga.

Hosheya 8:2

Yabo Bahisiraheeri, si bagweti bagandakira kwokuno: “Si ulyagagi Rurema witu! Aahago! Ututabaale!”

Zakariya 10:9

Kundu nꞌgabashabulira mu mahanga, nga kwoꞌmundu ali mu biba imbuto, halikago bagakizi ngengeera iyo munda bali. Ikyanya bagaaba keera bakira, kuguma naꞌbaana baabo, lyo bagashubi galuka mu kihugo kyabo.

Zakariya 13:9

Yabo ábagaaba bakoli sigiiri, ngabaleeza mu muliro, halinde banayeruuke. Ikyanya ngabayeruusa mu muliro, kugaaba nga kuyeruusa inooro neꞌharija. Ikyanya bagaaba bakola beeru, bagandabaaza, naani na mbashuvye. Ngaadeta, ti: “Bandu baani, yaba!” Nabo, ti: “Nahano, ye Rurema witu!”»

Zakariya 14:16

Yubwo buhanya, ikyanya abagoma baguma bagagafuuka mwo, bagakizi zamuukira i Yerusaleemu ngiisi mwaka, gira bakizi gendi yikumba Nahano, mwami woꞌbushobozi bwoshi, iri banakizi shambaalira ulusiku lukulu lweꞌbitunda.

Zakariya 14:9

Nahano agaaba ye mwami weꞌbihugo byoshi. Yehe yenyene ye gakizi yikumbwa nga Nahano. Ee! Iziina lyage naaho, lyo ligalumbuuka.

Zakariya 2:11

E bandu beꞌYerusaleemu, mwe mukahungira i Babeeri! Muvwarukage maashi, gira muyifuuse!»

Malaki 1:11

«Iziina lyani, ligweti ligahuuzibwa mu mahanga gooshi, ukulyokera isheere halinde imuga. Ee! Ngiisi hooshi, bagweti baganyokera umubadu, iri banandangira amatuulo ágakwaniini. Kwokwo, lyeꞌmilala yoshi iri mu kizi huuza iziina lyani. Kwokwo, kwo nie Nahano woꞌbushobozi bwoshi, ndesiri.

Barumi 3:29

Aahago! Ka Rurema, ali Rurema waꞌBayahudi naaho? Nanga! Si ali Rurema na waꞌbandu beꞌgindi milala kwakundi! Ee! Nabo, ali Rurema wabo!

Yakobo 1:1

Niehe Yakobo, ndi mukozi wa Rurema na wa Nahamwitu Yesu Kirisito. Namùlamusa, mwe milala ikumi niꞌbiri, kwo mushabukiiri mu mahanga.